6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ

6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ - 032101 2021 - 6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ
6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ - Untitled design - 6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ

ເວົ້າກັນວ່າເວລາເຮົາເລີ່ມຮັກໃຜ ມັກເກີດຄວາມຮູ້ສຶກຕື່ນເຕັ້ນຕະຫລອດເວລາ ເຊິ່ງກ່ອນຈະເກີດຄວາມຮູ້ສຶກເຫລົ່ານີ້ ກ່ອນອື່ນໝົດຄົງຕ້ອງມີການຮຽນຮູ້, ເຮັດຄວາມຮູ້ຈັກຕໍ່ກັນໄປຈັກໄລຍະໜຶ່ງແລ້ວ ຈົນເມື່ອເຖິງເວລາໜຶ່ງຈຶ່ງເກີດຄວາມຮູ້ສຶກແບບນີ້ຂຶ້ນ ແລະ ຫາກເຮົາຈະເບິ່ງວ່າຄົນທີ່ເຮົາລົມນຳນັ້ນສາມາດພັດທະນາຄວາມສຳພັນໄປໄດ້ໄກປານໃດ ຕໍ່ນີ້ໄປນີ້ແມ່ນ 6 ສິ່ງທີ່ຄວນເຂົ້າໃຈກ່ອນຈະເລີ່ມຕົ້ນຈິງຈັງກັບໃຜຈັກຄົນ.

  • ລອງຖາມຕົນເອງວ່າມີຫຍັງໃນໂຕເຂົາທີ່ເຮົາບໍ່ມັກ ແລ້ວເຮົາຈະຮັບໄດ້ບໍ່ : ມັນຄົງດີຖ້າກ່ອນຄົບກັນມີການລົມກັນເຖິງສິ່ງທີ່ແຕກຕ່າງກັນຂອງທັງສອງຝ່າຍ ເພື່ອເບິ່ງວ່າເຮົາສາມາດຍອມຮັບຄວາມຕ່າງນັ້ນ ຫລື ຍອມຮັບສິ່ງທີ່ເຂົາເປັນໄດ້ຫລືບໍ່ ເຊັ່ນ : ເລືອງການສັກລາຍ ຫລື ຮອຍສັກ, ອາຫານການກິນ, ນິໄສບາງຢ່າງທີ່ເຂົາມັກເຮັດ ແລ້ວເຮົາບໍ່ມັກເຮັດ ຫລື ເຮົາມັກເຮັດກິດຈະກຳນອກສະຖານທີ່, ແຕ່ເຂົາມັກຢູ່ເຮືອນ ສິ່ງເຫລົ່ານີ້ເຮົາສາມາດຮັບໄດ້ເທົ່າໃດ, ແນມຫາຈຸດໃຈກາງຮ່ວມກັນ, ລົມກັນເປີດໃຈເພື່ອຄວາມຍຸຕິທຳຂອງທັງສອງ ແລະ ເພື່ອຈະໄດ້ບໍ່ເກີດບັນຫານີ້ຂຶ້ນໃນອະນາຄົດ.

6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ - unnamed 1 1 300x200 - 6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ

6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ - Wave100S AD to Website 2020 0 - 6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ
  • ສື່ສານສິ່ງທີ່ຮູ້ສຶກໃນໃຈນຳກັນເລື້ອຍໆ : ຢາກໃຫ້ຈື່ໄວ້ສະເໝີວ່າການສື່ສານແມ່ນສິ່ງທີ່ຄວນເຮັດຫລາຍທີ່ສຸດໃນຄວາມສຳພັນ ເພາະສຸດທ້າຍແລ້ວຄົງບໍ່ມີໃຜທີ່ສາມາດຮູ້ໃຈເຮົາໄດ້ທຸກເລື່ອງ ແລະ ໂຕເຮົາເອງກໍບໍ່ສາມາດຮູ້ໃຈອີກຝ່າຍໜຶ່ງໄດ້ຄືກັນ. ດັ່ງນັ້ນ, ຖ້າຢາກໃຫ້ຄວາມສຳພັນຄັ້ງນີ້ໄປນຳກັນລອດ ເມື່ອເກີດບັນຫາຢ່າຟ້າວເອົາບັນຫາໄປຈົ່ມໃຫ້ໝູ່ຟັງໃນທັນທີ ຄວນຫັນໜ້າລົມກັນເຖິງບັນຫາທີ່ເກີດຂຶ້ນ, ຮຽນຮູ້ ແລະ ຄ່ອຍໆແກ້ໄຂມັນໄປເທື່ອລະຂັ້ນຢ່າງຊ້າໆ, ບອກສິ່ງທີ່ຢູ່ໃນໃຈວ່າທ່ານຕ້ອງການຫຍັງ, ຄາດຫວັງຈະເຫັນຫຍັງຈາກເຂົາ. ຈາກນັ້ນກໍແນມຫາຈຸດໃຈກາງຂອງເລື່ອງລາວເພື່ອພັດທະນາຄວາມສຳພັນໃຫ້ມັນດຳເນີນໄປໄດ້ຢ່າງຄ່ອງແຄ້ວ.
  • ຢ່າພະຍາຍາມສ້າງໂຕຕົນຈົນສູນເສຍຄວາມເປັນໂຕເອງ : ຢ່າພະຍາຍາມເປັນຄົນອື່ນ ຫລື ສ້າງໂຕຕົນທີ່ສົມບູນແບບ ຈົນສູນເສຍຄວາມເປັນໂຕເອງໄປ. ແມ່ນຢູ່ວ່າທຳອິດເລີ່ມຄົບກັນໃຜໆກໍຢາກໃຫ້ອີກຝ່າຍເກີດຄວາມປະທັບໃຈຄືກັນໝົດ, ແຕ່ຫາກທັງໝົດນີ້ມັນແມ່ນການພະຍາຍາມໃນສິ່ງທີ່ບໍ່ແມ່ນຕົນເອງ ຄົງບໍ່ຕ່າງຫຍັງກັບການຫລອກລວງ ໂດຍທີ່ເຮົາກໍບໍ່ສາມາດຝືນທຳມະຊາດໃນການເປັນໂຕເອງໄດ້ດົນ ເມື່ອເວລາຜ່ານໄປ ຄວາມປ່ຽນແປງເກີດຂຶ້ນ ບັນຫາຕ່າງໆຈະຕາມມາຢ່າງແນ່ນອນ ດັ່ງຄຳເວົ້າທີ່ວ່າ “ຕອນທຳອິດບໍ່ເຫັນເປັນແນວນີ້, ແຕ່ກ່ອນບໍ່ເຫັນເຮັດແບບນີ້ເລີຍ” ສິ່ງເຫລົ່ານີ້ລ້ວນມາຈາກເຮົາພະຍາຍາມເຮັດໃຫ້ມັນສົມບູນແບບ ແລະ ຫາກເຮົາສ້າງໂຕຕົນໄວ້ອີກແບບ ເມື່ອໄດ້ຄົບກັນຈະເກີດບັນຫາຕາມມາໄດ້.
  • ລອງໄປພົບໝູ່ຂອງກັນ ແລະ ກັນເບິ່ງ : ການພົບພໍ້ກັບໝູ່ເພື່ອນຂອງກັນ ແລະ ກັນ ຈະເຮັດໃຫ້ເຫັນດ້ານໃໝ່ໆໃນຄວາມສຳພັນໄດ້ຈະແຈ້ງຂຶ້ນ, ເຮົາຢາກຈະພາເຂົາມາພົບກຸ່ມໝູ່ຂອງເຮົາ ເພື່ອໃຫ້ໝູ່ເບິ່ງວ່າເຂົາຄົນນັ້ນມີດ້ານໃດທີ່ຕ້ອງຮຽນຮູ້ ເຊິ່ງຕ່າງຈາກດ້ານທີ່ເຮົາເບິ່ງເຂົາຢູ່ ຫລື ເພື່ອເປັນການເບິ່ງວ່າທັງສອງສາມາດເຂົ້າກັນດີກັບກຸ່ມໝູ່ໄດ້ຫລືບໍ່ ແລະ ຫລັງຈາກນີ້ ຫາກໄດ້ຄົບຫາກັນ ທ່ານຈະບໍ່ຕ້ອງເລືອກວ່າຈະໄປທ່ຽວກັບໝູ່ ຫລື ກັບແຟນ ເພາະສາມາດພາເຂົາໄປກັບກຸ່ມໝູ່ໄດ້ຢ່າງບໍ່ເຂີນອາຍ ໂດຍທີ່ທ່ານກໍຍັງໄປທ່ຽວກັບກຸ່ມໝູ່ຂອງເຂົາໄດ້ຢ່າງເຕັມທີ່ຄືກັນ.
