ຖືກຕັດສິນຈຳຄຸກ 1 ປີ 6 ເດືອນ ຂໍ້ຫາລັກຊັບພົນລະເມືອງ

ຖືກຕັດສິນຈຳຄຸກ 1 ປີ 6 ເດືອນ ຂໍ້ຫາລັກຊັບພົນລະເມືອງ - 16219 - ຖືກຕັດສິນຈຳຄຸກ 1 ປີ 6 ເດືອນ ຂໍ້ຫາລັກຊັບພົນລະເມືອງ
ຖືກຕັດສິນຈຳຄຸກ 1 ປີ 6 ເດືອນ ຂໍ້ຫາລັກຊັບພົນລະເມືອງ - Untitled design - ຖືກຕັດສິນຈຳຄຸກ 1 ປີ 6 ເດືອນ ຂໍ້ຫາລັກຊັບພົນລະເມືອງ

ຄະນະສານອາຍາ ສານປະຊາຊົນຂັ້ນຕົ້ນ ນະຄອນຫລວງວຽງຈັນ ໄດ້ຕັດອິດສະລະພາບ ທ້າວ ຂັນທະລີ ອາຍຸ 34 ປີ ຢູ່ບ້ານສາລະຄໍາໃຕ້ ເມືອງ ຫາດຊາຍຟອງ ເປັນເວລາ 1 ປີ 6 ເດືອນ ຂໍ້ຫາລັກຊັບພົນລະເມືອງ.

ອົງການໄອຍະການປະຊາຊົນ ນະຄອນຫລວງວຽງຈັນ ໃຫ້ຮູ້ວ່າ: ໃນເດືອນກໍລະກົດ 2020 ທ້າວ ຂັນທະລີ ໄດ້ໄປງັດເຮືອນຂອງປະຊາຊົນ ຢູ່ເຂດບ້ານດົງໂພນແຮ່ ເມືອງຫາດຊາຍຟອງ ນະຄອນຫລວງວຽງຈັນ, ເຊິ່ງໄດ້ໃຊ້ເຫລັກງັດປະຕູປ່ອງຢ້ຽມ ແລ້ວເຂົ້າໄປລັກເອົາກົບໄຟຟ້າ 1 ອັນ, ສະຫວ່ານເຈາະ 1 ອັນ, ພ້ອມດ້ວຍດອກສະຫວ່ານ, ສາຍໄຟຟ້າຍາວ ປະມານ 4-5 ແມັດ, ລົດຈັກຮອນດ້າ50 1 ຄັນ, ພາຍຫລັງລັກແລ້ວ ໄດ້ເອົາກົບໄຟຟ້າ, ສະຫວ່ານເຈາະ, ດອກສະຫວ່ານ, ສາຍໄຟຟ້າໃຫ້ ທ້າວ ບຸນທັນ ໄປຂາຍໄດ້ເງິນ 100.000 ກີບ ແລ້ວໄດ້ເອົາເງິນໄປຊື້ຢາບ້າ ຈໍານວນ 5 ເມັດ ມາເສບນໍາກັນ, ສ່ວນລົດຈັກຄັນທີ່ລັກມານັ້ນ, ທ້າວ ຂັນທະລີ ໄດ້ມ້າງຕີນລົດ, ມ້າງເບາະອອກ ເຫລືອແຕ່ຮ່າງລົດຈັກ ແລ້ວເອົາໄປຂາຍໃຫ້ຄົນຫວຽດ ທີ່ເລາະຮັບຊື້ເຫລັກເສດ ຢູ່ເຂດບ້ານໂນນຫວາຍ ໄດ້ເງິນ 40.000 ກີບ ແລ້ວໄດ້ເອົາເງິນໄປຊື້ຢາບ້າມາເສບຈົນໝົດ, ມາຮອດວັນທີ 7 ສິງຫາ 2020 ກໍຖືກເຈົ້າໜ້າທີ່ ປກສ ຈັບຕົວມາດໍາເນີນຄະດີຕາມກົດໝາຍ. ດ້ວຍເຫດຜົນ ແລະ ຫລັກຖານດັ່ງກ່າວ, ຄະນະສານອາຍາ ຈຶ່ງໄດ້ພິຈາລະນາຕັດສິນລົງໂທດ ທ້າວ ຂັນທະລີ ຕາມປະມວນກົດໝາຍອາຍາ ມາດຕາ 231.

 

ຖືກຕັດສິນຈຳຄຸກ 1 ປີ 6 ເດືອນ ຂໍ້ຫາລັກຊັບພົນລະເມືອງ - Wave100S AD to Website 2020 0 - ຖືກຕັດສິນຈຳຄຸກ 1 ປີ 6 ເດືອນ ຂໍ້ຫາລັກຊັບພົນລະເມືອງ
ຖືກຕັດສິນຈຳຄຸກ 1 ປີ 6 ເດືອນ ຂໍ້ຫາລັກຊັບພົນລະເມືອງ - WhatsApp Image 2020 05 27 at 5 - ຖືກຕັດສິນຈຳຄຸກ 1 ປີ 6 ເດືອນ ຂໍ້ຫາລັກຊັບພົນລະເມືອງ
ຖືກຕັດສິນຈຳຄຸກ 1 ປີ 6 ເດືອນ ຂໍ້ຫາລັກຊັບພົນລະເມືອງ - WhatsApp Image 2020 05 27 at 5 - ຖືກຕັດສິນຈຳຄຸກ 1 ປີ 6 ເດືອນ ຂໍ້ຫາລັກຊັບພົນລະເມືອງ
error: Alert: ເນື້ອຫາຂ່າວມີລິຂະສິດ !!