ເຄັດ​ລັບ​ຮັບ​ມື​ກັບ​ວຽກ​ບ້ານກອງ​ໃຫຍ່​ຈາກ​ຄູ​ອາ​ຈານ

ເຄັດ​ລັບ​ຮັບ​ມື​ກັບ​ວຽກ​ບ້ານກອງ​ໃຫຍ່​ຈາກ​ຄູ​ອາ​ຈານ - 011202 2021 - ເຄັດ​ລັບ​ຮັບ​ມື​ກັບ​ວຽກ​ບ້ານກອງ​ໃຫຍ່​ຈາກ​ຄູ​ອາ​ຈານ
ເຄັດ​ລັບ​ຮັບ​ມື​ກັບ​ວຽກ​ບ້ານກອງ​ໃຫຍ່​ຈາກ​ຄູ​ອາ​ຈານ - Untitled design - ເຄັດ​ລັບ​ຮັບ​ມື​ກັບ​ວຽກ​ບ້ານກອງ​ໃຫຍ່​ຈາກ​ຄູ​ອາ​ຈານ

ແນ່ນອນ​ວ່າ​ໃນ​ຫ້ອງ​ຮຽນ ຄູ​ອາ​ຈານ​ເພິ່ນ​ກໍ​ຕ້ອງ​ໃຫ້​ວຽ​ກ​ບ້ານ ຫລື ບົດ​ຝຶກ​ຫັດ​ມາ​ໃຫ້​ເຮັດ​ເພື່ອ​ເປັນ​ການ​ຝຶກວິ​ຊາ ຝຶກ​ຄວາມ​ສາ​ມາ​ດ​ທີ່​ເຮົາ​ໄດ້​ຮຽນ​ກັນ​ມາ​ຈາກ​ໂຮງ​ຮຽນ, ແຕ່​ບັນ​ຫາ​ຄື ໃນ 1 ມື້ ເຮົາ​ບໍ່​ໄດ້​ຮຽນ​ແຕ່​ວິ​ຊາ​ດຽວ ມື້​ໜຶ່ງ​ເຮົາ​ຮຽ​ນ​ຫລາກ​ຫລາຍ​ວິ​ຊາ ແລະ ຖ້າ​ຄູ​ອາ​ຈານ​ທຸກວິ​ຊາ​ລ້ວນ​ແຕ່​ໃຫ້​ວຽກ​ບ້ານ​ມາ​ພ້ອມໆ​ກັນ ເຮົາ​ຈະ​ຮັບ​ມື​ກັນ​ແນວ​ໃດ ? ມື້ນີ້​ພວກ​ເຮົາ​ຈຶ່ງ​ມີ​ເຄັດ​ລັບ​ການ​ຮັບ​ມື​ກັບ​ວຽກ​ບ້ານກອງ​ໃຫຍ່​ທີ່​ໄດ້​ມາ​ຈາກ​ໂຮງ​ຮຽນ ມາ​ແນະ​ນຳ​ວ່າ​ຈະ​ຈັດ​ການ​ແນວ​ໃດ​ຈຶ່ງ​ເອີ້ນ​ວ່າ​ເຮັດ​ວຽກ​ບ້ານ​ໄດ້​ຢ່າງ​ມີ​ລະ​ບຽບ ແລະ ເປັນ​ມື​ອາ​ຊີບ.

  • ຕັ້ງ​ໃຈ​ຮຽນ​ໃນ​ຫ້ອງ​ຮຽນ : ແນ່ນອນ​ວ່າ​ຄູ​ອາ​ຈານ​ຈະ​ຕ້ອງ​ສອນ​ເນື້ອ​ໃນ​ສິ່ງ​ທີ່​ຈະ​ເອົາ​​ໃຫ້​ມາ​ເປັນ​ວຽກ​ບ້ານ​ຢູ່​ແລ້ວ ດັ່ງ​ນັ້ນ ການ​ຕັ້ງ​ໃຈ​ຮຽນ​ເພື່ອ​ເກັບ​ຂໍ້​ມູນ​ຈຶ່ງ​ເປັນ​ເລື່ອງ​ທີ່​ສຳ​ຄັນ​ໃນ​ການ​ນຳ​ເອົາ​ຄວາມ​ຮູ້​ໄປ​ໃຊ້​ຕໍ່​ສຳ​ລັບ​ການ​ເຮັດ​ວຽກ​ບ້ານ ທັງ​ນີ້​ໃນ​ຫ້ອງ​ຮຽນ​ເຮົາ​ຍັງ​ສາ​ມາດ​ຍົກ​ມື​ຖາມ​ຄູ​ອາ​ຈານ​ໄດ້​ໃນ​ພາກ​ສ່ວນ​ທີ່​ເຮົາ​ຮູ້​ສຶກບໍ່​ເຂົ້າ​ໃຈ ຫລື ນຳ​ບໍ່​ທັນ.