  • ຖ້າຄິດຈະຄົບກັນແລ້ວ ຕ້ອງຍອມຮັບອະດີດຂອງເຂົາໃຫ້ໄດ້ : ບາດແຜທີ່ເກີດຂຶ້ນໃນອະດີດ ສາມາດທຳລາຍຄວາມສຳພັນໃນປັດຈຸບັນໄດ້ ຖ້າທ່ານເປັນອີກຄົນທີ່ມັກຄິດເລັກຄິດນ້ອຍໃນເລື່ອງລາວທີ່ຜ່ານມາຂອງເຂົາ ສິ່ງນີ້ຈະເປັນໂຕທຳລາຍຄວາມສຳພັນ ແລະ ເຮັດໃຫ້ເຮົາບໍ່ຍອມກ້າວໄປສູ່ສິ່ງໃໝ່ໆ ທັງຍັງຈົມຢູ່ກັບເລື່ອງທີ່ຜ່ານມາຢ່າງບໍ່ມີມື້ສິ້ນສຸດ ເຮັດໃຫ້ເຮົາພົບແຕ່ຄວາມເຈັບປວດຢູ່ຕະຫລອດ ເຊັ່ນ : ທຸກຄົນລ້ວນແຕ່ມີອະດີດ, ມີແຟນເກົ່າ ຫລື ເລື່ອງລາວທີ່ຜ່ານມາທີ່ອາດບໍ່ຄ່ອຍດີປານໃດ ຖ້າເຮົາເກັບເລື່ອງແຟນເກົ່າ ແລະ ເລື່ອງລາວເຫລົ່ານັ້ນມາຊວນຜິດກັນຢູ່ຕະຫລອດ ມັນຈະເຮັດໃຫ້ຄວາມສຳພັນດຳເນີນໄປໄດ້ບໍ່ຄ່ອຍຈົບງາມປານໃດ. ດັ່ງນັ້ນ, ສິ່ງທີ່ຄວນເຮັດເລີຍກໍຄື ບໍ່ເກັບເອົາອະດີດມາເປັນປະເດັນ, ແຕ່ໃຫ້ເລີ່ມຕົ້ນບົດຮຽນໃໝ່ໄປພ້ອມກັນ ໂດຍປ່ອຍຖິ້ມອະດີດໃຫ້ເປັນພຽງເລື່ອງລາວທີ່ເຄີຍເກີດຂື້ນເທົ່ານັ້ນ.
  • ຖາມຕົນເອງວ່າເຮົາມັກໃນໂຕເຂົາແທ້ ບໍ່ແມ່ນພຽງແຕ່ຢາກຈະມີແຟນ : ຢ່າລືມຖາມຕົນເອງໃຫ້ໝັ້ນໃຈວ່າ ເຮົາມັກໂຕຕົນຂອງເຂົາແທ້ໆ ບໍ່ແມ່ນພຽງແຕ່ຍ້ອນກຳລັງເຫງົາ ຫລື ພຽງແຕ່ຢາກມີແຟນ. ຫລາຍເທື່ອເຮົາມັກປ່ອຍໃຫ້ອາລົມເຫງົາເຂົ້າມາມີບົດບາດຫລາຍເກີນໄປຈົນລືມໄປວ່າຄວາມຈິງແລ້ວ ສິ່ງທີ່ຄວນໃຫ້ຄວາມສຳຄັນແມ່ນເລື່ອງໂຕຕົນ, ການຍອມຮັບກັນ ແລະ ກັນ ແລະ ມັກໃນຄວາມເປັນເຂົາຢ່າງແທ້ຈິງ. ຢາກໃຫ້ທ່ານມີຄວາມໝັ້ນໃຈວ່າເຂົາແມ່ນຄົນທີ່ທ່ານຢາກໃຊ້ເວລາຮ່ວມນຳແທ້ໆ. ດັ່ງນັ້ນ, ລອງໃຫ້ເວລາກັບຕົນເອງຄິດທົບທວນໃຫ້ໝັ້ນໃຈກ່ອນ ແລ້ວຈຶ່ງຄ່ອຍຄົບກັນຈະດີທີ່ສຸດ.
6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ - WhatsApp Image 2020 05 27 at 5 - 6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ
6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ - WhatsApp Image 2020 05 27 at 5 - 6 ສິ່ງທີ່ຄວນເຂົ້າໃຈ ກ່ອນຈະເລີ່ມຕົ້ນຮັກໃຜຈັກຄົນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!