ນ້ອງສາວຜູ້ນຳ ສປປ ເກົາຫລີ ເຕືອນລັດຖະບານ ໄບເດັນ ຢ່າສ້າງບັນຫາ ຖ້າຕ້ອງການສັນຕິພາບຕະຫລອດ 4 ປີ

ນ້ອງສາວຜູ້ນຳ ສປປ ເກົາຫລີ ເຕືອນລັດຖະບານ ໄບເດັນ ຢ່າສ້າງບັນຫາ ຖ້າຕ້ອງການສັນຕິພາບຕະຫລອດ 4 ປີ - whereskimyojong 05 - ນ້ອງສາວຜູ້ນຳ ສປປ ເກົາຫລີ ເຕືອນລັດຖະບານ ໄບເດັນ ຢ່າສ້າງບັນຫາ ຖ້າຕ້ອງການສັນຕິພາບຕະຫລອດ 4 ປີ
ນ້ອງສາວຜູ້ນຳ ສປປ ເກົາຫລີ ເຕືອນລັດຖະບານ ໄບເດັນ ຢ່າສ້າງບັນຫາ ຖ້າຕ້ອງການສັນຕິພາບຕະຫລອດ 4 ປີ - Untitled design - ນ້ອງສາວຜູ້ນຳ ສປປ ເກົາຫລີ ເຕືອນລັດຖະບານ ໄບເດັນ ຢ່າສ້າງບັນຫາ ຖ້າຕ້ອງການສັນຕິພາບຕະຫລອດ 4 ປີ

ນາງ ກິມ​ໂຢຈ໋ອງ ນ້ອງ​ສາວ​ຂອງ​ທ່ານ ກິມຈ໋ອງອຸນ ຜູ້ນຳ ສປປ ​ເກົາຫລີ ​ເຜີຍ​ແຜ່​ຖະ​ແຫລ​ງການ​ເຕືອນ​ລັດຖະບານ​ອາ​ເມ​ລິ​ກາ ພາຍ​ໃຕ້​ການ​ນຳ​ຂອງ​ປະທານາທິບໍດີ ​ໂຈ ​ໄບ​ເດັນ ວ່າຢ່າ​ສ້າງ​ບັນຫາ ຖ້າ​ຕ້ອງການ​ຢູ່​ຢ່າງ​ສະຫງົບ​​ໃນ​ວາລະ 4 ປີ.

ໜັງສືພິມ Rodong Sinmun ສື່​ກະບອກ​ສຽງ ສປປ ​ເກົາຫລີ ລາຍ​ງານ​ຄຳ​ຖະ​ແຫລ​ງຂອງ​ນາງ ກິມ​ໂຢຈ໋ອງ ວ່າ: “​ເຮົາ​ຂໍ​ໃຊ້​ໂອກາດ​ນີ້​ເຕືອນ​ລັດຖະບານ​ໃໝ່​ຂອງ​ອາ​ເມ​ລິ​ກາ ທີ່​ກຳລັງ​ພະຍາຍາມ​ຢ່າງ​ໜັກ​ເພື່ອ​ແຜ່​ກະຈາຍ​ກິ່ນ​ດິນ​ປືນ​ໃນ​ຜືນ​ແຜ່ນດິນ​ຂອງ​ເຮົາ ຖ້າ​ອາ​ເມ​ລິ​ກາ​ຕ້ອງການ​ຫລັບ​ຢ່າງ​ເປັນ​ສຸກ​ໃນ​ໄລຍະ 4 ປີ​ຕໍ່ໜ້າ ຄວນ​ລະ​ເວັ້ນຈະ​ສ້າງ​ບັນຫາ​ກ່ອນ​ເປັນອັນ​ດັບ​ທຳ​ອິດ”.

ນາງ ກິມ​ໂຢຈ໋ອງ ​ໄດ້​ຊື່ວ່າ​ເປັນ​ແມ່ຍິງ​ທີ່​ມີ​ອິດ​ທິພົນ​ທີ່​ສຸດ​ໃນ ສປປ ​ເກົາຫລີ ​ເຊິ່ງ​ປັດຈຸບັນ​ນາງ​ດຳລົງ​ຕຳ​ແໜ່​ງຮອງ​ຜູ້ອຳນວຍການ​ທະບວງ​ແນວ​ຮ່ວມ​ແຫ່ງ​ພັກ​ແຮງ​ງານ​ເກົາຫລີ ​ແລະ ​ເຮັດ​ໜ້າ​ທີ່​ບໍລິຫານ​ການ​ພົວພັນ​ລະຫວ່າງ ສປປ ​ເກົາຫລີ ​ແລະ ສ.​ເກົາຫລີ.

ທ່າ​ທີ​ແຂງ​ກະດ້າງ​ຂອງ​ນາງ ກິມ​ໂຢຈ໋ອງ ມີ​ຂຶ້ນຫລັງ​ຈາກ​ວັນ​ທີ 15 ມີນາ, ທ່ານ ​ເຈນ ຊາ​ກີ ​ໂຄສົກ​ທຳນຽບຂາວ ​ເປີດ​ເຜີຍ​ວ່າ: ລັດຖະບານ​ວໍ​ຊິງ​ຕັນ​ພະຍາຍາມ​ຕິດ​ຕໍ່​ຫາ ສປປ ​ເກົາຫລີ ​ໃນ​ທຸກ​ຊ່ອງ​ທາງ, ​ແຕ່​ຮອດ​ປັດຈຸບັນ​ຍັງ​ບໍ່​ມີ​ການ​ຕອບ​ຮັບ ​ເຊິ່ງປັດຈຸບັນ​ອາ​ເມ​ລິ​ກາ​ບໍ່​ມີ​ຊ່ອງ​ທາງ​ໃດໆ ​ເພື່ອ​ຕິດ​ຕໍ່​ທາງ​ການ​ທູດ​ກັບ ສປປ ​ເກົາຫລີ.