  • ເຮັດ​ວຽກ​ບ້ານ​ພາຍ​ໃນ​ມື້ນັ້ນ : ການ​ເຮັດ​ວຽກ​ບ້ານ​ໃນ​ມື້​ທີ່​ໄດ້​ຮັບ​ມອບ​ໝາຍ​ມາ​ເລີຍນັ້ນ​ມີ​ຂໍ້​ດີບໍ່​ພຽງ​ແຕ່​ເຮົາ​ຈະ​ບໍ່​ຕ້ອງດອງວຽກ​ບ້ານ​ໄວ້​​ຫລາຍໆພຽງ​ຢ່າງ​ດຽວ, ແຕ່​ເຮົາ​ຍັງ​ສາ​ມາດ​ເຮັດ​ວຽກ​ບ້ານ​ໄດ້​ຢ່າງ​ດີ​ນຳ​ອີກ ເພາະ​ວ່າ​ເຮົາ​ຍັງ​ມີ​ຄວາມ​ຮູ້​ທີ່​ສົດ​ໃໝ່​ຈາກ​ການ​ຮຽນ ຈຶ່ງ​ສາ​ມາດ​ເຮັດ​ໃຫ້​ເຮົາ​ເຮັດ​ວຽກ​ບ້ານ​ໄດ້​ຢ່າງວ່ອງ​ໄວ​ຂຶ້ນ ຫລາຍ​ກ່​ວາ​ການ​ເຮັດ​ວຽກ​ບ້ານ​ຫລັງ​ຈາກ​ທີ່ດອງ​ປະ​ໄວ້​ມາ​ຫລາຍມື້ ຈົນ​ອາດ​ຈະ​ລືມ​ຄວາມ​ຮູ້​ໄປ​ແດ່​ແລ້ວ ແລະ ເສຍ​ເວ​ລາ​ນັ່ງ​ອ່ານ​ເນື້ອ​ໃນ​ບົດ​ຮຽນ​ຊ້ຳ​ອີກ​ຮອບ.
  • ວາງ​ແຜນ​ໃຫ້​ດີ : ສຳ​ລັບ​ນ້ອງ​ນັກ​ຮຽນ​ທີ່​ມີ​ວຽກ​ບ້ານ​ຫລາກ​ຫລາຍ​ວິ​ຊາ​ທີ່​ໄດ້​ຮັບ​ມາ​ໃນ​ມື້​ດຽວ​ກັນ ລອງວາງ​ແຜນ​ໃຫ້​ດີ​ກ່ອນ​ວ່າ​ວຽກ​ບ້ານ​ໃດ​ມີ​ກຳ​ນົດ​ສົ່ງ​ກ່ອນ​ກຳ​ນົດ​ສົ່ງ​ພາຍ​ຫລັງ​ໄດ້ ໃຫ້​ເລືອກ​ເຮັດ​ວຽກ​ບ້ານ​ທີ່​ມີ​ກຳ​ນົດ​ສົ່ງ​ກ່ອນ​ໄປ​ກ່ອນ ລຽງ​ຕາມ​ລຳ​ດັບ​ໄປ​ຈົນ​ເຖິງວຽກ​ບ້ານ​ທີ່​ມີ​ກຳ​ນົດ​ສົ່ງ​ພາຍ​ຫລັງ​ໄດ້ ໂດຍ​ອາ​ດ​ຈະ​ເຮັດ​ບັນ​ທຶກ​ໄວ້​ໃນ​ໂທ​ລະ​ສັບ ຫລື ໃນ​ປື້​ມ​ບັນ​ທຶກ​ແຜນ​ການ​ສົ່ງ​ວຽກ​ບ້ານກໍ​ໄດ້.
