ອິນເດຍຢຸດການສັກວັກຊີນຕ້ານໂຄວິດ-19 ຊົ່ວຄາວເພາະຂາດແຄນວັກຊີນ

ອີງຕາມຂ່າວຕ່າງປະເທດ ວັນທີ 23 ມີນານີ້ ໃຫ້ຮູ້ວ່າ ລັດໂອຣິດສາ ທາງຕາເວັນອອກຂອງອິນເດຍ ປະເຊີນກັບບັນຫາວັກຊີນໂຄວິດ-19 ຂາດແຄນ ຈົນເຮັດໃຫ້ທາງການຕ້ອງໄດ້ຢຸດຕິການສັກວັດຊີນຕ້ານໂຄວິດ-19 ໃຫ້ກັບປະຊາຊົນຊົ່ວຄາວ.

ນັບແຕ່ທ້າຍເດືອນນີ້ເປັນຕົ້ນໄປ ລັດໂອຣິດສາ ຊຶ່ງມີປະຊາກອນຢູ່ປະມານ 44 ລ້ານຄົນ ຈຳເປັນຕ້ອງຢຸດການສັກວັກຊີນໂຄວິດ-19 ໃຫ້ກັບປະຊາຊົນຢ່າງໜ້ອຍ 4 ວັນ ເນື່ອງຈາກປະສົບບັນຫາວັກຊີນຂາດແຄນ ໂດຍມີການຄຳນວນວ່າ ວັກຊີນຕ້ານໂຄວິດ-119 ແອສຕຣາເຊເນກາ ຈະມີພຽງພໍຈົນໄປເຖິງວັນທີ 30 ມີນານີ້ເທົ່ານັ້ນ ຫຼັງຈາກອິນເດຍຕ້ອງປະເຊີນກັບການລະບາດຮອບ 2 ເຮັດໃຫ້ຍອດຜູ້ຕິດເຊື້ອພຸ່ງສູງເຖິງ 11.69 ລ້ານຄົນ ໂດຍຂະນະນີ້ຫຼາຍລັດຕ່າງກໍເລັ່ງໃຫ້ລັດຖະບານສົ່ງວັກຊີນມາເພີ່ມໃຫ້ກັບພື້ນທີ່ ເພື່ອຈະສາມາດແຈກຈ່າຍໄປໃຫ້ປະຊາຊົນໃຫ້ທົ່ວເຖິງກັນ.

ອິນເດຍນັບວ່າເປັນປະເທດຜູ້ຜະລິດວັກຊີນລານໃຫ່ຍທີ່ສຸດຂອງໂລກ ໂດຍມີການບໍລິຈາກ ແລະ ຂາຍວັກຊີນຫຼາຍກວ່າ 60 ລ້ານໂດສໄປຍັງ 76 ປະເທດທົ່ວໂລກ ຂະນະທີ່ມີການນຳວັກຊີນມາໃຊ້ພາຍໃນປະເທດເກືອບ 48 ລ້ານໂດສ ເຮັດໃຫ້ເກີດສຽງວິພາກວິຈານ ນະໂຍບາຍໃນການແບ່ງປັນວັກຊີນ ຖ້າອິນເດຍຫາກປະສົບກັບບັນຫາຂາດແຄນວັກຊີນ ຄືໃນຂະນະນີ້ ກໍຍ່ອມຈະສົ່ງຜົນກະທົບໄປເຖິງປະເທດປາຍທາງທີ່ສັ່ງຊື້ືວັກຊີນຈາກ ອິນເດຍດ້ວຍເຊັ່ນກັນ.