ກຸຍບາ ຈະສັກວັກຊີນຕ້ານໂຄວິດ-19 ໃຫ້ສຳເລັດໃນປີນີ້

ສຳນັກຂ່າວ ຣອຍເຕີ ລາຍງານເມື່ອວັນທີ 25 ມີນານີ້ ໃຫ້ຮູ້ວ່າ ທ່ານນາງ Ileana Morales  ຫົວໜ້າອົງການວິທະຍາສາດ ແລະ ການປ່ຽນແປງໃໝ່ດ້ານເທັກໂນໂລຊີ ຂອງກະຊວງສາທາລະນະສຸກຂອງກຸຍບາ, ໂດຍປະຊາຊົນເກືອບ 1,7 ລ້ານຄົນທີ່ດຳລົງຊີວິດຢູ່ໃນນະຄອນຫຼວງ ຮາວັນນາ ຈະໄດ້ຮັບການສັກວັກຊີນຕ້ານໂຄວິດ-19 ໃນເດືອນພຶດສະພາທີ່ຈະມາເຖິງ, ຫຼັງຈາກນັ້ນຈະສັກໃຫ້ກັບປະຊາຊົນ 6 ລ້ານຄົນໃນເດືອນ ສິງຫາ 2021 ແລະ ທີ່ສຸດ ປະຊາຊົນຈຳນວນ 11 ລ້ານຄົນຂອງປະເທດນີ້ ຈະໄດ້ຮັບສັກວັກຊີນຕ້ານໂຄວິດ-19 ຢ່າງທົ່ວເຖິງໃນທ້າຍປີນີ້, ແຕ່ບໍ່ໄດ້ລະບຸວ່າສັກວັກຊີນປະເພດໃດ, ຈາກບໍລິສັດໃດ.

ຄາດວ່າພະນັກງານການແພດທີ່ຢູ່ກອງລະວັງໜ້າຄ້ານການລະບາດຂອງພະຍາດໂຄວິດ-19 ແລະ ຜູ້ທີ່ມີອາຍຸແຕ່ 60 ປີຂຶ້ນເມືອຈະເປັນເປົ້າໝາຍໄດ້ຮັບສັກກ່ອນໝູ່.