ຫາລືແກ້ໄຂການຜະລິດກາປະທັບຜິດກົດໝາຍ

- discussion1 - ຫາລືແກ້ໄຂການຜະລິດກາປະທັບຜິດກົດໝາຍ
- AGL banner - ຫາລືແກ້ໄຂການຜະລິດກາປະທັບຜິດກົດໝາຍ

ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານກະຊວງປ້ອງກັນຄວາມສະຫງົບ, ໄດ້ຈັດກອງປະຊຸມປຶກສາຫາລືແຜນລົງກວດກາການນຳໃຊ້ກາປະທັບຂອງຫົວໜ່ວຍທຸລະກິດ ແລະ ແກ້ໄຂບັນດາຫ້າງຮ້ານຜະລິດກາປະທັບຜິດລະບຽບກົດໝາຍໃນນະຄອນຫລວງວຽງຈັນ, ພາຍຫລັງເຫັນວ່າບັນຫາດັ່ງກ່າວແມ່ນ ໜໍ່ແໜງໜຶ່ງທີ່ພາໃຫ້ສັງຄົມບໍ່ມີຄວາມເປັນລະບຽບຮຽບຮ້ອຍ ແລະ ສ້າງຄວາມເສຍຫາຍໃຫ້ແກ່ພາກລັດ ແລະ ເອກະຊົນຢ່າງຫລວງລາຍ. ກອງປະຊຸມໄດ້ ແຕ່ງຕັ້ງຄະນະຮັບຜິດຊອບກວດກາ, ປະສານສົມທົບກັບບັນດາກົມກອງກ່ຽວຂ້ອງອ້ອມຂ້າງກະຊວງ ແລະ ບັນດາຂະແໜງການຢູ່ແຕ່ລະທ້ອງຖິ່ນ ເປັນຕົ້ນ:ກອງບັນຊາການ ປກສ ນະຄອນຫລວງ ແລະ ບັນດາກອງບັນຊາການ ປກສ ເມືອງ ເພື່ອລົງກວດກາເກັບກຳຂໍ້ມູນ ແລະ ມີວິທີການແກ້ໄຂທີ່ສອດຄ່ອງ ເພື່ອຮັບປະກັນຄວາມເປັນລະບຽບຮຽບຮ້ອຍ, ສະກັດກັ້ນການປອມແປງເອກະສານ ຫລື ໜ່ວຍກາປະທັບທີ່ເຄື່ອນໄຫວບໍ່ຖືກຕ້ອງຂອງພາກສ່ວນຕ່າງໆ ທັງອົງການຈັດຕັ້ງພາກລັດ ແລະ ຫົວໜ່ວຍທຸລະກິດເອກະຊົນ ຮັບປະກັນໃຫ້ບຸກຄົນ, ນິຕິບຸກຄົນທີ່ປະກອບອາຊີບພິເສດໃຫ້ດຳເນີນໄປດ້ວຍຄວາມເປັນລະບຽບຮຽບຮ້ອຍຖືກຕ້ອງຕາມຫລັກການ ແລະ ລະບຽບກົດໝາຍ.

ກອງປະຊຸມດັ່ງກ່າວມີຂຶ້ນໃນວັນທີ 11 ກໍລະກົດນີ້, ໂດຍການເປັນປະທານຂອງທ່ານພົນຈັດຕະວາ ຄຳສາຍ ຈັນທະວົງ ຫົວໜ້າກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານກະຊວງປ້ອງກັນຄວາມສະຫງົບ.

- Wave100S AD to Website 2020 0 - ຫາລືແກ້ໄຂການຜະລິດກາປະທັບຜິດກົດໝາຍ
- WhatsApp Image 2020 05 27 at 5 - ຫາລືແກ້ໄຂການຜະລິດກາປະທັບຜິດກົດໝາຍ
- WhatsApp Image 2020 05 27 at 5 - ຫາລືແກ້ໄຂການຜະລິດກາປະທັບຜິດກົດໝາຍ
- WhatsApp Image 2020 05 27 at 5 - ຫາລືແກ້ໄຂການຜະລິດກາປະທັບຜິດກົດໝາຍ
- WhatsApp Image 2020 05 27 at 5 - ຫາລືແກ້ໄຂການຜະລິດກາປະທັບຜິດກົດໝາຍ
error: Alert: Content is protected !!