ນາຍົກຍີ່ປຸ່ນຈະຢ້ຽມຢາມອາເມລິກາ 9 ເມສາ ເປັນຜູ້ນຳປະເທດທຳອິດທີ່ເຂົ້າພົບ ໄບເດນ

ນາຍົກຍີ່ປຸ່ນຈະຢ້ຽມຢາມອາເມລິກາ 9 ເມສາ ເປັນຜູ້ນຳປະເທດທຳອິດທີ່ເຂົ້າພົບ ໄບເດນ - Japan Quad 4 1615614544 - ນາຍົກຍີ່ປຸ່ນຈະຢ້ຽມຢາມອາເມລິກາ 9 ເມສາ ເປັນຜູ້ນຳປະເທດທຳອິດທີ່ເຂົ້າພົບ ໄບເດນ
ນາຍົກຍີ່ປຸ່ນຈະຢ້ຽມຢາມອາເມລິກາ 9 ເມສາ ເປັນຜູ້ນຳປະເທດທຳອິດທີ່ເຂົ້າພົບ ໄບເດນ - Untitled design - ນາຍົກຍີ່ປຸ່ນຈະຢ້ຽມຢາມອາເມລິກາ 9 ເມສາ ເປັນຜູ້ນຳປະເທດທຳອິດທີ່ເຂົ້າພົບ ໄບເດນ

ຜູ້ນຳ​ຍີ່ປຸ່ນ​ກຽມ​ເດີນທາງ​ໄປ​ຢ້ຽມຢາມ​ທຳນຽບຂາວ ທ່າມກາງ​ການ​​ເຝົ້າຕິດຕາມ​ຂອງ​ບັນດາ​ປະ​ເທດ​ເຖິງ​ກອງ​ປະຊຸມ​ຂອງ​ສອງ​ປະ​ເທດ​ທີ່​ເກີດ​ຂຶ້ນ​ເລື້ອຍໆ.

ວັນ​ທີ 14 ມີນາ 2021, ສຳນັກ​ຂ່າວຣອຍ​ເຕີ (Reuters) ລາຍ​ງານ​ກຳນົດ​ການ​ຢ້ຽມຢາມ​ອາ​ເມ​ລິ​ກາ​ຂອງ​ທ່ານ ​ໂຢຊິ​ຮິ​ເດ ຊຸ​ງະ ນາຍົກລັດຖະມົນຕີຍີ່ປຸ່ນ ​ໃນ​ວັນ​ທີ 9 ​ເມສາ​ທີ່​ຈະ​ເຖິງ​ນີ້ ຖື​ເປັນ​ຜູ້ນຳ​ຕ່າງປະ​ເທດ​ຄົນ​ທຳ​ອິດ​ທີ່​ຈະ​ໄປ​ພົບ​ກັບ​ທ່ານ ​ໂຈ ​ໄບ​ເດນ ປະທານາທິບໍດີ​ອາ​ເມ​ລິ​ກາ ທີ່ນະຄອນຫລວງ​ວໍ​ຊິງ​ຕັນ ດີ​ຊີ ນັບ​ແຕ່​ເຂົ້າຮັບ​ຕຳ​ແໜ່​ງ​ໃນ​ເດືອນ​ມັງກອນ.

​ໂດຍ​ໃນ​ວັນ​ທີ 12 ມີນາ​ຜ່ານ​ມາ, ຜູ້ນຳ​ທັງ 2 ປະ​ເທດ​ໄດ້​ປະຊຸມ​ທາງ​ໄກ​ຮ່ວມ​ກັບ​ທ່ານ ນາ​ເຣນທຣາ ​ໂມ​ດີ ນາຍົກລັດຖະມົນຕີອິນ​ເດຍ ​ແລະ ທ່ານ ສະກ໊ອດ ມໍຣິສັນ ນາຍົກລັດຖະມົນຕີອອສ​ເຕຣ​ເລຍ ​ໃນ​ບັນຫາ​ເລື່ອງ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ທີ່​ໃຫ້​ຄຳ​ໝັ້ນສັນຍາ​ວ່າ​ຈະ​ໃຊ້​ຈຸດ​ແຂງ​ຂອງ​ແຕ່ລະ​ປະ​ເທດ ​ໄດ້​ແກ່ ການ​ຜະລິດ​ວັກ​ຊີ​ນ​ໂດຍ​ອາ​ເມ​ລິ​ກາ ​ແລະ ອິນ​ເດຍ, ການ​ອອກ​ເງິນ​ໂດຍ​ອາ​ເມ​ລິ​ກາ ​ແລະ ຍີ່ປຸ່ນ ບວກ​ກັບ​ຄວາມ​ຊຳນານ​ດ້ານ​ໂລ​ຈິ​ສຕິກ​ອອສ​ເຕຣ​ເລຍ ​ໃນ​ການ​ສົ່ງ​ມອບ​ວັກ​ຊີ​ນ 1 ພັນ​ລ້ານ​ໂດ​ສ​ໃຫ້​ປະ​ເທດ​ອາ​ຊຽນ, ອິນ​ໂດ​ປາຊີ​ຟິກ ລວມທັງ​ປະ​ເທດ​ອື່ນໆ​ພາຍ​ໃນ​ປີໜ້າ.

