ສະເປນ-ເຢຍລະມັນ-ອິຕາລີ-ຝຣັ່ງ ຢຸດສັກວັກຊີນ AstraZeneca ຢ້ານຜົນຂ້າງຄຽງເລືອດກ້າມ

ສະເປນ-ເຢຍລະມັນ-ອິຕາລີ-ຝຣັ່ງ ຢຸດສັກວັກຊີນ AstraZeneca ຢ້ານຜົນຂ້າງຄຽງເລືອດກ້າມ - 6707 - ສະເປນ-ເຢຍລະມັນ-ອິຕາລີ-ຝຣັ່ງ ຢຸດສັກວັກຊີນ AstraZeneca ຢ້ານຜົນຂ້າງຄຽງເລືອດກ້າມ
ສະເປນ-ເຢຍລະມັນ-ອິຕາລີ-ຝຣັ່ງ ຢຸດສັກວັກຊີນ AstraZeneca ຢ້ານຜົນຂ້າງຄຽງເລືອດກ້າມ - Untitled design - ສະເປນ-ເຢຍລະມັນ-ອິຕາລີ-ຝຣັ່ງ ຢຸດສັກວັກຊີນ AstraZeneca ຢ້ານຜົນຂ້າງຄຽງເລືອດກ້າມ

ສະ​ເປ​ນ, ​ເຢຍລະ​ມັນ, ອິຕາ​ລີ ​ແລະ ຝຣັ່ງ ​ເປັນ​ປະ​ເທດ​ເອີຣົບຫລ້າ​ສຸດ​ທີ່​ປະກາດ​ຢຸດ​ການ​ສັກ​ວັກ​ຊີ​ນຕ້ານ​ໂຄ​ວິດ-19 ຂອງ AstraZeneca ຫລັງ​ຫລາຍ​ປະ​ເທດ​ລາຍ​ງານ​ຜົນ​ຂ້າງຄຽງ​ຈາກ​ການ​ສັກ​ວັກ​ຊີ​ນ ​ໂດຍ​ເກີດ​ອາການ​ເລືອດ​ກ້າມ​ໃນ​ກຸ່ມ​ຜູ້​ໄດ້​ຮັບ​ວັກ​ຊີ​ນບາງ​ຄົນ.

ການ​ຢຸດ​ແຜນ​ສັກ​ວັກ​ຊີ​ນຂອງ AstraZeneca ​ເກີດ​ຂຶ້ນສວນ​ທາງ​ຄຳ​ແນະນຳ​ຈາກ​ອົງການ​ອະນາ​ໄມ​ໂລກ (WHO) ​ແລະ ອົງການ​ຢາ​ແຫ່ງ​ສະຫະພາບ​ເອີຣົບ (EMA) ທີ່​ລະບຸວ່າ: ຍັງ​ບໍ່​ພົບ​ຂໍ້​ມູນ​ບົ່ງ​ຊີ້​ວ່າ​ວັກ​ຊີ​ນຂອງ AstraZeneca ​ເຮັດ​ໃຫ້​ເກີດ​ອາການ​ເລືອດ​ກ້າມ ​ແລະ ສະໜັບສະໜູນ​ໃຫ້​ເດີນ​ໜ້າ​ສັກ​ວັກ​ຊີ​ນຕໍ່​ໄປ ​ເນື່ອງ​ຈາກ​ຜົນ​ປະ​ໂຫຍ​ດທີ່​ໄດ້​ມີ​ຫລາຍ​ກວ່າ​ຄວາມ​ສ່ຽງ. ຂະນະ​ທີ່​ຫລາຍ​ປະ​ເທດ​ເອີຣົບ ລວມທັງ​ເຢຍລະ​ມັນ ກຳລັງ​ຜະ​ເຊີນ​ການລະບາດ​ໜັກ​ຂອງ​ໂຄ​ວິດ-19 ຮອບ​ທີ 3.

ທັງ​ນີ້, ສະ​ເປ​ນຈະ​ຢຸດ​ການ​ສັກ​ວັກ​ຊີ​ນ AstraZeneca ​ຢ່າງ​ໜ້ອຍ 2 ອາທິດ ຈົນ​ກວ່າ EMA ຈະ​ສາມາດ​ປະ​ເມີນ​ຄວາມ​ສ່ຽງ​ຂອງ​ວັກ​ຊີ​ນ​ໄດ້​ຢ່າງ​ແນ່ນອນ.

