ຂະບວນປະທ້ວງເກີດຂຶ້ນຢູ່ທົ່ວສະຫະລັດ ຕໍ່ຕ້ານການຈຳແນກເຊື້ອຊາດ ອາຊີ

ສຳນັກຂ່າວ ວາລະສານ ຂອງເມືອງ Wall ໃຫ້ຮູ້ວ່າ ຂະບວນປະທ້ວງ ຮຽກຮ້ອງໃຫ້ ຢຸດຕິໃຊ້ຄວາມຮຸນແຮງກັບຊາວອາເມລິກາ ເຊື້ອສາຍ ອາຊີ ໄດ້ເກີດຂຶ້ນທົ່ວສະຫະລັດ ພາຍຫຼັງ ມີການກວາດຍິງໃສ່ ຮ້ານນວດ 3 ແຫ່ງໃນສະຫະລັດ ເຮັດໃຫ້ມີຜູ້ເສຍຊີວິດ 8 ຄົນ.

Xiaoxu Zheng, ນັກຄົ້ນຄວ້າວິທະຍາສາດການແພດ ອາຍຸ 36 ປີ ທີ່ມະຫາວິທະຍາໄລ ໃນລັດ ຈໍເຈຍ ໃຫ້ຮູ້ວ່າ  ເຂົາເຂົ້າຮ່ວມຂະບວນປະທ້ວງ ກໍເພາະກັງວົນວ່າ ການຈຳແນກເຊື້ອຊາດຄົນອາຊີນັບມື້ຮຸນແຮງຂຶ້ນຢູ່ໃນທົ່ວສະຫະລັດ ໃນຊຸມປີທີ່ຜ່ານມາ ຈະສືບຕໍ່ຮຸນແຮງຂຶ້ນໃນຊຸມປີຕໍ່ໜ້າ. ທ່ານ Xiaoxu Zheng ກ່າວວ່າ “ພວກເຮົາດຳລົງຊີວິດ ແລະ ເຮັດວຽກຢູ່ລັດອາລາດສະກາ ໄດ້ 10 ປີແລ້ວ, ພວກເຮົາກໍໄດ້ເສຍພາສີ. ນີ້ຄືຊີວິດການເປັນຢູ່ຂອງພວກເຮົາ”. ທ່ານກ່າວຢໍ້າວ່າ “ປະເທດນີ້ມີຊາວອົບພະຍົບຫຼາຍທີ່ສຸດ, ດັ່ງນັ້ນສິ່ງທີ່ດີທີ່ສຸດ ພວກເຮົາຄວນຮັກແພງກັນ ແລະ ເຮັດວຽກຮ່ວມກັນ”.

ຂະບວນປະທ້ວງສະໜັບສະໜູນ ຄົນເຊື້ອຊາດ ອາຊີ ກໍເກີດຂຶ້ນຫຼາຍເມືອງເຊັ່ນດຽວກັນເຊັ່ນ: ລັດ ນິວຢອກ, ຊີກາໂກ ແລະ ລັດອື່ນໆ . ຢູ່ໃນລັດ ກາລິຟໍເນຍ ໄດ້ຂຽນຄຳຮຽກຮ້ອງ ໃຫ້ຢຸດຕິການຄຽດຊັງຄົນອາຊີ. ສ່ວນຢູ່ລັດ ເພັນຊີວາເນຍ ນັກສະແດງຍິງຄົນໜຶ່ງ Sandra Oh ຮຽກຮ້ອງໃຫ້ຜູ້ຊຸມນຸມ ຢູ່ທີ່ ພິດສເບີກ ຈົ່ງໃຫ້ການຊ່ວຍເຫຼືອ ຊາວອາເມລິກາ ເຊື້ອສາຍ ອາຊີ ທີ່ກຳລັງປະເຊີນກັບການຢຽບຫຍາມຢູ່ໃນຂະນະນີ້.

ຕໍ່ເຫດການດັ່ງກ່າວ ປະທານາທິບໍດີ ໂຈໄບເດັນ ແລະ ຮອງປະທານາທິບໍດີ ກາມາລາ ຮາຣິດ ຈຳຕ້ອງອອກມາກ່າຖະແຫຼງວ່າ: “ຖ້າພວກເຮົາມິດຢູ່ຕໍ່ເຫດການນີ້ ກໍໝາຍຄວາມວ່າ ພວກເຮົາສະໜັບສະໜູນ. ” ໄບເດັນກ່າວຕໍ່ຫົວແທນຄົນເຊື້ອຊາດ ອາຊີ ໃນລັດ ອາລາສກາ ເມື່ອວັນທີ 19 ມີນາທີ່ຜ່ານມາ.