ແມ່ຫວຍອອນລາຍ ຖືກຈັບຈໍ້ຫາຕົ້ມຕຸ໋ນເງິນ 150 ລ້ານກວ່າກີບ

ແມ່ຫວຍອອນລາຍ ຖືກຈັບຈໍ້ຫາຕົ້ມຕຸ໋ນເງິນ 150 ລ້ານກວ່າກີບ - Untitled design - ແມ່ຫວຍອອນລາຍ ຖືກຈັບຈໍ້ຫາຕົ້ມຕຸ໋ນເງິນ 150 ລ້ານກວ່າກີບ

ເຈົ້າໜ້າທີ່ຕໍາຫຼວດ ພະແນກຕໍາຫຼວດ ກອງບັນຊາການ ປກສ ເມືອງຫາດຊາຍຟອງ ນະຄອນຫຼວງວຽງຈັນໃນ ໄດ້ໃຫ້ຮູ້ວ່າ: ວັນທີ 18 ມີນາ 2021 ໄດ້ຮັບຄໍາຮ້ອງຟ້ອງຈາກປະຊາຊົນເລື່ອງການສໍ້ໂກງຊັບຂອງພົນລະເມືອງ ຈຶ່ງໄດ້ກວດກາ ແລະ ເກັບກໍາຂໍ້ມູນຫຼັກຖານ ກັກຕົວ ນາງ ປັດຕານີ ອາຍຸ 24 ປີ ວ່າງງານ ປັດຈຸບັນພັກເຊົາຢູ່ ບ້ານຄໍາສະຫວາດ ເມືອງໄຊເສດຖາ ນະຄອນຫຼວງວຽງຈັນ ໃນວັນທີ 31 ມັງກອນ 2021 ເພື່ອນໍາມາສືບສວນ-ສວນສວນ ຕາມກົດໝາຍ.

ຜູ້ກ່ຽວຮັບສາລະພາບວ່າ: ໄດ້ມີການເຄື່ອນໄຫວໂຄສະນາຊວນເຊື່ອໂພດສ໌ການຫຼິ້ນຫວຍທາງອອນລາຍລົງເຟສບຸກມາແຕ່ຕົ້ນເດືອນ ພະຈິກ 2019; ເຊິ່ງມີຂໍ້ຄວາມທີ່ໂພດລົງນັ້ນແມ່ນໄດ້ບອກກ່ຽວກັບການເຂົ້າຫຼິ້ນຫວຍ ແລະ ໃຫ້ດອກເບ້ຍສູງ ເປັນສິ່ງຈູງໃຈເພື່ອດຶງດູດຈິດໃຈຄົນມາຫຼິ້ນ ນັບແຕ່ 5 ແສນກີບ, 1 ລ້ານກີບ, 2 ລ້ານກີບ ແລະ 2 ແສນບາດ ເຊິ່ງເຮັດໃຫ້ຫຼົ່ງເຊື່ອເປັນຈໍານວນຫຼາຍ ແລະ ໄດ້ໂອນເງິນເຂົ້າບັນຊີທະນາຄານຂອງຜູ້ກ່ຽວ.

ຈາກນັ້ນ, ກໍໃຫ້ລູກຫວຍເປຍຫວຍໃສ່ດອກເບ້ຍ, ເມືອລູກຫວຍເປຍໄດ້ ຜູ້ກ່ຽວພັດບໍ່ຈ່າຍເງິນໃຫ້ລູກຫວຍເລີຍ; ເຊິ່ງລວມຍອດເງິນທີ່ຜູ້ກ່ຽວໄດ້ຈາກລູກຫວຍ ແມ່ນ 151.400.000 ກີບ; ສ່ວນເງິນທີ່ໄດ້ມາກໍເອົາໄປໃຊ້ຈ່າຍໃນຊີວິດປະຈຳວັນ ແລະ ເອົາໄປໝູນຫວຍສາຍອື່ນ.

ຕໍ່ກັບຄະດີດັ່ງກ່າວ ເຈົ້າໜ້າທີ່ ປກສ ເມືອງຫາດຊາຍຟອງ ນະຄອນຫຼວງວຽງຈັນ ກໍາລັງສືບຕໍ່ດໍາເນີນຄະດີຕາມຂັ້ນຕອນຂອງກົດໝາຍ.

ແມ່ຫວຍອອນລາຍ ຖືກຈັບຈໍ້ຫາຕົ້ມຕຸ໋ນເງິນ 150 ລ້ານກວ່າກີບ - Wave100S AD to Website 2020 0 - ແມ່ຫວຍອອນລາຍ ຖືກຈັບຈໍ້ຫາຕົ້ມຕຸ໋ນເງິນ 150 ລ້ານກວ່າກີບ

 

ແມ່ຫວຍອອນລາຍ ຖືກຈັບຈໍ້ຫາຕົ້ມຕຸ໋ນເງິນ 150 ລ້ານກວ່າກີບ - WhatsApp Image 2020 05 27 at 5 - ແມ່ຫວຍອອນລາຍ ຖືກຈັບຈໍ້ຫາຕົ້ມຕຸ໋ນເງິນ 150 ລ້ານກວ່າກີບ
ແມ່ຫວຍອອນລາຍ ຖືກຈັບຈໍ້ຫາຕົ້ມຕຸ໋ນເງິນ 150 ລ້ານກວ່າກີບ - WhatsApp Image 2020 05 27 at 5 - ແມ່ຫວຍອອນລາຍ ຖືກຈັບຈໍ້ຫາຕົ້ມຕຸ໋ນເງິນ 150 ລ້ານກວ່າກີບ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!