ບັນດານັກການທູດຂອງ ສປປ ເກົາຫຼີ ເລີ່ມອອກຈາກ ມາເລເຊຍ ແລ້ວ

ສຳນັກຂ່າວ ເອພີ ລາຍງານເມື່ອວັນທີ 21 ມີນານີ້ ໃຫ້ຮູ້ວ່າ ບັນດານັກການທູດຂອງ ສປປ ເກົາຫຼີ ໄດ້ເລີ່ມທະຍອຍກັນອອກຈາກສະຖານທູດຂອງຕົນຢູ່ທີ່ ນະຄອນຫຼວງຂອງ ມາເລເຊຍ ກັບຄືນປະເທດແລ້ວ, ພາຍຫຼັງ ພຽງຢາງ ຕັດສາຍສຳພັນການທູດກັບ ກົວລາລຳເປີ ໃນວັນທີ 21 ມີນາ.

ມາເລເຊຍ ເຄີຍເປັນພັນທະມິດຂອງຂອງ ສປປ ເກົາຫຼີ ມາກ່ອນ  ແຕ່ການພົວພັນຂອງສອງຝ່າຍເລີ່ມມີການແຕກລ້າວ ຂຶ້ນມາ ພາຍຫຼັງເກີດຄະດີຄາດຕະກຳຜິດຄົນ ຊຶ່ງຄິດວ່າເປັນອ້າຍຂອງປະທານ ຄີມຈອງອູນ ຢູ່ທີ່ເດີ່ນບິນສາກົນ ກົວລາລຳເປີ ໃນປີ 2017.

ວັນທີ 19 ມີນາ, ພຽງຢາງປະກາດຕັດສາຍສຳພັນທາງການທູດກັບ ມາເລເຊຍ, ພາຍຫຼັງ ສານຂອງມາເລເຊຍຕັດສິນໃຫ້ສົ່ງຕົວພົນລະເມືອງຄົນໜຶ່ງຂອງ ສປປ ເກົາຫຼີ ໃຫ້ກັບສະຫະລັດ ດ້ວຍຂໍ້ກ່າວຫາວ່າເປັນຜູ້ ຟອກເງິນ. ພຽງຢາງ ຖືວ່າການຕັດສິນດັ່ງກ່າວ ເປັນໂທດກຳອັນໜຶ່ງທີ່ບໍ່ສາມາດຈະອະນຸໂລມໄດ້ ເພາະມັນເປັນການຕັດສິນແບບ ມືດມົນ ຈາກແຮງກົດດັນຂອງສະຫະລັດ, ພ້ອມດຽວກັນ ກໍກ່າວຫາວ່າ ມາເລເຊຍ ແມ່ນມີກົນອຸບາຍອັນດຽວກັນກັບສະຫະລັດ ເພື່ອຫວັງ ໂດດດ່ຽວ ແລະ ບີບບີ້ ສປປ ເກົາຫຼີ.

ມາເລເຊຍຕອບໂຕ້ຄືນຕໍ່ ສປປ ເກົາຫຼີ ດ້ວຍການຮຽກຮ້ອງໃຫ້ບັນດານັກການທູດ ຂອງ ສປປ ເກົາຫຼີ ອອກຈາກ ມາເລເຊຍ ພາຍໃນ 48 ຊົ່ວໂມງ.

ວັນທີ 21 ມີນາ, ກ່ອນຈະອອກຈາກສະຖານທູດ, ທີ່ປຶກສາທູດ ສປປ ເກົາຫຼີ ປະຈຳຢູ່ ກົວລາລຳເປີ ຄີມຢູຊ໊ອງ ໄດ້ອ່ານຖະແຫຼງການສະບັບໜື່ງ, ໃນນັ້ນ ກ່າວຢືນຢັນວ່າ  ການທີ່ມາເລເຊຍສົ່ງພົນລະເມືອງຂອງຕົນໃຫ້ກັບ ສະຫະລັດອາເມລິການັ້ນ  ມັນເປັນການມ້າງສາຍສຳພັນທີ່ເປັນພື້ນຖານຂອງຂອງສອງຝ່າຍບົນພື້ນຖານເຄົາລົບອະທິປະໄຕຂອງກັນ ແລະ ກັນ. ທ່ານກ່າວ່າ: “ລັດຖະບານຂອງມາເລເຊຍ ຕ້ອງຮັບຜິດຊອບຜົນເສຍຫາຍທັງໝົດທີ່ຈະເກີດຂຶ້ນລະຫວ່າງສອງປະເທດ”.

ຜູ້ຊ່ຽວຊານຄົນໜຶ່ງຢືນຢັນວ່າ ການທີ່ ສປປ ເກົາຫຼີ ຕັດສາຍສຳພັນທາງການທູດກັບ ມາເລເຊຍ ມັນແມ່ນການສະແດງອອກຄວາມບໍ່ພໍໃຈຂອງພຽງຢາງຕໍ່ລັດຖະບານ ໂຈໄບເດັນ ທີ່ບໍ່ຂົ່ມຂູ່ເຖິງຄວາມອາດສາມາດກັບເຂົ້າສູ່ໂຕະເຈລະຈາໃນໂຄງການນິວເຄຣຍກັບ ວໍຊິງຕັນ.

ສປປ ເກົາຫຼີ ປະກາດຈະບໍ່ເຈລະຈາກັບສະຫະລັດ ນັບຕັ້ງແຕ່ ສປປ ເກົາຫຼີ  ປະນະໂຍບາຍ ອັນທີ່ເອີ້ນວ່າ  “ເປັນສັດຕູ”. ເຖິງຢາງໃດກໍຕາມ, ບັນດານັດວິເຄາະ ຄາດວ່າ ລັດຖະບານຂອງ ທ່ານ ຄີມຈອງອູນ ອາດຈະກັບຄືນເຈລະຈາກໍເປັນໄດ້ ເພື່ອຊອກຫາວິທີທາງອອກຈາກການປິດລ້ອມທາງເສດຖະກິດ ອັນໄດ້ສ້າງຄວາມຫຍຸ້ງຍາກໃຫ້ແກ່ປະເທດໃນໄລຍະທີ່ຜ່ານມາ.