ນ້ອງສາວຜູ້ນຳ ສປປ ເກົາຫລີ ເຕືອນລັດຖະບານ ໄບເດັນ ຢ່າສ້າງບັນຫາ ຖ້າຕ້ອງການສັນຕິພາບຕະຫລອດ 4 ປີ - Wave100S AD to Website 2020 0 - ນ້ອງສາວຜູ້ນຳ ສປປ ເກົາຫລີ ເຕືອນລັດຖະບານ ໄບເດັນ ຢ່າສ້າງບັນຫາ ຖ້າຕ້ອງການສັນຕິພາບຕະຫລອດ 4 ປີ

ຂະນະ​ທີ່​ເຈົ້າໜ້າ​ທີ່​ລະດັບ​ສູງ​ຂອງ​ອາ​ເມ​ລິ​ກາ ທ່ານ ​ແອນ​ໂທ​ນີ ບລິນ​ເຄນ ລັດຖະມົນຕີ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ ​ແລະ ພົນ​ເອກ ລອຍ ອອສຕິນ ລັດຖະມົນຕີ​ປ້ອງ​ກັນ​ປະ​ເທດອາ​ເມ​ລິ​ກາ ຕ່າງ​ມີ​ພາລະກິດ​ກອງ​ປະຊຸມ​ກັບ​ພັນທະ​ມິດ​ໃນ​ອາຊີ ຄື​ຍີ່ປຸ່ນ ​ແລະ ສ.​ເກົາຫລີ ​ໂດຍ​ທັງ​ສອງ​ເຂົ້າຮ່ວມ​ກອງ​ປະຊຸມຢູ່​ນະຄອນຫລວງ​ໂຕ​ກຽວ​ໃນ​ວັນ​ທີ 16 ມີນາ ກ່ອນ​ຈະ​ເດີນທາງ​ໄປ​ຮ່ວມ​ກອງ​ປະຊຸມ​ຢູ່​ນະຄອນຫລວງ​ເຊ​ອຸນ​ໃນ​ວັນ​ທີ 17 ມີນາ ​ເຊິ່ງຄາດ​ວ່າ​ຈະ​ມີ​ການ​ຫາລື​ໃນ​ຫລາຍ​ບັນຫາ​ການ​ຮ່ວມ​ມື ລວມທັງ​ບັນຫາ ສປປ ​ເກົາຫລີ.

ສ່ວນ​ລັດຖະບານ​ຂອງ​ທ່ານ ​ໄບ​ເດັນ ຍັງ​ຢູ່​ລະຫວ່າງ​ການ​ກຽມ​ຄວາມ​ພ້ອມ​ໃນ​ການ​ກຳນົດ​ນະ​ໂຍບາຍ ສປປ ​ເກົາຫລີ ​ເຊິ່ງສຳນັກ​ຂ່າວ CNN ລາຍ​ງານ​ຂໍ້​ມູນ​ຈາກ​ເຈົ້າໜ້າ​ທີ່​ລະດັບ​ສູງ​ໃນ​ກະຊວງ​ຕ່າງປະ​ເທດ​ອາ​ເມ​ລິ​ກາ​ວ່າ: ຕອນ​ນີ້​ກຳລັງ​ຢູ່​ໃນ​ຂັ້ນຕອນ​ກວດ​ສອບ​ນະ​ໂຍບາຍ​ດັ້ງ​ເດີມ​ຂອງ​ລັດຖະບານ ທຣຳ.

ນ້ອງສາວຜູ້ນຳ ສປປ ເກົາຫລີ ເຕືອນລັດຖະບານ ໄບເດັນ ຢ່າສ້າງບັນຫາ ຖ້າຕ້ອງການສັນຕິພາບຕະຫລອດ 4 ປີ - WhatsApp Image 2020 05 27 at 5 - ນ້ອງສາວຜູ້ນຳ ສປປ ເກົາຫລີ ເຕືອນລັດຖະບານ ໄບເດັນ ຢ່າສ້າງບັນຫາ ຖ້າຕ້ອງການສັນຕິພາບຕະຫລອດ 4 ປີ
ນ້ອງສາວຜູ້ນຳ ສປປ ເກົາຫລີ ເຕືອນລັດຖະບານ ໄບເດັນ ຢ່າສ້າງບັນຫາ ຖ້າຕ້ອງການສັນຕິພາບຕະຫລອດ 4 ປີ - WhatsApp Image 2020 05 27 at 5 - ນ້ອງສາວຜູ້ນຳ ສປປ ເກົາຫລີ ເຕືອນລັດຖະບານ ໄບເດັນ ຢ່າສ້າງບັນຫາ ຖ້າຕ້ອງການສັນຕິພາບຕະຫລອດ 4 ປີ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!