ຂະນະ​ທີ່ Jens Spahn ລັດຖະມົນຕີ​ວ່າການ​ກະຊວງ​ສາທາລະນະ​ສຸກ​ຂອງ​ເຢຍລະ​ມັນ ກ່າວ​ໃນ​ວັນ​ທີ 15 ມີນາ​ວ່າ: ການ​ຕັດສິນ​ໃຈ​ຢຸດ​ສັກ​ວັກ​ຊີ​ນດັ່ງກ່າວ​ມີ​ຂຶ້ນ ຫລັງ​ປາກົດ​ລາຍ​ງານ​ອາການ​ເລືອດ​ກ້າມ​ໃນ​ກຸ່ມ​ຜູ້​ຮັບ​ວັກ​ຊີ​ນຂອງ AstraZeneca ຢູ່​ເດນ​ມາກ ​ແລະ ນໍ​​ເວ.

ສະເປນ-ເຢຍລະມັນ-ອິຕາລີ-ຝຣັ່ງ ຢຸດສັກວັກຊີນ AstraZeneca ຢ້ານຜົນຂ້າງຄຽງເລືອດກ້າມ - Wave100S AD to Website 2020 0 - ສະເປນ-ເຢຍລະມັນ-ອິຕາລີ-ຝຣັ່ງ ຢຸດສັກວັກຊີນ AstraZeneca ຢ້ານຜົນຂ້າງຄຽງເລືອດກ້າມ

​ເຊັ່ນ​ດຽວ​ກັບ​ຝຣັ່ງ ​ແລະ ອິຕາ​ລີ​ທີ່​ຕັດສິນ​ໃຈ​ຢຸດ​ການ​ສັກ​ວັກ​ຊີ​ນ AstraZeneca ນັບ​ແຕ່​ວັນ​ທີ 15 ມີນາ ​ເພື່ອ​ລໍຖ້າ​ການກວດ​ສອບ​ຈາກ EMA.

ທັງ​ນີ້, ຄະນະ​ກຳມະການ​ຄວາມ​ປອດ​ໄພ​ດ້ານ​ວັກ​ຊີ​ນຂອງ EMA ​ເປີດ​ເຜີຍ​ວ່າ: ກຳລັງ​ເລັ່ງສືບສວນ ​ແລະ ວິ​ເຄາະ​ຂໍ້​ມູນ​ການ​ເກີດ​ອາການ​ເລືອດ​ກ້າມ​ຂອງ​ກຸ່ມ​ຜູ້​ຮັບ​ການ​ສັກ​ວັກ​ຊີ​ນ AstraZeneca ​ໂດຍ​ໄດ້​ປະສານ​ງານ​ໃກ້ຊິດ​ກັບ​ບໍລິສັດ AstraZeneca ​ແລະ ຜູ້​ຊ່ຽວຊານ​ອາການ​ຜິດ​ປົກກະຕິ​​ໃນ​ເລືອດ ລວມທັງ​ໜ່ວຍ​ງານ​ດ້ານ​ສາທາລະນະ​ສຸກ​ຂອງ​ຫລາຍ​ປະ​ເທດ.

ຂະນະ​ທີ່, ທ່ານ ທີ​ໂດ​ສ ອັດ​ຮານ​ອມ ກີບຣີ​ເຍຊຸ​ສ ຜູ້ອຳນວຍການ​ອົງການ​ອະນາ​ໄມ​ໂລກ ​ເປີດ​ເຜີຍ​ວ່າ: ຄະນະ​ກຳມະການ​ທີ່​ປຶກສາ​ຂອງ WHO ຈະ​ມີ​ກອງ​ປະຊຸມ​ເລື່ອງ​ຂໍ້​ກັງວົນ​ຈາກ​ການ​ສັກ​ວັກ​ຊີ​ນ AstraZeneca ​ໃນ​ວັນ​ທີ 16 ມີນາ​ນີ້.

ສະເປນ-ເຢຍລະມັນ-ອິຕາລີ-ຝຣັ່ງ ຢຸດສັກວັກຊີນ AstraZeneca ຢ້ານຜົນຂ້າງຄຽງເລືອດກ້າມ - WhatsApp Image 2020 05 27 at 5 - ສະເປນ-ເຢຍລະມັນ-ອິຕາລີ-ຝຣັ່ງ ຢຸດສັກວັກຊີນ AstraZeneca ຢ້ານຜົນຂ້າງຄຽງເລືອດກ້າມ
ສະເປນ-ເຢຍລະມັນ-ອິຕາລີ-ຝຣັ່ງ ຢຸດສັກວັກຊີນ AstraZeneca ຢ້ານຜົນຂ້າງຄຽງເລືອດກ້າມ - WhatsApp Image 2020 05 27 at 5 - ສະເປນ-ເຢຍລະມັນ-ອິຕາລີ-ຝຣັ່ງ ຢຸດສັກວັກຊີນ AstraZeneca ຢ້ານຜົນຂ້າງຄຽງເລືອດກ້າມ
error: Alert: ເນື້ອຫາຂ່າວມີລິຂະສິດ !!