ຂະນະ​ທີ່​ອາທິດ​ຜ່ານ​ມາ, ທ່ານ ​ແອນ​ໂທ​ນີ ບລິງ​ເຄນ ລັດຖະມົນຕີ​ຕ່າງປະ​ເທດ ​ແລະ ທ່ານ ລອຍ ອອສຕິນ ລັດຖະມົນຕີ​ປ້ອງ​ກັນ​ປະ​ເທດຂອງ​ອາ​ເມ​ລິ​ກາ ກໍ​ຈະ​​ໄປ​ຢ້ຽມຢາມ​ຍີ່ປຸ່ນ ​ແລະ ສ.​ເກົາຫລີ ​ເປັນ​ການ​ຢ້ຽມຢາມ​ຕ່າງປະ​ເທດ​ຄັ້ງທຳ​ອິດ​ຂອງ​ທ່ານ​ທັງ​ສອງ​ເຊັ່ນ​ກັນ ​ໂດຍ​ຄາດ​ວ່າ​ຈະ​ມີ​ການ​ເຈລະຈາ​ເລື່ອງ​ການ​ຮ່ວມ​ມື​ໃນ​ພາກພື້ນ ​ເພື່ອ​ຢຸດ​ຢັ້ງການ​ຂະຫຍາຍ​ອິດ​ທິພົນ​ຂອງ​ຈີນ.

ນາຍົກຍີ່ປຸ່ນຈະຢ້ຽມຢາມອາເມລິກາ 9 ເມສາ ເປັນຜູ້ນຳປະເທດທຳອິດທີ່ເຂົ້າພົບ ໄບເດນ - Wave100S AD to Website 2020 0 - ນາຍົກຍີ່ປຸ່ນຈະຢ້ຽມຢາມອາເມລິກາ 9 ເມສາ ເປັນຜູ້ນຳປະເທດທຳອິດທີ່ເຂົ້າພົບ ໄບເດນ

ການ​ທີ່​ຜູ້ນຳ​ລະດັບ​ສູງ​ຂອງ​ຍີ່ປຸ່ນ ​ແລະ ອາ​ເມ​ລິ​ກາ ​ເຊິ່ງ​ເປັນ​ປະ​ເທດ​ມະຫາ​ອຳນາດ ມີ​ກຳນົດ​ເດີນທາງ​ໄປມາຫາສູ່​ກັນ​ໃນ​ໄລຍະ​ນີ້ ​ເຊິ່ງຍັງ​ຕ້ອງ​ລະມັດລະວັງ​ເລື່ອງ​ການລະບາດ​ຂອງ​ພະຍາດ​ໂຄ​ວິດ-19 ຢູ່ ກາຍ​ເປັນ​ຈຸດ​ສົນ​ໃຈ​ຂອງ​ບັນດາ​ປະ​ເທດ ວ່າ​ຈະ​ມີ​ມາດ​ຕະການ​ໃດໆ​ຕາມ​ມາ​ຫລັງ​ຈາກ​ເຈລະຈາ ຫລື ບໍ່.

ນາຍົກຍີ່ປຸ່ນຈະຢ້ຽມຢາມອາເມລິກາ 9 ເມສາ ເປັນຜູ້ນຳປະເທດທຳອິດທີ່ເຂົ້າພົບ ໄບເດນ - WhatsApp Image 2020 05 27 at 5 - ນາຍົກຍີ່ປຸ່ນຈະຢ້ຽມຢາມອາເມລິກາ 9 ເມສາ ເປັນຜູ້ນຳປະເທດທຳອິດທີ່ເຂົ້າພົບ ໄບເດນ
ນາຍົກຍີ່ປຸ່ນຈະຢ້ຽມຢາມອາເມລິກາ 9 ເມສາ ເປັນຜູ້ນຳປະເທດທຳອິດທີ່ເຂົ້າພົບ ໄບເດນ - WhatsApp Image 2020 05 27 at 5 - ນາຍົກຍີ່ປຸ່ນຈະຢ້ຽມຢາມອາເມລິກາ 9 ເມສາ ເປັນຜູ້ນຳປະເທດທຳອິດທີ່ເຂົ້າພົບ ໄບເດນ
error: Alert: ເນື້ອຫາຂ່າວມີລິຂະສິດ !!