ນໍ້າຖ້ວມໃຫ່ຍ ອອສເຕເລຍ ໃນຮອບ 100 ປີ
ສຳນັກຂ່າວ ຊີເອັນເອັນ ລາຍງານວ່າ ສັນທີ 18 ມີນານີ້ ນໍ້າໄດ້ໄຫລເຂົ້າຖ້ວມຫຼາຍເຂດຊຸມຊົນຢູ່ທິດຕາເວັນອອກຂອງປະເທດ ຕົກຢູ່ໃນສະພາບວິກິດການ ພາຍຫຼັງມີ ຄູກັນນໍ້າຂະໜາດໃຫ່ຍແຕກຫັກ ຈົນການເປັນທະເລນໍ້າ.
ວັນທີ 21 ມີນານີ້, ເຈົ້າໜ້າທີ່ບໍລິການສຸກເສີນ, ທ່ານ NSW David Elliott ກ່າວຕໍ່ກອງປະຊຸມຖະແຫຼງຂ່າວວ່າ ອຳນາດການປົກຄອງທ້ອງຖິ່ນ ພ້ອມກັບລັດຖະບານ ໄດ້ລົງນາມໃນເອກະສານ 16 ສະບັບ ປະກາດໄພພິບັດທາງທຳມະຊາດ ໃນຄັ້ງນີ້.
ຈົນເຖິງຂະນະນີ້, ຍັງບໍ່ທັນມີການລາຍງານການເສຍຫາຍທາງຊີວິດ, ແຕ່ທ່ານ Elliott ກ່າວເຕືອນວ່າ: “ພວກເຮົາກຳລັງຍັບໃກ້ເຂົ້າຫາຄວາມສູນເສຍທາງຊີວິດ ທີ່ບໍ່ອາດຈະຫຼີກລ່ຽງໄດ້”.
ວັນທີ 18 ມີນາ, ອົງການບໍລິການພາວະສຸກເສີນ(SES) ໄດ້ຕອບສາຍຮ້ອງຂໍການຊ່ວຍເຫຼືອເຖິງ 7.000 ສາຍ ແຕ່ກໍສາມາດຕອບສະໜອງໄດ້ພຽງ 750 ຄັ້ງເທົ່ານັ້ນ. ພະນັກງານກູ້ໄພ ແລະ ອາສາສະໝັກກຳລັງເຮັດໜ້າທີ່ຊ່ວຍເຫຼືອຜູ້ໄດ້ຮັບເຄາະຮ້າຍຢູ່ໃນຂະນະນີ້.
ວັນທີ 21, ນາຍົກລັດຖະມົນຕີ ທ່ານ Scott Morrison ປະກາດແຈ້ງການທາງ ເຟສບຸກວ່າ: ລັດຖະບານ ອອສເຕເລຍ ໄດ້ລົງນາມໃນໂຄງການໃຫ້ການຊ່ວຍເຫຼືອໃຫ້ຜູ້ປະສົບເຄາະຮ້າຍໃນຢູ່ NSW.ແລ້ວ. ຜູ້ທີ່ຖືກບາດເຈັບ, ສຸນຫາຍ ຫຼື ເຮືອນຊານບ້ານຊ່ອງຖືກເສຍຫາຍ ຈະໄດ້ຮັບການຊ່ວຍເຫຼືອປະມານ 1.000 AUD ຫຼື ປະມານ 770 ໂດລາ ໃຫ້ກັບຜູ້ໃຫ່ຍ ຫຼື ປະມານ 400 AUD(ປະມານ 310 ໂດລາ) ໃຫ້ກັບເດັກນ້ອຍ.
ອົງກອນພະຍາກອນ ອາກາດຂອງ ອອສເຕເລຍ Agata Imielska ໃຫ້ຮູ້ວ່າ ຝົນຍັງຈະສືບຕໍ່ຕົກແຮງ ແລະ ສ້າງໄພຂົ່ມຂູ່ຕໍ່ໄປໃນອາທິດໜ້າ, ວັນທີ 22 ມີນານີ້, ມີໂຮງຮຽນ 130 ຫຼັງໃນລັດ NSW ຕ້ອງໄດ້ປິດໂຮງຮຽນ, ໂຮງຮຽນບາງແຫ່ງ ຈະຕ້ອງໄດ້ມີການສ້ອມແປງຄືນໃໝ່ ແລະ ວັນທີ 24 ມີນາ ປະລິມານຝົນຈະຄ່ອຍຫຼຸດລົງ.
