ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ

ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ - 030402 2021 - ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ
ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ - Untitled design - ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ

ເຄີຍຫລືບໍ່ ເຮັດດີນຳຄົນເກືອບຕາຍ ແຕ່ເຂົາຊຳ້ພັດບໍ່ສົນໃຈແນມເຫັນຄວາມດີຂອງເຮົາເລີຍ ໂດຍທີ່ເຮົາກໍບໍ່ໄດ້ເຮັດຫຍັງບໍ່ດີຂະໜາດນັ້ນ ? ມື້ນີ້ພວກເຮົາມີວິທີຢາກເອົາຊະນະໃຈຄົນທີ່ບໍ່ມັກເຮົາມາແນະນຳ.

ອະລິຊາ ໂຣເບີດ (Alicha Roberts) ເຈົ້າຂອງຜົນງານ How to Win Everyone’s heart ຢັ້ງຢືນວ່າ : ການເອົາຊະນະຄົນທີ່ບໍ່ມັກໜ້າທ່ານ “ບໍ່ແມ່ນເລື່ອງຍາກ ແລະ ມີໂອກາດເຮັດໄດ້ສຳເລັດ” ທັງຍັງເຮັດໃຫ້ທ່ານໄດ້ຝຶກຝົນຄວາມສາມາດ ແລະ ພັດທະນາຄຸນນະພາບຈິດໃຈຂອງຕົນເອງໄດ້ຢ່າງດີເລີດນຳອີກ.

ແຕ່ກ່ອນອື່ນທ່ານຕ້ອງສ້າງຄວາມເຂົ້າໃຈດັ່ງຕໍ່ໄປນີ້ :

  • ອົດທົນ, ຕັ້ງໃຈ ແລະ ບໍ່ທໍ້ຖອຍ : ການປ່ຽນແປງຄວາມຮູ້ສຶກ “ດ້ານລົບ” ເປັນເລື່ອງທີ່ຕ້ອງໃຊ້ເວລາ ແລະ ເຫດຜົນ, ຢ່າຄາດຫວັງວ່າການເຮັດດີພຽງເທື່ອດຽວ ຫລື ສອງເທື່ອຈະສາມາດປ່ຽນຄວາມຮູ້ສຶກຄົນຈາກລົບໃຫ້ເປັນບວກໄດ້ໃນທັນທີ.
  • ຫລຸດຄວາມຊັງ ແລະ ຄວາມໃຈຮ້າຍ : ຫາກທ່ານຈະເອົາຊະນະໃຈໃຜຈັກຄົນ, ແຕ່ຍັງມີຄວາມຮູ້ສຶກດ້ານລົບກັບເຂົາຢູ່ ການກະທຳທີ່ສະແດງອອກໄປກໍຈະເປັນແບບທຳທ່າ ຫລື ພະຍາຍາມ ເຊິ່ງນອກຈາກບໍ່ໄດ້ປະໂຫຍດຫຍັງແລ້ວ ຝ່າຍກົງຂ້າມຍັງອາດຈະບໍ່ມັກໜ້າທ່ານຫລາຍຂຶ້ນຕື່ມ. ດັ່ງນັ້ນ, ທ່ານຈຶ່ງຕ້ອງ “ປັບ” ທັດສະນະຄະຕິຂອງຕົນເອງໃໝ່ໃຫ້ໄດ້ສາກ່ອນ.
  • ທ່ອງຄາຖາພັງກຳແພງ : ຫາກທ່ານເຄີຍເຮັດຜິດພາດ ກໍຂໍໃຫ້ເວົ້າ “ຂໍໂທດ” ຍອມຮັບໃນສິ່ງທີ່ທ່ານເຮັດຜິດພາດໄປ ບໍ່ເມົາແຕ່ຖືອັກຄະຕິ ຫາກຮູ້ຈັກເວົ້າຄຳໆນີ້ມາຈາກໃຈ ຄວາມໜັກເບົາຂອງອາລົມບໍ່ພໍໃຈຍ່ອມຫລຸດໜ້ອຍລົງໄດ້ຢ່າງບໍ່ໜ້າເຊື່ອ ຖ້າມີໂອກາດກໍຄວນປັບຄວາມເຂົ້າໃຈກັນດ້ວຍວິທີທີ່ອ່ອນນ້ອມ ເພາະການໃຫ້ອະໄພດ້ວຍຄວາມເຕັມໃຈຍ່ອມດີກ່ວາການໃຫ້ອະໄພຕາມມາລະຍາດແນ່ນອນ.
  • ຮູ້ວ່າເຂົາບໍ່ມັກຫຍັງ ກໍຈົ່ງປັບ : ເມື່ອທ່ານບໍ່ອາດປ່ຽນແປງຄວາມຄິດຂອງໃຜໄດ້ ທ່ານກໍຕ້ອງຫາວິທີແກ້ໄຂເອົາເອງ, ຖ້າແກ້ໄຂໃຫ້ເຊົາຂາດບໍ່ໄດ້ ເພາະມັນແມ່ນໂຕຕົນຄວາມເປັນທ່ານ ຢ່າງໜ້ອຍໆກໍພະຍາຍາມຫລຸດພຶດຕິກຳນັ້ນໃຫ້ໄດ້ “ຊົ່ວຄາວ” ໃນໄລຍະທີ່ຢູ່ກັບເຂົາກໍຍັງດີ ເພື່ອໃຫ້ເຂົາຮູ້ສຶກປະທັບໃຈວ່າທ່ານໃຫ້ຄວາມສຳຄັນກັບເຂົາ.

ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ - 050402 2021 300x200 - ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ

ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ - Wave100S AD to Website 2020 0 - ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ
  • ຈິງໃຈ ເປັນໂຕຂອງໂຕເອງ : ເຖິງວ່າເຮົາຈະຢາກໃຫ້ອີກຝ່າຍຮູ້ສຶກດີກັບເຮົາຫລາຍຂຶ້ນ, ແຕ່ຢ່າເວົ້າ ຫລື ສະແດງພຶດຕິກຳທີ່ “ເກີນຄວາມຈິງ” ເພື່ອເອົາອົກເອົາໃຈຈົນອອກນອກໜ້າ ໂດຍທີ່ບໍ່ໄດ້ຮູ້ສຶກຈາກໃຈແທ້ໆ. ຍອມຮັບຄວາມຮູ້ສຶກຂອງຕົນເອງ ແລະ ເຜີຍຄວາມຮູ້ສຶກທີ່ແທ້ຈິງໃຫ້ອີກຝ່າຍໄດ້ຮັບຮູ້ຢ່າງກົງໄປກົງມາຈະດີກ່ວາ ເພາະຫາກທຸກຢ່າງແມ່ນການທຳທ່າ ຮັບຮອງວ່າສິ່ງນີ້ຈະຢູ່ກັບທ່ານບໍ່ໄດ້ດົນ.

ເມື່ອກວດສອບຮຽບຮ້ອຍແລ້ວວ່າລະດັບຄວາມບໍ່ພໍໃຈລະຫ່ວາງເຂົາ ແລະ ທ່ານເລີ່ມຫລຸດລະດັບລົງຈົນເກືອບຈະເຂົ້າສູ່ສະຖານະການປົກກະຕິ ມາຮອດຕອນນີ້ກໍເຖິງເວລາສ້າງຄວາມເຂົ້າໃຈ, ຄວາມປະທັບໃຈ ແລະ ເລີ່ມຕົ້ນສານຄວາມສຳພັນໃໝ່ຕໍ່ໄປໄດ້ເລີຍ :

