ໄໝດັກແດ້ ໃຊ້ສ້າງແບບຈຳລອງເນື້ອເຍື້ອກ້າມຊີ້ນຂອງມະນຸດໄດ້

ສຳນັກຂ່າວຕ່າງປະເທດລາຍງານເມື່ອວັນ ວັນທີ 22 ມີນານີ້ວ່າ ກ່ອນໜ້ານີ້ເຄີຍໃຊ້ໃຍໄໝບົ້ງພື້ນເມືອງເປັນແບບຈຳລອງການເພາະລ້ຽງເຊລແບບ 3 ມິຕິ ເນື່ອງຈາກເຊລທີ່ເພາະປູກບົນໃຍໄໝ ໄດ້ຮັບການພິສູດແລ້ວວ່າ ມັນຫຼອກແບບກ້າມຊີ້ນຢຶດກະດູກຂອງມະນຸດໄດ້ໃກ້ຄຽງກວ່າເຊລທີ່ເພາະປູກບົນພື້ນຜິວປລາສຕິກທົ່ວໄປ.

ຫຼ້າສຸດນັກວິໄຈຈາກມະຫາວິທະຍາໄລແຫ່ງລັດຍຸທາ ໃນສະຫະລັດອາເມລິກາ ເຜີຍວ່າກຳລັງໃຊ້ໃຍໄໝຈາກຕົວດັກແດ້ ເພື່ອປູກເຊລກ້າມຊີ້ນຢຶດກະດູກ ໂດຍປັບປຸງວິທີການເພາະລ້ຽງເຊລແບບດັ້ງເດີມ ເພື່ອຫວັງຈະນຳໄປສູ່ການຮັກສາອາການລີບຂອງກ້າມຊີ້ນໄດ້ດີຂຶ້ນ. ທິມວິໄຈໄດ້ພັດທະນາພື້ນຜິວການເພາະລ້ຽງເຊລແບບ 3 ມິຕິ ໂດຍການປູກເຊລ ບົນເສັ້ນໃຍໄໝໃຫ້ພັນຮອບໂຄງສ້າງທີ່ເຮັດຈາກອະຄລີນິກ ສ່ວນໃຍໄໝທີ່ໃຊ້ນັ້ນ ເປັນໄໝພັນພື້ນເມືອງ ແລະ ໄໝພັນປະສົມທີ່ຜະລິດມາຈາກດັກແດ້ໄໝທີ່ຜ່ານການດັດແປງຢີນຈາກໃຍແມງມຸມ. ນີ້ເປັນຄັ້ງທຳອິດທີ່ມີການໃຊ້ໄໝດັດແປງພັນທຸກຳເພື່ອມາສ້າງແບບຈຳລອງກ້າມຊີ້ນຢຶດກະດູກ.

ທັງນີ້, ກ້າມຊີ້ນຢືດກະດູກ ມີໜ້າທີ່ໃນການເຄື່ອນໂຄງກະດູກເຮັດໃຫ້ຂໍ່ຕໍ່ຄົງທີ່ ແລະ ປົກປ້ອງອະໄວບະວະພາຍໃນການເສື່ອມສະພາບຂອງກ້າມຊີ້ນຢືດກະດູກເຫຼົ່ານີ້ ອາດເກີດຂຶ້ນໄດ້ຈາກຫຼາຍສາເຫດ ແລະ ອາດເກີດຂຶ້ນໄດ້ຢ່າງໄວວາ. ດັ່ງນັ້ນ, ການສ້າງຄວາມເຂົ້າໃຈວ່າກ້າມຊີ້ນ ລີບ ຢ່າງໄວວາໄດ້ຢ່າງໃດກໍຕ້ອງເລີ່ມຈາກລະດັບເຊລທີ່ເຕີບໂຕນັ້ນເອງ.