  • ມີ​ແຮງ​ກະ​ຕຸ້ນ​ໃຫ້​ເຮັດ​ວຽກ​ບ້ານ : ລອງວາງ​ແຜນ​ວ່າ​ຖ້າ​ເຮັດ​ວຽກ​ບ້ານ​ແລ້ວ​ໃນ​ແຕ່​ລະ​ວິ​ຊາ ເຮົາ​ຈະ​ໃຫ້​ລາງວັນ​ຕົນ​ເອງ ເຊັ່ນ : ກິນ​ເຂົ້າ​ໜົມ​ໄດ້ ຫລື ເບິ່ງ​ກະ​ຕູນ, ຮູບ​ເງົາ​ໄດ້​ໜຶ່ງ​ຕອນ ເພື່ອ​ເປັນ​ແຮງ​ກະ​ຕຸ້ນ​ໃນ​ການ​ຢາກ​ທີ່​ຈະ​ເຮັດ​ວຽກ​ບ້ານ​ໃຫ້​ແລ້ວ​ໄວໆ ເພື່ອ​ຈະ​ໄດ້​ເຮັດ​ໃນ​ສິ່ງ​ທີ່​ມັກ ກໍ​ຖື​ວ່າ​ເປັນ​ໄອ​ເດຍ​ທີ່​ດີ​ຄື​ກັນ ແຕ່​ຢ່າ​ກິນ​ເພີນ ຫລື ເບິ່ງ​ເພີນ​ຈົນ​ລືມ​ເຮັດ​ວິ​ຊາ​ຕໍ່​ໄປ​ກໍ​ພໍ.
  • ເຮັດ​ໃຫ້​ເປັນ​ເລື່ອງ​ປົກ​ກະ​ຕິ : ເອົາ​ຄຳ​ແນະ​ນຳ​ຂອງ​ພວກ​ເຮົາ​ໄປ​ໃຊ້​ໃນ​ຊີ​ວິດ​ປະ​ຈຳ​ວັນ​ໃນ​ການ​ເຮັດ​ວຽກ​ບ້ານ ຫລື ການ​ເຮັດ​ວຽກ​ໃນ​ທຸກໆ​ມື້ ມັນ​ກໍ​ຈະ​ຊ່ວຍ​ຝຶກ​ນິ​ໄສ​ໃຫ້​ເຮົາ​ເປັນ​ຄົນ​ທີ່​ຫ້າວ​ຫັນ ເຮັດ​ວຽກ​ທີ່​ໄດ້​ຮັບ​ມອບ​ໝາຍ​ມາ​ໄດ້​ຢ່າງວ່ອງ​ໄວ, ບໍ່​ດອງວຽກ ນອກ​ຈາກ​ຈະ​ເຮັດ​ໃຫ້ເຮົາ​ສາ​ມາດ​ສະ​ສາງວຽກ​ຕົນ​ເອງ​ໄດ້​ຢ່າງ​ດີ​ແລ້ວ ຍັງ​ເຮັດ​ໃຫ້​ຊີ​ວິດ​ຂອງ​ເຮົາ​ມີ​ລະ​ບຽບ​ຫລາຍ​ຂຶ້ນ​ນຳ​ອີກ.
ເຄັດ​ລັບ​ຮັບ​ມື​ກັບ​ວຽກ​ບ້ານກອງ​ໃຫຍ່​ຈາກ​ຄູ​ອາ​ຈານ - WhatsApp Image 2020 05 27 at 5 - ເຄັດ​ລັບ​ຮັບ​ມື​ກັບ​ວຽກ​ບ້ານກອງ​ໃຫຍ່​ຈາກ​ຄູ​ອາ​ຈານ
ເຄັດ​ລັບ​ຮັບ​ມື​ກັບ​ວຽກ​ບ້ານກອງ​ໃຫຍ່​ຈາກ​ຄູ​ອາ​ຈານ - WhatsApp Image 2020 05 27 at 5 - ເຄັດ​ລັບ​ຮັບ​ມື​ກັບ​ວຽກ​ບ້ານກອງ​ໃຫຍ່​ຈາກ​ຄູ​ອາ​ຈານ
ເຄັດ​ລັບ​ຮັບ​ມື​ກັບ​ວຽກ​ບ້ານກອງ​ໃຫຍ່​ຈາກ​ຄູ​ອາ​ຈານ - Wave100S AD to Website 2020 0 - ເຄັດ​ລັບ​ຮັບ​ມື​ກັບ​ວຽກ​ບ້ານກອງ​ໃຫຍ່​ຈາກ​ຄູ​ອາ​ຈານ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!