ສະພາມະນຸດສະທຳຂອງອົງການສະຫະປະຊາຊາດຜ່ານມະຕີວ່າດ້ວຍການແບ່ງປັນວັກຊີນໂຄວິດ-19 ໃຫ້ມີຄວາມສະເໝີພາບ

ສຳນັກຂ່າວ ຣອຍເຕີ ວັນທີ 24 ມີນານີ້ ລາຍງານວ່າ: ມະຕິດັ່ງກ່າວໄດ້ຮັບການສະໜັບສະໜູນຫຼາຍກວ່າ 130 ປະເທດ ທີ່ຈັດຂຶ້ນຢູ່ທີ່ ເຈນີວາ, ທັງຢືນຢັນວ່າ ແຕ່ລະປະເທດມີສິດນຳໃຊ້ຂໍ້ກຳນົດຂອງອົງການການຄ້າໂລກ ໃນການຄອບຄອງວັກຊີນໂຄວິດ-19.

ບັນດາປະເທດເອີຣົບ ແລະ ອາຊີ ລ້ວນແຕ່ໃຫ້ການສະໜັບສະໜູນ ນະໂຍບາຍດັ່ງກ່າວ. ສ່ວນ ອິນເດຍ ແລະ ອາຟຣິກາໃຕ້ ໄດ້ສະເໜີໃຫ້ອົງການການຄ້າໂລກ ຍົກເລີກຂໍ້ກັນຫ້າມບໍ່ໃຫ້ມີຫຼາຍບໍລິສັດຜະລິດວັກຊີນ ທັງນີ້ກໍເພື່ອໃຫ້ມີຫຼາຍບໍລິສັດຜະລິດຫຼາຍຊະນິດວັກຊີນທີ່ແຕກຕ່າງກັນອອກມາເພື່ອຮັບໃຊ້ສັງຄົມ ພ້ອມທັງສະໜັບສະໜູນ ໃຫ້ເອົາວັກຊີນໂຄວິດ-19 ອອກຈາກສົນທີສັນຍາວ່າດ້ວຍການຜູກຂາດວັກຊີນ ໃຫ້ເປັນສິນຄ້າທົ່ວໄປໃນທົ່ວໂລກ.

ໃນກອງປະຊຸມຄັ້ງຫຼ້າສຸດໃນຕົ້ນເດືອນນີ້, ສະມາຊິກທີ່ຮັ່ງມີກວ່າຂອງອົງການການຄ້າໂລກ ໄດ້ຄັດຄ້ານການໃຫ້ຫຼາຍກວ່າ 80 ປະເທດທີ່ຮັ່ງມີປະລະການຜູກຂາດວັກຊີນໂຄວິດ-19 ເພື່ອໃຫ້ມີການແບ່ງປັນຢ່າງສະເໝີພາບໃຫ້ກັບປະເທດທີ່ທຸກຍາກ.