ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ

ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ - 032112 2020 - ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ
ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ - Untitled design - ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ

ພະຍາດກະເພາະອາຫານ ຫລື Gastritis ແມ່ນພະຍາດທີ່ມີອາການອັກເສບ ຫລື ເຄືອງບໍລິເວນເນື້ອເຍື່ອໃນກະເພາະອາຫານ ເຊິ່ງໃນບາງເທື່ອກໍສາມາດເກີດຂຶ້ນໄດ້ໃນໄລຍະເວລາສັ້ນໆ ແລະ ປິ່ນປົວເຊົາໄດ້ພຽງແຕ່ກິນຢາຕາມແພດສັ່ງ, ແຕ່ຫາກມີອາການທີ່ຮຸນແຮງຂຶ້ນ ເຊັ່ນ : ມີການອັກເສບແບບຊຳ້ເຮື້ອ ກໍຈະເຮັດໃຫ້ເກີດບາດແຜໃນກະເພາະອາຫານ ເຊິ່ງກໍສາມາດພັດທະນາໄປເປັນພະຍາດມະເຮັງຮ້າຍ ເຊັ່ນ : ກະເພາະອາຫານຊຳ້ເຮື້ອ, ມະເຮັງກະເພາະອາຫານ ຫລື ມະເຮັງຕ່ອມນຳ້ເຫລືອງບາງຊະນິດໄດ້.

ໂດຍອາການທົ່ວໄປຂອງພະຍາດດັ່ງກ່າວນີ້ຈະມີອາການຄື ມີການເຈັບທ້ອງ, ເຈັບກະເພາະ, ຈຸກແໜ້ນ, ເອື້ອມ, ປຸ້ນທ້ອງປວດຮາກ, ຮາກຫລັງຈາກກິນອາຫານ ເຊິ່ງຖ້າມີອາການແຊກຊ້ອນຈາກບາດແຜທີ່ເກີດຂຶ້ນຈາກກະເພາະອາຫານ ອາດຈະເຮັດໃຫ້ກະເພາະບາງ, ກະເພາະຊອດ, ມີເລືອດອອກໃນກະເພາະອາຫານ ຈົນອາດຈະເຮັດໃຫ້ເສຍເລືອດຈົນເສຍຊີວິດໄດ້.

ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ - 052112 2020 300x208 - ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ

ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ - Wave100S AD to Website 2020 0 - ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ
  • ສາເຫດຂອງພະຍາດ : ຈາກຄວາມເຊື່ອເກົ່າໆທີ່ເຮັດໃຫ້ເຂົ້າໃຈຜິດມາຕະຫລອດນັ້ນ ໃນທາງການແພດໄດ້ອະທິບາຍວ່າ ສະພາບໃນກະເພາະອາຫານຈະມີຄວາມເປັນກົດສູງ ເຊິ່ງຮ່າງກາຍຈະສ້າງເຍື່ອເມືອກເຄືອບຜິວໜັງກະເພາະອາຫານ ເພື່ອເຮັດໜ້າທີ່ປ້ອງກັນເນື້ອເຍື່ອກະເພາະອາຫານຢູ່ແລ້ວ, ແຕ່ສາເຫດທີ່ແທ້ຈິງຂອງພະຍາດນັ້ນແມ່ນມາຈາກການຕິດເຊື້ອແບັກທີເຣຍ ເຮລິໂກແບັກເຄີໄປໂລໄຣ ເຊິ່ງຫາກກະເພາະອາຫານມີການຕິດເຊື້ອດັ່ງກ່າວນີ້ແລ້ວກໍຈະເຮັດໃຫ້ເກີດການຫລັ່ງກົດໃນກະເພາະອາຫານ ແລະ ເຍື່ອເມືອກທີ່ເຄືອບໃນກະເພາະຢູ່ເກີດຄວາມຜິດປົກກະຕິ ເຊິ່ງຕ້ອງຍ່ອຍອາຫານດົນຂຶ້ນ ແລະ ເຮັດໃຫ້ຜິວກະເພາະອາຫານເກີດການອັກເສບຕາມມາ ແລະ ເມື່ອເຊື້ອເຂົ້າຢູ່ໃນກະເພາະອາຫານຮຽບຮ້ອຍແລ້ວ ກໍຈະປ່ຽນສະພາບເປັນດ່າງ ເຮັດໃຫ້ເຊື້ອສາມາດທົນຢູ່ໃນກະເພາະອາຫານທີ່ມີສະພາບເປັນກົດໄດ້ ຈາກນັ້ນເຊື້ອຈະໄປໂຮມໂຕຢູ່ບໍລິເວນເນື້ອເຍື່ອກະເພາະອາຫານໃນທີ່ສຸດ ໂດຍເຊື້ອແບັກທີເຣຍຊະນິດນີ້ສາມາດປົນເປື້ອນມາກັບອາຫານ ແລະ ນຳ້ດື່ມ. ຂະນະດຽວກັນ ປັດໄຈທີ່ກໍ່ໃຫ້ເກີດພະຍາດນັ້ນຍັງມີອີກຫລາຍສາເຫດໄດ້ຄືກັນ ບໍ່ວ່າຈະເປັນການຕິດເຊື້ອລາບາງຊະນິດ, ພຶດຕິກຳສຸຂະພາບ ທັງການສູບຢາ, ການດື່ມສິ່ງມຶນເມົາ ຫລື ກາເຟອີນ ແລະ ການກິນຢາທີ່ມີລິດກັດກະເພາະອາຫານ ເຊິ່ງມັກເປັນກຸ່ມຢາແກ້ອັກເສບ ຫລື ຢາແກ້ປວດ ຫລື ຢາສະເຕຍຣອຍ ທີ່ມີຜົນໃຫ້ເກີດບາດແຜໃນກະເພາະອາຫານ ແລະ ລຳໄສ້ບາງລົງ ຈົນເຮັດໃຫ້ມີຜົນຕໍ່ຄວາມສາມາດໃນການປ້ອງກັນກົດທີ່ຈະຫລັ່ງອອກມາຍ່ອຍອາຫານ.

ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ - 012112 2020 300x200 - ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ

  • ການປິ່ນປົວ ແລະ ປ້ອງກັນພະຍາດກະເພາະອາຫານ : ສຳລັບການປິ່ນປົວພະຍາດນີ້ນັ້ນ ຄວາມຈິງກໍບໍ່ໄດ້ສັບຊ້ອນຫຍັງ ໂດຍສ່ວນຫລາຍແພດຈະໃຫ້ຢາຂ້າເຊື້ອມາກິນ ເຊິ່ງຖ້າກິນຢາຕາມທີ່ແພດສັ່ງ ກໍສາມາດເຊົາຂາດໄດ້, ແຕ່ຖ້າຍັງບໍ່ເຊົາ ອາດຈະເປັນໄປໄດ້ວ່າ ຍັງຄົງມີເຊື້ອຫລົງເຫລືອຢູ່ ແລະ ຍິ່ງມີສິ່ງໄປກະຕຸ້ນກໍອາດຈະເຮັດໃຫ້ອາການຮຸນແຮງໄດ້,​ ແຕ່ຖ້າມີອາການກະເພາະເປັນບາດແຜ ແພດຈະຈ່າຍຢາທີ່ຫລຸດການຫລັ່ງກົດ ລວມເຖິງຢາທີ່ຊ່ວຍປິ່ນປົວບາດແຜໃນກະເພາະອາຫານຮ່ວມນຳ.
  • ສ່ວນການປ້ອງກັນພະຍາດກະເພາະອາຫານນັ້ນ ພຽງແຕ່ກິນອາຫານທີ່ຖືກສຸຂະລັກສະນະ ຖືວ່າເປັນປັດໄຈສຳຄັນໃນການປ້ອງກັນພະຍາດ, ແຕ່ແນວໃດກໍຕາມ ຫາກເຮົາຍັງບໍ່ໝັ້ນໃຈວ່າອາຫານທີ່ເຮົາກິນເຂົ້າໄປນັ້ນຈະມີເຊື້ອແບັກທີເຣຍບໍ່ດີຫລືບໍ່ ກໍຄວນຫລີກເວັ້ນການກິນອາຫານທີ່ຈະໄປກະຕຸ້ນໃຫ້ກະເພາະອາຫານເຮັດວຽກຜິດປົກກະຕິ ເຊິ່ງຖ້າບໍ່ຢາກໃຫ້ມີການກະຕຸ້ນໃຫ້ກະເພາະອາຫານທີ່ຜິດປົກກະຕິ ການກິນອາຫານໃຫ້ກົງເວລາ ແລະ ຫລີກເວັ້ນອາຫານລົດຊາດເຜັດໆເຄັມໆເຂັ້ມຂຸ້ນ ກໍຈະຊ່ວຍຫລຸດການລະຄາຍເຄືອງໃນກະເພາະອາຫານໄດ້ ລວມເຖິງງົດການສູບຢາ, ງົດດື່ມສິ່ງມຶນເມົາ ແລະ ເຄື່ອງດື່ມທີ່ມີກາເຟອີນ ສິ່ງສຳຄັນທີ່ສຸດ ຢ່າຊື້ຢາມາກິນເອງ ໂດຍສະເພາະຢາທີ່ມີລິດກັດກະເພາະອາຫານຢ່າງຮຸນແຮງ.
ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ - WhatsApp Image 2020 05 27 at 5 - ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ
ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ - WhatsApp Image 2020 05 27 at 5 - ກິນເຂົ້າບໍ່ກົງເວລາອາດບໍ່ແມ່ນສາເຫດດຽວຂອງພະຍາດກະເພາະອາຫານ
error: Alert: ເນື້ອຫາຂ່າວມີລິຂະສິດ !!