ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້

ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້ - 052101 2021 - ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້
ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້ - Untitled design - ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້

ເຮົາເຊື່ອວ່າເປົ້າໝາຍຂອງການເຮັດວຽກໃນແຕ່ລະຄົນຍ່ອມແຕກຕ່າງກັນອອກໄປ, ແຕ່ບໍ່ວ່າເປົ້າໝາຍເຫລົ່ານັ້ນຈະເປັນແນວໃດ ສິ່ງໜຶ່ງທີ່ມີຄືກັນເລີຍກໍແມ່ນ ທຸກຄົນຢາກພັດທະນາສັກກະຍະພາບໃນຕົນເອງ ເພື່ອໃຫ້ເປັນຄົນທີ່ເຮັດວຽກໄດ້ເກັ່ງຂຶ້ນໃນທຸກມື້ຢ່າງແນ່ນອນ ເຊິ່ງການທີ່ເຮົາຈະປ່ຽນແປງຕົນເອງເປັນຄົນທີ່ເກັ່ງຂຶ້ນນັ້ນ ບໍ່ແມ່ນເລື່ອງຍາກຫຍັງຫລາຍ ພຽງແຕ່ເຮົາຮູ້ເຕັກນິກດີໆ ແລະ ລອງໄປປັບໃຊ້ໃຫ້ເຂົ້າກັບວຽກ ພຽງເທົ່ານີ້ເຮົາຈະກາຍເປັນຄົນທີ່ພັດທະນາຕົນເອງຂຶ້ນໄດ້ຢ່າງດີເລີຍ.

  • ຄວາມຮຽບຮ້ອຍຂອງໂຕະເຮັດວຽກເປັນສິ່ງສຳຄັນ : ຄົງຈະດີບໍ່ໜ້ອຍຖ້າເຮົາແນມໄປທາງໃດກໍພົບບັນຍາກາດທີ່ຊວນໃຫ້ເຮັດວຽກ ທັງເອກະສານທຸກຢ່າງກໍຖືກຈັດວາງໄວ້ຢ່າງເປັນລະບຽບ ສິ່ງນີ້ຈະຊ່ວຍໃຫ້ອາລົມໃນການເຮັດວຽກຂອງເຮົາມີຄວາມສຸກໄດ້ຫລາຍຂຶ້ນ. ດັ່ງນັ້ນ, ສິ່ງທຳອິດທີ່ຢາກໃຫ້ເຮັດແມ່ນລຸກຂຶ້ນມາຈັດໂຕະຂອງຕົນເອງໃຫ້ເບິ່ງມີລະບຽບຫລາຍຂຶ້ນ ແລະ ຈັດລະບຽບໂຟລເດີໃນຄອມພິວເຕີຂອງຕົນເອງ ເພື່ອໃຫ້ຫາເອກະສານຕ່າງໆໄດ້ງ່າຍຂຶ້ນ ສິ່ງເຫລົ່ານີ້ເຖິງວ່າຈະເບິ່ງເປັນເລື່ອງເລັກນ້ອຍ, ແຕ່ຂໍບອກເລີຍວ່າເລື່ອງເລັກນ້ອຍເຫລົ່ານີ້ທີ່ຫລາຍຄົນມັກຖືເບົາ, ແຕ່ມັນຊ່ວຍພັດທະນາໂຕເຮົາໄດ້ເປັນຢ່າງດີ.

ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້ - 042101 2021 300x169 - ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້

ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້ - Wave100S AD to Website 2020 0 - ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້
  • ເປົ້າໝາຍໃນການປະຊຸມວຽກທີ່ຈະແຈ້ງ : ຫລາຍເທື່ອເວລາປະຊຸມວຽກກັນຍາມໃດ ເບິ່ງຄືວ່າເລື່ອງລາວທີ່ລົມກັນມັນອອກນອກເລື່ອງຢູ່ເປັນປະຈຳ ຈົນເຮັດໃຫ້ບາງເທື່ອເຮົາບໍ່ໄດ້ຂໍ້ສະຫລຸບຂອງວຽກຢ່າງແທ້ຈິງ ຫລື ຈະມີເລື່ອງອື່ນໆແຊກຂຶ້ນມາ ຈົນເຮັດໃຫ້ບາງເທື່ອເຮົາບໍ່ໄດ້ຂໍ້ສະຫລຸບຂອງການປະຊຸມຢ່າງແທ້ຈິງ ສິ່ງໜຶ່ງທີ່ຄວນເຮັດກໍຄື ການຂຽນວາລະການປະຊຸມຂຶ້ນມາ, ແຍກເປັນຂໍ້ໆວ່າຫົວຂໍ້ທີ່ຈະປະຊຸມມີຫຍັງແດ່, ເນື້ອໃນເປັນແນວໃດ ແລະ ຂໍ້ສະຫລຸບຈະເປັນແບບໃດ ແລະ ເຮັດການປະຊຸມຕາມຫົວຂໍ້ເຫລົ່ານັ້ນ ທີ່ຕ້ອງເຮັດແບບນີ້ຈະຊ່ວຍໃຫ້ເຮົາສາມາດເຫັນພາບໄດ້ຢ່າງຈະແຈ້ງ ແລະ ເປັນການເຫັນພາບທີ່ກົງກັນຂອງຄົນໃນທີມ. ນອກຈາກນີ້ຢ່າລືມກຳນົດເວລາໃຫ້ຈະແຈ້ງໃນທຸກເທື່ອຂອງການປະຊຸມນຳ ເພື່ອເປັນການບໍ່ເສຍເວລາຂອງທຸກຄົນ.
  • ປ່ຽນບັນຍາກາດບ່ອນນັ່ງເຮັດວຽກເພື່ອຫາແຮງບັນດານໃຈ : ເມື່ອເຮົາຢູ່ກັບຫຍັງເກົ່າໆທຸກມື້ ຄົງເຮັດໃຫ້ຮູ້ສຶກເບື່ອໜ່າຍ ບໍ່ມີແຮງບັນດານໃຈຫຍັງໃໝ່ໆ. ດັ່ງນັ້ນ, ມື້ໃດທີ່ສາມາດເຮັດວຽກຈາກນອກຫ້ອງການໄດ້ ຢາກໃຫ້ທ່ານລອງຍົກໂນ໊ດບຸກອອກມານັ່ງຢູ່ຮ້ານກາເຟ ຫລື ສະຖານທີ່ໃໝ່ໆເບິ່ງ ເພື່ອເປັນການເພີ່ມໄອເດຍໃຫ້ກັບຕົນເອງ ເພາະການທີ່ເຮົາໄດ້ນັ່ງເບິ່ງຜູ້ຄົນພາຍນອກເຮັດອັນນັ້ນອັນນີ້, ລົມກັນລະຫ່ວາງນັ້ນ ຈະເຮັດໃຫ້ເຮົາໄດ້ຄວາມຄິດສ້າງສັນໃໝ່ໆນຳ ຫລື ຫາກບໍ່ມີເວລາອອກໄປຂ້າງນອກ ໃນລະຫ່ວາງທາງກັບເຮືອນຕອນແລງນັ້ນລອງປ່ຽນເສັ້ນທາງກັບເຮືອນເບິ່ງ ເພື່ອຄົ້ນພົບເລື່ອງລາວຂ້າງທາງໃໝ່ໆທີ່ແຕກຕ່າງໄປຈາກເກົ່າ.

ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້ - 062101 2021 300x169 - ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້

  • ຈົດລາຍການວຽກທີ່ຕ້ອງເຮັດໃນທຸກເຊົ້າ ແລະ ເຮັດໃຫ້ແລ້ວທັນທີ : ເຄີຍເປັນກັນຫລືບໍ່ ມີວຽກກອງຢູ່ຕໍ່ໜ້າຫລວງຫລາຍ, ແຕ່ບໍ່ຮູ້ວ່າຄວນຈະເຮັດວຽກອັນໃດກ່ອນ ? ສິ່ງໜຶ່ງທີ່ເຮົາຢາກໃຫ້ເຮັດກໍຄື ຈົດລາຍການວຽກທີ່ຕ້ອງເຮັດໃຫ້ສຳເລັດພາຍໃນມື້ນີ້, ເອົາແຕ່ເລີ່ມຕົນ 3 ຢ່າງກ່ອນ ແລະ ຈົດຈໍ່ກັບວຽກທັງ 3 ຢ່າງນີ້ ເຮັດມັນໃຫ້ແລ້ວຕາມເວລາທີ່ກຳນົດ ໂດຍບໍ່ໄປສົນກັບສິ່ງທີ່ພົບພໍ້ ແລະ ເມື່ອໃດກໍຕາມທີ່ທ່ານມີແຜນການເຮັດວຽກທີ່ຈະແຈ້ງ ມັນຈະຊ່ວຍໃຫ້ເຮັດວຽກໄດ້ວ່ອງໄວຂຶ້ນ. ນອກຈາກນີ້, ເຮົາຍັງສາມາດໄຈ້ແຍກໄດ້ວ່າວຽກໃດແມ່ນວຽກທີ່ຕ້ອງເຮັດທັນທີ ແລະ ວຽກໃດທີ່ສາມາດລໍຖ້າໄດ້ ສິ່ງເຫລົ່ານີ້ຈະຊ່ວຍເພີ່ມປະສິດທິພາບການເຮັດວຽກຂອງເຮົາໄປອີກຂັ້ນໜຶ່ງ.
  • ແບ່ງເວລາໃຫ້ຄວາມສຸກກັບຕົນເອງ : ທຸກເທື່ອເຖິງວ່າວຽກຈະຫຍຸ້ງຫລາຍປານໃດ ແນວໃດກໍຢ່າລືມໃຫ້ເວລາກັບຕົນເອງແດ່ ເພື່ອຜ່ອນຄາຍຮ່າງກາຍ, ຜ່ອນຄາຍສະໝອງ ອາດຈະເປັນເວລາທີ່ເຮົານັ່ງລົດກັບເຮືອນ ລອງເປີດເພງໃນລົດໄປນຳ ປ່ອຍໃຈໄປກັບສຽງເພງ, ກ່ອນເຂົ້ານອນປະມານ 1 – 2 ຊົ່ວໂມງ ຢຸດຄິດເລື່ອງວຽກ ແລະ ຜ່ອນຄາຍໂຕເອງໂດຍການຄິດເຖິງເລື່ອງລາວດີໆທີ່ພົບມາໃນມື້ນັ້ນ ແລະ ທຸກເຊົ້າທີ່ຕື່ນຂຶ້ນມາ ລອງນັ່ງສະມາທິປະມານ 5 ນາທີ ເພື່ອເປັນການເລີ່ມຕົ້ນມື້ໃໝ່ທີ່ດີຢ່າງມີສະຕິ ແລະ ຊ່ວຍໃຫ້ເຮົາມີຄວາມສາມາດເປີດຮັບສິ່ງໃໝ່ໆທີ່ຈະພົບໄດ້ໃນມື້ຕໍ່ໆໄປຫລາຍຂຶ້ນກ່ວາເກົ່າ.
ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້ - WhatsApp Image 2020 05 27 at 5 - ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້
ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້ - WhatsApp Image 2020 05 27 at 5 - ເຕັກນິກປ່ຽນຕົນເອງໃຫ້ເປັນຄົນເຮັດວຽກເກັ່ງໄດ້ທັນທີຕັ້ງແຕ່ມື້ນີ້
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!