ສໍລະຍຸດ ພິທີກອນຂ່າວຊື່ດັງຂອງໄທ ອອກຈາກຄຸກແລ້ວ

ສໍລະຍຸດ ພິທີກອນຂ່າວຊື່ດັງຂອງໄທ ອອກຈາກຄຸກແລ້ວ - WhatsApp Image 2021 03 15 at 8 - ສໍລະຍຸດ ພິທີກອນຂ່າວຊື່ດັງຂອງໄທ ອອກຈາກຄຸກແລ້ວ
ສໍລະຍຸດ ພິທີກອນຂ່າວຊື່ດັງຂອງໄທ ອອກຈາກຄຸກແລ້ວ - Untitled design - ສໍລະຍຸດ ພິທີກອນຂ່າວຊື່ດັງຂອງໄທ ອອກຈາກຄຸກແລ້ວ

ສໍ​ລະ​ຍຸດ ສຸທັດ​ນະ​ຈິນດາ ພິທີ​ກອນ​ຂ່າວ​ຊື່​ດັງ​ຂອງ​​ໄທ ​​ໃນ​ວັນ​ທີ 29 ກຸມພາ 2016 ສານ​ຊັ້ນຕົ້ນພິພາກສາ​ໃຫ້​ມີ​ຄວາມ​ຜິດ​ຕິດ​ຄຸກ 13 ປີ 4 ​ເດືອນ ​ໃນ​ຄະດີ​ຄ່າ​ໂຄສະນາ​ເກີນ​ເວລາ​ມູນ​ຄ່າ 138 ລ້ານ​ບາດ ຂອງບໍລິສັດ ​ໄຮ່​ສົ້ມ ຈຳກັດ ​ແລະ ພະນັກງານ ອສມທ.

ຕໍ່​ມາ​ວັນ​ທີ 29 ສິງຫາ 2017 ສານ​ອາຍາ​ຄະດີ​ທຸ​ຈະລິດ ​ແລະ ປະພຶດ​ບໍ່ຖືກຕ້ອງ ອ່ານ​ຄຳ​ພິພາກສາ​ສານ​ອຸທອນ ວິ​ເຄາະ​ວ່າ: ການ​ອຸທອນ​ຈຳ​ເລີຍ​ຟັງ​ບໍ່​ຂຶ້ນທີ່​ສານ​ຊັ້ນຕົ້ນພິພາກສາ​ຈຳ​ເລີຍ​ມານັ້ນຖືກຕ້ອງ​ແລ້ວ ຈຶ່ງ​ພິພາກສາ​ຍື່ນ​ໃຫ້​ຕິດ​ຄຸກ​ຕາມ​ສານ​ຊັ້ນຕົ້ນ “13 ປີ 4 ​ເດືອນ” ​ແລະ ສານ​ດີກາ​ບໍ່​ໃຫ້​ປະກັນ​ຕົວ ຈຶ່ງ​ຕ້ອງ​ເຂົ້າຄຸກ​​ເທື່ອ​ທຳ​ອິດ​ໃນ​ຊີວິດ ກ່ອນ​ໄດ້​ປະກັນ​ໃນ​ເວລາ​ຕໍ່​ມາ.

ວັນ​ທີ 21 ມັງກອນ 2020 ສໍ​ລະ​ຍຸດ ຖືກ​ສານ​ດີກາ​ພິພາກສາ​ຈຳ​ຄຸກ 6 ປີ 24 ​ເດືອນ, ລາວ​ຖືກ​ຄຸມ​ຕົວ​ເຂົ້າຄຸກ.

