ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ

ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ - 132212 2020 - ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ
ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ - Untitled design - ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ

ສຳລັບຄອບຄົວທີ່ຫາກໍມີສະມາຊິກໃໝ່ ການກຽມເຮືອນໃຫ້ອົບອຸ່ນເປັນຕາຢູ່ສຳລັບເດັກນ້ອຍເປັນໜຶ່ງໃນສິ່ງທີ່ພໍ່ແມ່ມືໃໝ່ໃຫ້ຄວາມສຳຄັນ ໂດຍສະເພາະເລື່ອງຂອງບ່ອນນອນ ແລະ ຫ້ອງນອນຂອງລູກ ພໍ່ແມ່ຮູ້ຫລືບໍ່ວ່າການຈັດບ່ອນນອນ ແລະ ຫ້ອງນອນໃຫ້ລູກມີຄວາມສຳຄັນຫລາຍປານໃດ ສຳລັບເດັກນ້ອຍເກີດໃໝ່ ແລະ ອາຍຸ 1 ປີຂຶ້ນໄປ ການຈັດບ່ອນນອນ ແລະ ຫ້ອງນອນທີ່ບໍ່ປອດໄພ ອາດເຮັດໃຫ້ເກີດອັນຕະລາຍເຖິງຊີວິດໄດ້.

ການຈັດບ່ອນນອນໃຫ້ເດັກນ້ອຍເກີດໃໝ່ເຖິງ 6 ເດືອນ : ຈາກສະຖິຕິທົ່ວໂລກພົບວ່າເດັກນ້ອຍໃນຊ່ວງອາຍຸ 6 ເດືອນທຳອິດນັ້ນມີອັນຕະລາຍທີ່ກ່ຽວຂ້ອງກັບການນອນສູງ. ໂຕຢ່າງເຊັ່ນ : ໃນສະຫະລັດອາເມລິກາ ມີແອນ້ອຍເສຍຊີວິດຈາກເຫດທີ່ກ່ຽວຂ້ອງກັບການນອນເຖິງ 3.500 ຄົນຕໍ່ປີ ສາເຫດນັ້ນປະກອບໄປດ້ວຍການເສຍຊີວິດກະທັນຫັນ, ການເສຍຊີວິດຈາກການຂາດອາກາດຫາຍໃຈ ຫລື ຖືກຮັດຄໍຈາກສິ່ງຂອງທີ່ຢູ່ເທິງຕຽງ ເປັນຕົ້ນ.

ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ - 122212 2020 300x177 - ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ

ເພື່ອຈະປ້ອງກັນບໍ່ໃຫ້ເກີດອຸປະຕິເຫດທີ່ໜ້າເສົ້າສະຫລົດໃຈແບບນີ້ກັບລູກນ້ອຍ ພວກເຮົາຈຶ່ງເອົາຄຳແນະນຳ ຫລື ເຄັດລັບການນອນ ແລະ ບ່ອນນອນທີ່ເໝາະສົມສຳລັບແອນ້ອຍ ຫລື ເດັກນ້ອຍໃຫ້ພໍ່ແມ່ຮູ້ ດັ່ງນີ້ :

ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ - Wave100S AD to Website 2020 0 - ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ
  • ອັນດັບທຳອິດ ທ່ານອນ : ແອນ້ອຍຕັ້ງແຕ່ເກີດຈົນເຖິງອາຍຸ 1 ປີ ເມື່ອເຖິງເວລານອນ ຫ້າມຈັດທ່າໃຫ້ນອນຂວຳ້ໜ້າເດັດຂາດ ຄວນໃຫ້ລູກນອນຫງາຍເທົ່ານັ້ນ.
  • ອັນດັບສອງ ບ່ອນນອນ : ຕ້ອງເປັນເສື່ອທີ່ແຂງເລັກໜ້ອຍ ບໍ່ອ່ອນຍວບ, ຜ້າປູບ່ອນນອນຕ້ອງລຽບເຄັ່ງ, ບໍ່ຫລຸດງ່າຍ ຈະໄດ້ບໍ່ມາປົກໜ້າ ຫລື ປິດດັງລູກ ແລະ ບໍ່ຄວນມີຂອງຫລິ້ນ ຫລື ໝອນ ຫລື ສິ່ງອື່ນໆຢູ່ເທິງເສື່ອນອນ ແລະ ທີ່ຫ້າມເດັດຂາດຄື ບໍ່ຄວນໃຫ້ລູກນອນຫລັບຢູ່ເທິງຕັ່ງ ຫລື ໂຊຟາມີພະນັກອີງທີ່ມີລັກສະນະອ່ອນນຸ້ມ ເພາະເດັກອາດເຂົ້າໄປຕິດຢູ່ໃນຊ່ອງລະຫ່ວາງພະນັກອີງກັບບ່ອນນັ່ງໄດ້.
  • ອັນດັບສາມ ບ່ອນນອນເດັກ : ຄວນຈະແຍກຕ່າງຫາກຈາກຕຽງຂອງຜູ້ໃຫຍ່ ແຕ່ຄວນຈະຢູ່ໃນຫ້ອງດຽວກັນ ຢ່າງໜ້ອຍຈົນເຖິງອາຍຸ 6 ເດືອນ ເຖິງ 1 ປີ ແລ້ວຄ່ອມພິຈາລະນາແຍກຫ້ອງນອນ.
  • ອັນດັບສີ່ ເຖິງວ່າຈະເມື່ອຍປານໃດກໍຢ່າປ່ອຍໃຫ້ເດັກນອນຫລັບໄປກັບຜູ້ໃຫຍ່ ໂດຍສະເພາະພໍ່ແມ່ ຫລື ຜູ້ລ້ຽງທີ່ອິດເມື່ອຍ່ອນເພຍ ເນື່ອງຈາກມີອຸປະຕິເຫດຈາກການທີ່ຜູ້ໃຫຍ່ຫລັບເລິກ ແລະ ນອນທັບເດັກນ້ອຍເສຍຊີວິດຢູ່ເປັນປະຈຳ.

ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ - 102212 2020 300x180 - ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ

ນອກຈາກເລື່ອງບ່ອນນອນແລ້ວ ຈາກການສຶກສາພົບວ່າ ການເອົາລູກກິນນົມ ຊ່ວຍຫລຸດຄວາມສ່ຽງຂອງການເກີດການເສຍຊີວິດກະທັນຫັນໃນເດັກນ້ອຍໄດ້. ໃນຂະນະທີ່ການສູບຢາ, ການດື່ມອານກໍຮໍ ແລະ ການໃຊ້ສານເສບຕິດ ຂອງຄົນໃນເຮືອນເພີ່ມຄວາມສ່ຽງຂອງການເສຍຊີວິດກະທັນຫັນໃນເດັກນ້ອຍໄດ້.

