ຜົນການຄົ້ນຄວ້າຂອງສະຫະລັດ ໃຫ້ຮູ້ວ່າ ເດັກນ້ອຍເທົ່າໃດ ຍິ່ງມີພູມຄຸ້ມກັນ ໄວຣັດ ໂຄໂຣນາ ສູງເທົ່ານັ້ນ.
ວິທະຍຸໂທລະທັດຊ່ອງ Channel News Asia ອ້າງອີງຄຳປະກາດໃນວັນທີ 22 ມີນາ ໃນໜ້າວາລະສານ JAMA Network Open ໃຫ້ຮູ້ວ່າ ເດັກທີ່ມີອາຍຸແຕ່ 10 ປີລົງມາ ໃນເມື່ອຕິດເຊື້ອໄວຣັດໂຄໂຣນາ ຮ່າງກາຍຂອງເດັກຈະເກີດພູມຄຸ້ມກັນສູງກວ່າເດັກໃນເກນອາຍຸໄວໜຸ່ມ ແລະ ຜູ້ອາຍຸໃຫ່ຍແລ້ວ.
ກຸ່ມນັກວິທະຍາສາດດັ່ງກ່າວວ່າ ບອກວ່າ ຂໍ້ມູນວິທະຍາສາດດັ່ງກ່າວ ອາດຈະຊ່ວຍຊີ້ແຈງຄວາມເປັນຈິງຢ່າງໜຶ່ງວ່າ ເປັນຫຍັງ ເມື່ອເດັກຕິດເຊື້ອໂຄວິດ-19 ຈຶ່ງບໍ່ມີອາການໜັກໜ່ວງຄືກັນກັບຜູ້ໃຫ່ຍ. ເຖິງແນວໃດກໍຕາມ, ກຸ່ມນັກວິທະຍາສາດດັ່ງກ່າວຍັງກ່າວຢໍ້າວ່າ: ບັນຫາດັ່ງກ່າວຍັງຈະສືບຕໍ່ຄົ້ນຄວ້າ ແລະ ຄຳນຶງເຖິງຫຼາຍປັດໄຈອື່ນໆຕື່ມ ອີກ.
ເມື່ອສັງເກດເດັກໃນຈຳນວນ 1.2000 ຄົນ ແລະ ຜູ້ໃຫ່ຍ 30.000 ຄົນ ພົບວາ ອັດຕາສ່ວນຕິດເຊື້ອເກືອບເທົ່າທຽມກັນຕາມລຳດັບ 17% ແລະ 19%. ຈາກນັ້ນ ພວກເຂົາກໍສືບຕໍ່ສັງເກດຜູ້ຕິດເຊື້ອໄວຣັດ ໂຄໂຣນາ ຊື່ງເປັນເດັກ 85 ຄົນ ແລະ ຜູ້ໃຫ່ຍ 3.648 ຄົນ ເພື່ອເບິ່ງ ລະດັບພູມຄຸ້ມກັນ immunoglobulin G (IgG). ຊຶ່ງເປັນພູມຄຸ້ມກັນຕົ້ນຕໍ ສະກັດກັ້ນບໍ່ໃຫ້ ໄວຣັດໂຄໂຣນາ ບຸກລຸກເຂົ້າໄປໃນຈຸລັງຂອງຮ່າງກາຍ.
ຈາກນັ້ນສັງເກດພົບວ່າເດັກ 32 ຄົນໃນອາຍຸແຕ່ 1-10 ປີ ມີລະດັບພູມຄຸ້ມກັນ IgG ປານກາງສູງກວ່າທົບ 5 ເທື່ອເມື່ອທຽບໃສ່ລະດັບພູມຄຸ້ມກັນ IgG ປານກາງຂອງຈຳນວນ 127 ຄົນໃນອາຍຸໄວໜຸ່ມແຕ່ 19-24 ປີ ແລະ ພວກເຂົາຍັງສືບຕໍ່ສັງເກດເບິ່ງ 126 ຄົນທີ່ຕິດເຊື້ອໂຄໂຣນາ ໃນສໍ່າອາຍຸແຕ່ 1-24 ປີ ພົບວ່າບໍ່ມີໃຜໃນນີ້ ມີອາການໜັກໜ່ວງ.
ພວກເຂົາພົບວ່າ ໃນກຸ່ມເດັກມີອາຍຸແຕ່ 1-10 ປີ ລະດັບ IgG ປານກາງສູງທົບເຄິ່ງໜຶ່ງເດັກທີ່ມີອາຍຸແຕ່ 11-18 ປີ ແລະ ກຸ່ມເດັນທີ່ມີອາຍຸແຕ່ 11-18 ປີກໍມີລະດັບ IgG ປານກາງສູງກວ່າທົບເຄິ່ງໃນກຸ່ມອາຍຸແຕ່ 19-24 ປີ ເຊັ່ນດຽວກັນ.
