ເກີດເຫດລະເບີດຢູ່ຈີນ ດັບ 5 ບາດເຈັບ 5

ສຳນັກຂ່າວສານ ທົ່ວໂລກຂອງຈີນ ອ້າງຄຳໃຫ້ການຂອງເຈົ້າໜ້າທີ່ເມືອງ Panyu ແຂວງ ກວາງໂຈ ຂອງຈີນ ໃຫ້ຮູ້ວ່າ: ເມື່ອວັນທີ 22 ມີນານີ້ ໄດ້ເກີດເຫດລະເບີດຂຶ້ນຢູ່ທີ່ເມືອງ ແລະ ແຂວງດັ່ງກ່າວ ເຮັດໃຫ້ 5 ຄົນເສຍຊີວິ ແລະ ອີກ 5 ຄົນບາດເຈັບໜັກ.

ສຳນັກຂ່າວດັ່ງກ່າວໃຫ້ຮູ້ເພີ່ມເຕີມວ່າ: ເປົ້າໝາຍກໍ່ເຫດມີຊື່ວ່າ ໂຮ່ ໄດ້ບີບຂະນວນລູກລະເບີດທີ່ເຊື່ອງໄວ້ໃນຕົວຂຶ້ນ ຢູ່ທີ່ບ້ານແຫ່ງໜຶ່ງ ໃນຂະນະທີ່ເຈົ້າໜ້າທີ່ພະນັກງານບ້ານກຳລັງລວມກັນ ເພື່ອມອບ-ຮັບປະຈຳການ ເຮັດໃຫ້ຜູ້ກໍ່ເຫດພ້ອມດ້ວຍອີກ 5 ຄົນຕາຍຄາທີ່ ແລະ ອີກ 5 ຄົນຖືກບາດເຈັບສາຫັດນຳສົ່ງໂຮງໝໍ.

ອົງການກ່ຽວຂ້ອງໃນເມືອງ Panyu ເມື່ອໄດ້ຮັບຂ່າວມີເຫດລະເບີດ ກໍມີໜ້າທັນທີຢູ່ສະຖານທີ່ເກີດເຫດ ເພື່ອປິດກັ້ນສະຖານທີ່ເກີດເຫດໄວ້. ຂະນະນີ້ ເຈົ້າໜ້າທີ່ກ່ຽວຂ້ອງກຳລັງສອບສວນຫາຈຸດປະສົງຂອງເຫດການລະເບີດໃນຄັ້ງນີ້.