ສໍລະຍຸດ ພິທີກອນຂ່າວຊື່ດັງຂອງໄທ ອອກຈາກຄຸກແລ້ວ - Wave100S AD to Website 2020 0 - ສໍລະຍຸດ ພິທີກອນຂ່າວຊື່ດັງຂອງໄທ ອອກຈາກຄຸກແລ້ວ

ວັນ​ທີ 14 ມີນາ 2021 ລາວ​ໄດ້​ຮັບ​ອິດສະຫລະພາບອີກ ຫລັງ​ຕິດ​ຄຸກ​ມາ​ແລ້ວ 1 ປີ 2 ​ເດືອນ 6 ວັນ ​ເນື່ອງ​ຈາກ​ໄດ້​ຮັບ​ພະຣາດຊະ​ທານ​ອະ​ໄພ​ຍະ​ໂທດ ​ແລະ ​ໄດ້​ພັກ​ໂທດ​ຕາມ​ເງື່ອນ​ໄຂ ​ໂດຍ​ຈະ​ຖືກ​ນຳ​ຕົວ​ໄປ​ສຳນັກງານ​ຄຸມ​ປະພຶດ​ນະຄອນຫລວງ​ບາງກອກ ​ແລະ ຈະ​ຕ້ອງ​​ໃສ່​ປ່ອງ​ແຂນ EM ​ເປັນ​ໄລຍະ​ເວລາ 14 ​ເດືອນ ນັບ​ແຕ່​ວັນ​ທີ 14 ມີນາ 2021 ​ເຖິງ 20 ພຶດສະພາ 2022 ​ແລະ ຕ້ອງ​ລາຍ​ງານ​ຕົວ​ກັບ​ກົມ​ຄຸມ​ປະພຶດ​ຕາມ​ກຳນົດ​ຈົນ​ກວ່າ​ຈະ​ພົ້ນ​ໂທດ​ຄື​ໃນ​ວັນ​ທີ 26 ກໍລະກົດ 2023 ລວມ 2 ປີ 4 ເດືອນ ແລະ ສາມາດປະກອບອາຊີບສຸຈະລິດໄດ້.

ສຳລັບ​ ສໍ​ລະ​ຍຸດ ຖື​ເປັນ​ນັກ​ໂທດ​ເດັດຂາດ​ຊັ້ນດີ ​ໄດ້​ຮັບ​ພະຣາດຊະ​ທານ​ອະ​ໄພ​ຍະ​ໂທດ ​ໂດຍ​ການ​ຫລຸດ​ໂທດ​ມາ​ແລ້ວ 2 ຄັ້ງ ​ໃນ​ເດືອນ​ສິງຫາ 2020 ​ແລະ​ ຄັ້ງທີ 2 ​ໃນ​ວັນ​ທີ 5 ທັນວາ 2020 ກຳນົດ​ໂທດ​ຫລັງ​ສຸດ 3 ປີ 6 ​ເດືອນ 20 ວັນ ​ແຕ່​ຕິດ​ຄຸກ​ມາ​ແລ້ວ 1 ປີ 2 ​ເດືອນ 6 ວັນ ຍັງ​ເຫລືອ​ໂທດ​ຕິດ​ຄຸກ 2 ປີ 4 ​ເດືອນ 14 ວັນ ຈາກ​ໂທດ​ເກົ່າ 6 ປີ 24 ​ເດືອນ. ສໍ​ລະ​ຍຸດ ຈຶ່ງ​ຖື​ເປັນ​ນັກ​ໂທດ​ທີ່​ຮັບ​ໂທດ​ຕິດ​ຄຸກ​ມາ​ແລ້ວ​ໄລຍະ​ໜຶ່ງ ​ແລະ ມີ​ຄຸນສົມບັດ​ຄົບ​ຕາມ​ຫລັ​ກ​ເກນ​ການ​ພັກ​ການ​ລົງ​ໂທດ​ກໍລະນີ​ມີ​ເຫດ​ພິ​ເສດ.

ສໍລະຍຸດ ພິທີກອນຂ່າວຊື່ດັງຂອງໄທ ອອກຈາກຄຸກແລ້ວ - WhatsApp Image 2020 05 27 at 5 - ສໍລະຍຸດ ພິທີກອນຂ່າວຊື່ດັງຂອງໄທ ອອກຈາກຄຸກແລ້ວ
ສໍລະຍຸດ ພິທີກອນຂ່າວຊື່ດັງຂອງໄທ ອອກຈາກຄຸກແລ້ວ - WhatsApp Image 2020 05 27 at 5 - ສໍລະຍຸດ ພິທີກອນຂ່າວຊື່ດັງຂອງໄທ ອອກຈາກຄຸກແລ້ວ
error: Alert: ເນື້ອຫາຂ່າວມີລິຂະສິດ !!