ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ

ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ - 16 n - ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ
ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ - Untitled design - ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ

ວັນທີ 5 ມີນາ ຜ່ານມາ, ເຈົ້າໜ້າທີ່ພະແນກຕຳຫລວດສືບສວນ-ສອບສວນ ປກສ ແຂວງຈຳປາສັກ ໄດ້ຮັບແຈ້ງຄວາມຈາກ ນາງ ວາດສະໜາ ອາຍຸ 31 ບ້ານລົມສັກໃຕ້ ເມືອງບາຈຽງ ແຂວງຈຳປາສັກ ວ່າ: ໃນເວລາປະມານ 8:00 ໂມງ ຂອງວັນທີ 4 ມີນາຜ່ານມາ, ທ້າວ ພອນປະເສີດ ຫລື ຈ໋ອງ ອາຍຸ 26 ປີ ບ້ານໂຊກອໍານວຍ ນະຄອນປາກເຊ ໄດ້ມາຢືມລົດຈັກ ແລະ ບໍ່ເອົາລົດມາສົ່ງຄືນ, ຈາກການຕິດຕາມຊອກຫາເປົ້າໝາຍ ເປັນເວລາ 3 ວັນ ກໍສາມາດກັກຕົວຜູ້ກ່ຽວໄດ້ ພ້ອມລົດຈັກ ຈຳນວນ 3 ຄັນ ໄປດຳເນີນຄະດີຂໍ້ຫາສໍ້ໂກງຊັບພົນລະເມືອງ.

ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ - 1623 300x200 - ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ

ຜ່ານການສອບສວນ ທ້າວ ພອນປະເສີດ ຮັບສາລະພາບວ່າ: ໄດ້ເຄື່ອນໄຫວສໍ້ໂກງຊັບພົນລະເມືອງ ມາແລ້ວ 3 ຄັ້ງ ຄື: ໃນເດືອນກຸມພາ 2021, ຜູ້ກ່ຽວໄດ້ໄປເຮັດວຽກຢູ່ໂຮງງານແກັດ ຕັ້ງຢູ່ບ້ານຫລັກ 14 ເມືອງບາຈຽງ ມາຮອດວັນທີ 4 ມີນາ 2021, ກໍໄດ້ໄປຕົວະຢືມລົດຈັກເວບຮ້ອຍ ສີຟ້າດຳ ປ້າຍທະບຽນ ຈພ 0622 ຈຳປາສັກ ນຳນາງ ວາດສະໜາ ບ້ານລົມສັກໃຕ້ ເມືອງບາຈຽງ. ຫລັງຈາກຢືມລົດໄດ້ແລ້ວ ກໍເອົາລົດຄັນດັ່ງກ່າວ ໄປຂາຍໄດ້ເງິນ 1.200.000 ກີບ; ຕົກມາຮອດວັນທີ 5 ມີນາ 2021, ໄດ້ໄປຕົວະຢືມລົດຈັກຮອນດາເວບຮ້ອຍ ສີຟ້າດຳ ປ້າຍທະບຽນ ຈມ 2729 ຈຳປາສັກ ນໍາ ນາງ ວາດ ອາຍຸ 39 ປີ ບ້ານຫ້ວຍໂດນ ເມືອງໂພນທອງ ເອົາໄປຂາຍໄດ້ເງິນ 1.700.000 ກີບ ແລະ ມື້ຕໍ່ມາ, ໄດ້ຕົວະຢືມລົດຈັກຮອນດາເວບ ສີຟ້າ ປ້າຍທະບຽນ ປກສ 0181 ນຳນາງ ວຽງສະຫວັນ ອາຍຸ 54 ປີ ບ້ານທ່າຫລວງ ນະຄອນປາກເຊ ເພື່ອຈະເອົາລົດໄປຂາຍ.

ມາຮອດວັນທີ 7 ມີນາ 2021, ກໍຖືກເຈົ້າໜ້າທີ່ ປກສ ກັກຕົວໄປດຳເນີນຄະດີຕາມກົດໝາຍ; ສ່ວນ ລົດຈັກທັງ 3 ຄັນ ແມ່ນເກັບກູ້ຄືນມາໄດ້ ແລະ ໄດ້ ມອບຄືນໃຫ້ເຈົ້າຂອງເດີມ ໃນວັນທີ 10 ມີນາ ຜ່ານມາ.

ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ - Wave100S AD to Website 2020 0 - ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ

 

ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ - WhatsApp Image 2020 05 27 at 5 - ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ
ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ - WhatsApp Image 2020 05 27 at 5 - ຕົວະຢືມລົດແລ້ວນຳໄປຂາຍສຸດທ້າຍໜີບໍ່ລອດ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!