  • ການກຽມໂຕແຍກຫ້ອງນອນໃຫ້ລູກ : ຫລັງຈາກພົ້ນໄວແອນ້ອຍໃນອາຍຸ 1 ປີທຳອິດມາແລ້ວ ພໍ່ແມ່ຄົງເລີ່ມມີຄຳຖາມວ່າ ແລ້ວເຮົາຄວນຈະເລີ່ມຝຶກແຍກຫ້ອງນອນໃຫ້ລູກຕອນໃດດີ ? ເວລາທີ່ເໝາະສົມໃນການແຍກຫ້ອງນອນຂອງລູກນັ້ນຍັງບໍ່ມີຄຳແນະນຳທີ່ຈະແຈ້ງ ເນື່ອງຈາກຂຶ້ນຢູ່ກັບວັດທະນະທຳການໃຊ້ຊີວິດທີ່ຕ່າງກັນໃນແຕ່ລະເຊື້ອຊາດ ແລະ ສັງຄົມນຳ, ແຕ່ຈາກຄຳແນະນຳຂອງ American Academy of Pediatrics ນັ້ນ ແນະນຳໃຫ້ຢ່າງໜ້ອຍຕ້ອງລໍຖ້າເຖິງອາຍຸຫລັງ 1 ປີໄປແລ້ວ ເພື່ອຄວາມປອດໄພຂອງເດັກ,​ ແຕ່ກໍບໍ່ແມ່ນວ່າເດັກອາຍຸ 1 ປີທຸກຄົນ ຄວນຕ້ອງແຍກຫ້ອງນອນແລ້ວ ເພາະເວລາທີ່ເໝາະສົມນັ້ນ ຂຶ້ນຢູ່ກັບຄວາມພ້ອມຂອງພໍ່ແມ່, ຄວາມພ້ອມຂອງລູກ ແລະ ຄວາມສະດວກຂອງແຕ່ລະເຮືອນນຳ ວ່າມີພື້ນທີ່ພຽງພໍສຳລັບຫ້ອງສ່ວນໂຕຂອງເດັກຫລືບໍ່. ຖ້າເປັນໄປໄດ້ ການແຍກຫ້ອງນອນໃຫ້ໄດ້ກ່ອນເດັກຈະເຂົ້າສູ່ໄວຮຽນກໍໜ້າຈະດີກ່ວາ ເນື່ອງຈາກຂໍ້ເສຍຂອງການນອນຮ່ວມກັບພໍ່ແມ່ໃນຫ້ອງດຽວກັນ ແລະ ໂດຍສະເພາະເທິງຕຽງດຽວກັນນັ້ນ ຄື ທັງເດັກ ແລະ ຜູ້ໃຫຍ່ອາດຈະຫລັບໄດ້ບໍ່ແຈບ ສົ່ງຜົນໃຫ້ພັກຜ່ອນບໍ່ພຽງພໍ ມີຜົນຕໍ່ປະສິດທິພາບ ແລະ ສະມາທິໃນການຮຽນຂອງເດັກ, ປະສິດທິພາບການເຮັດວຽກ ແລະ ສຸຂະພາບຈິດຂອງພໍ່ແມ່ ແລະ ຍັງຂາດຄວາມເປັນສ່ວນໂຕຂອງຄູ່ຊີວິດຂອງພໍ່ແມ່ນຳ.
  • ເຕັກນິິກການແຍກຫ້ອງນອນໃຫ້ລູກ : ທີ່ອາດຊ່ວຍໃຫ້ແຍກໄດ້ຢ່າງຄ່ອງແຄ້ວມີຫລາຍວິທີ ເຊັ່ນ :
  1. ກຽມໂຕໃຫ້ເດັກໄດ້ຮູ້ສຶກມ່ວນຊື່ນຕື່ນເຕັ້ນກັບຫ້ອງນອນຂອງຕົນເອງ, ເວົ້າເຖິງຂໍ້ດີ ເຊັ່ນ : ຈະໄດ້ກຽມສິ່ງຂອງໆຕົນເອງ, ຜ້າປູບ່ອນນອນທີ່ມັກ ເປັນຕົ້ນ, ແຕ່ບໍ່ຄວນມີໂທລະພາບ, ຄອມພິວເຕີ ຫລື ອຸປະກອນອີເລັກໂຕຣນິກທີ່ມີຈໍໃນຫ້ອງເດັດຂາດ ເພາະເຮັດໃຫ້ຄຸນນະພາບການນອນບໍ່ດີ.
  2. ໃນໄລຍະທຳອິດພໍ່ແມ່ອາດຈະເຂົ້າໄປຢູ່ນຳ, ອ່ານນິທານ ຫລື ເລົ່ານິທານທີ່ມີເນື້ອໃນຜ່ອນຄາຍ ແລະ ລໍຖ້າຈົນກ່ວາເດັກຈະຫລັບ ແລະ ເມື່ອເດັກເລີ່ມລຶ້ງກໍຄ່ອຍໆຫ່າງອອກມາເລື້ອຍໆຈົນເດັກສາມາດຫລັບໄດ້ເອງໂດຍບໍ່ຕ້ອງມີຜູ້ໃຫຍ່ຢູ່ນຳ.
  3. ຖ້າເດັກຫລັບໄດ້ຍາກ ຫລື ມີຄວາມກັງວົນທີ່ຕ້ອງແຍກນອນກັບຜູ້ໃຫຍ່ ການມີຕຸກກະຕາໂຕມັກ, ໝອນ ຫລື ຜ້າຫົ່ມຜືນມັກໄວ້ນອນກອດກໍຈະຊ່ວຍຫລຸດຄວາມກັງວົນໄດ້.
ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ - WhatsApp Image 2020 05 27 at 5 - ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ
ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ - WhatsApp Image 2020 05 27 at 5 - ຈັດຫ້ອງນອນໃຫ້ລູກແນວໃດໃຫ້ປອດໄພ ແລະ ຫລັບດີມີຄວາມສຸກ
error: Alert: ເນື້ອຫາຂ່າວມີລິຂະສິດ !!