EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19

EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19 - 6a84a - EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19
EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19 - Untitled design - EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19

ພິທີເປີດໂຄງການໃຫ້ທຶນສະໜັບສະໜູນຈາກສະຫະພາບ ເອີຣົບ (EU) ຊ່ວຍເຫລືອຈໍານວນ 2,8 ລ້ານເອີໂຣ ຫລື ປະມານ 32 ຕື້ກີບ ເປັນໄລຍະເວລາ 3 ປີ ເພື່ອກຽມຄວາມພ້ອມ ແລະ ຕອບສະໜອງຕໍ່ກັບພະຍາດໂຄວິດ-19 ຜ່ານ “ໂຄງການຕອບໂຕ້ ແລະ ກຽມພ້ອມຕໍ່ກັບການລະບາດພະຍາດໃນອາຊີຕາເວັນອອກສຽງໃຕ້”, ເຊິ່ງໄດ້ມີຂຶ້ນໃນວັນທີ 17 ມີນານີ້ ທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ພ້ອມດ້ວຍ ທ່ານ ນາງ ອີນາ ມາຈູລໍນີແຕ ເອກອັກຄະລັດຖະທູດ ສະຫະພາບເອີຣົບ ປະຈໍາລາວ ແລະ ທ່ານ ມາກ ເຈຄອບສ໌ ຜູ້ຕາງໜ້າອົງການອະນາໄມໂລກປະຈໍາລາວ.

EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19 - f34b 300x200 - EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19

ໃນໂອກາດນີ້, ທ່ານຮອງລັດຖະມົນຕີກະຊວງສາທາລະນະສຸກ ໄດ້ກ່າວວ່າ: ພວກເຮົາມີຄວາມຍິນດີເປັນຢ່າງສູງທີ່ຈະສືບຕໍ່ຮ່ວມເຮັດວຽກກັບສະຫະ ພາບເອີຣົບ ແລະ ອົງການອະນາໄມໂລກ ເນື່ອງຈາກວ່າທັງສອງລ້ວນແລ້ວແຕ່ແມ່ນຄູ່ຮ່ວມມືທີ່ສຳຄັນໃນຊ່ວງໄລຍະຂອງການແຜ່ລະບາດຂອງພະຍາດໂຄວິດ-19 ແລະ ພ້ອມທີ່ຈະເຮັດວຽກຮ່ວມກັນໃນການເສີມສ້າງແນວທາງການຮ່ວມມືໃນພາກພື້ນເພື່ອຍົກສູງສະມາຄົມອາຊຽນໃຫ້ເຂັ້ມແຂງຍິ່ງຂຶ້ນກວ່າເກົ່າໂດຍຄຽງຄູ່ໄປກັບການຟື້ນຟູຈາກການລະບາດຂອງພະຍາດດັ່ງກ່າວ.

ເອກອັກຄະລັດຖະທູດ ສະຫະພາບ ເອີຣົບ ປະຈໍາລາວ ໃຫ້ຮູ້ວ່າ: ເພື່ອແກ້ໄຂຜົນກະທົບດ້ານສຸຂະພາບ ແລະ ເສດຖະກິດ-ສັງຄົມ ທີ່ໄດ້ຮັບຈາກການລະບາດດັ່ງກ່າວນີ້, ສະຫະພາບ ເອີຣົບ ໄດ້ມີການຈັດຕັ້ງແຜນງານຄືນໃໝ່ເພື່ອສຸມໃສ່ການເພີ່ມທະວີການຮ່ວມມືໃນພາກພື້ນຕໍ່ກັບການເຂົ້າເຖິງຂໍ້ມູນຂ່າວສານ, ອຸປະກອນ ແລະ ວັກຊີນເຊິ່ງເປັນສິ່ງຈຳເປັນຢ່າງຍິ່ງຕໍ່ກັບການເອົາຊະນະວິກິດການໃນຄັ້ງນີ້. ພວກເຮົາທຸກຄົນລ້ວນແຕ່ມີສ່ວນຮ່ວມໃນການຕໍ່ສູ້ກັບບັນຫາດັ່ງກ່າວ ແລະ ໃນຖານະທີ່ເປັນຄູ່ຮ່ວມມືພວກເຮົາຫວັງທີ່ຈະໃຫ້ທຸກຄົນເຂັ້ມແຂງກ້າວໄປຂ້າງໜ້າພ້ອມໆກັນ.

EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19 - Wave100S AD to Website 2020 0 - EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19

ທ່ານທູດໃຫ້ຮູ້ຕື່ມວ່າ: ປະທານຄະນະກຳມະທິການເອີຣົບ ທ່ານ ນາງ ເອຊູລ້າ ຟອນ ເດີ ເຣເຢັນ ໄດ້ປະກາດໃນກອງປະຊຸມ G7 ທີ່ຜ່ານມາວ່າທີມເອີຣົບມາຮອດປັດຈຸບັນໄດ້ສະໜອງການຊ່ວຍເຫລືອ 92 ແກ່ປະເທດທີ່ມີລາຍໄດ້ຕໍ່າ ແລະ ປານກາງ, ເຊິ່ງລວມທັງ ສປປ ລາວ ເພື່ອຊ່ວຍໃຫ້ມີການເຂົ້າເຖິງການສັກຢາວັກຊິນກັນພະຍາດ ໂຄວິດ-19. ພວກເຮົາມີຄວາມພູມໃຈທີ່ທີມເອີຣົບເປັນຜູ້ປະກອບສ່ວນໃຫຍ່ທີ່ສຸດໃຫ້ກັບ COVAX.

ນອກຈາກນັ້ນ, ສະຫະພາບ ເອີຣົບ ມີຄວາມຍິນດີເປັນຢ່າງສູງທີ່ປະເທດລາວຈະໄດ້ຮັບວັກຊີນຊຸດທໍາອິດໃນຈຳນວນ 480,000 ໂດຍ ຜ່ານ COVAX.

EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19 - WhatsApp Image 2020 05 27 at 5 - EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19
EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19 - WhatsApp Image 2020 05 27 at 5 - EU ໃຫ້ທຶນຊ່ວຍເຫລືອລາວ 2,8 ລ້ານເອີໂຣ ເພື່ອຕອບໂຕ້ ພະຍາດໂຄວິດ-19
error: Alert: ເນື້ອຫາຂ່າວມີລິຂະສິດ !!