  1. ສຳຫລວດຕົນເອງວ່າມີດີຫຍັງແດ່ : ແລ້ວພັດທະນາໃຫ້ດີຍິ່ງຂຶ້ນຕື່ມອີກ, ຂະນະດຽວກັນກໍບໍ່ລືມທີ່ຈະສຳຫລວດຫາຂໍ້ເສຍ ຫລື ຂໍ້ບົກພ່ອງຂອງຕົນເອງວ່າມີຫຍັງແດ່ ແລ້ວພະຍາຍາມຢຸດເຊົາ ຫລື ແກ້ໄຂ ບໍ່ວ່າຈະແມ່ນບຸກຄະລິກກະພາບ, ທັດສະນະຄະຕິ, ຄວາມຮູ້ຄວາມສາມາດ, ຄຸນນະທຳ ແລະ ສິນທຳໃນໃຈ, ຮູ້ຈັກເອົາໃຈເຂົາມາໃສ່ໃຈເຮົາ ເພາະໂລກນີ້ບໍ່ໄດ້ມີແຕ່ທ່ານຄົນດຽວ.
  2. ທ່ານຕ້ອງຮູ້ຈັກເປັນຝ່າຍໃຫ້ຫລາຍກ່ວາຮັບ : ຮູ້ຈັກຍ້ອງຍໍຊົມເຊີຍຄົນອື່ນ, ເຄົາລົບ ແລະ ໃຫ້ກຽດ, ຖືເບົາໃນຂໍ້ເສຍ ຫລື ຂໍ້ບົກພ່ອງຂອງຜູ້ອື່ນໃຫ້ເປັນ ເພາະໂລກນີ້ບໍ່ມີຫຍັງສົມບູນແບບແມ່ນແຕ່ໂຕທ່ານເອງ, ຕ້ອງຮູ້ຈັກຜ່ອນສັ້ນຜ່ອນຍາວ, ທີເພິ່ນທີໂຕ, ຮູ້ຈັກປະນີປະນອມ ແລະ ພະຍາຍາມຮຽນຮູ້ຜູ້ອື່ນກ່ອນສະເໝີ ເພື່ອທີ່ວ່າທ່ານຈະໄດ້ຮູ້ຈັກເຂົ້າໃຈໂຕຕົນ ແລະ ຮັບຮູ້ຄວາມຕ້ອງການສ່ວນເລິກໃນໃຈຂອງເຂົາແດ່.
  3. ຮັກສາຄວາມເປັນໂຕເອງ : ເມື່ອໃດທີ່ທ່ານ “ກ້າ” ຍອມຮັບແລ້ວ “ຕັດສິນໃຈປ່ຽນແປງ” ຕົນເອງໃຫ້ດີຂຶ້ນໂດຍທີ່ຍັງຄົງຮັກສາຄວາມເປັນໂຕຂອງໂຕເອງເອົາໄວ້ໄດ້ ຜູ້ຄົນອ້ອມຂ້າງ ຫລື ແມ່ນແຕ່ຄົນທີ່ເຄີຍບໍ່ມັກຂີ້ໜ້າທ່ານມາກ່ອນ ຍ່ອມສັງເກດເຫັນວ່າທ່ານເປັນຄົນທີ່ໜ້າຍອມຮັບ ແລະ ມີຄວາມໜ້າສົນໃຈຂຶ້ນມາທັນທີ. ສັນຍານບົ່ງບອກທີ່ເຫັນໄດ້ຈະແຈ້ງກໍຄື ການປະຕິບັດຕໍ່ທ່ານ ແລະ ປະຕິກິລິຍາຕ່າໆໆທີ່ປ່ຽນໄປໃນທາງທີ່ດີຂຶ້ນ ລວມເຖິງອາດມີໂອກາດດີໆອື່ນໆເຂົ້າມາຫາກໍເປັນໄດ້.

ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ - 040402 2021 300x175 - ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ

ລອງເຮັດຕາມນີ້ເບິ່ງ ແລ້ວທ່ານຈະຮູ້ວ່າການເອົາຊະນະໃຈໃຜຈັກຄົນບໍ່ແມ່ນເລື່ອງຍາກ ຍິ່ງຖ້າພະຍາຍາມຝຶກຝົນຕົນເອງເລື້ອຍໆ ໃນທີ່ສຸດແລ້ວທ່ານຈະຮູ້ວ່າ ການເອົາຊະນະຄົນທີ່ບໍ່ມັກໜ້າທ່ານກໍບໍ່ແມ່ນເລື່ອງຍາກອີກເລີຍ.

ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ - WhatsApp Image 2020 05 27 at 5 - ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ
ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ - WhatsApp Image 2020 05 27 at 5 - ວິທີເອົາຊະນະໃຈຄົນທີ່ບໍ່ມັກເຮົາ ບໍ່ແມ່ນເລື່ອງຍາກເລີຍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!