ອົງການອະນາໄມໂລກ ຮຽກຮ້ອງໃຫ້ນຳໃຊ້ວັກຊີນ ແອສຕຣາເຊເນກາ ຕໍ່ໄປ

ສຳນັກຂ່າວ Worldometers ລາຍງານເມື່ອວັນທີ 18 ມີນານີ້ ວ່າ ຄະນະຜູ້ຊ່ຽວຊານໂລກ ກ່ຽວກັບຄວາມປອດໄພຂອງວັກຊີນຂອງອົງການອະນາໄມໂລກ, ວັນທີ 17 ມີນານີ້ ໄດ້ປະກາດວ່າ ອົງການຂອງຕົນກຳລັງມີການຕີລາຄາຢ່າງລະອຽດອ່ອນ ກ່ຽວກັບຂໍ້ມູນຄວາມປອດໄພຫຼ້າສຸດຂອງວັກຊີນ ແອສຕຣາເຊເນກາ.

ຄະນະກຳມະການດັ່ງກ່າວ ກ່າວວ່າ: “ພາຍຫຼັງມີການຕີລາຄາຢ່າງລະອຽດຖີ່ຖ້ວນແລ້ວ, ອົງການອະນາໄມໂລກ ຈະແຈ້ງໃຫ້ຮູ້ທັນທີ ກ່ຽວກັບບັນຫາຂອງວັກຊີນ ແອສຕຣາເຊເນກາ ຊຶ່ງມີປະໂຫຍດຫຼາຍກວ່າສິ່ງທີ່ເປັນອັນຕະລາຍ ແລະ ຮຽກຮ້ອງໃຫ້ສືບຕໍ່ສັກວັກຊີນດັ່ງກ່າວຕໍ່ໄປ”.