ປິດການແລ່ນເຮືອຜ່ານຄອງສຸເອສຊົ່ວຄາວ ຫລັງເຮືອສິນຄ້າໃຫຍ່ຈອດກີດຂວາງ

ປິດການແລ່ນເຮືອຜ່ານຄອງສຸເອສຊົ່ວຄາວ ຫລັງເຮືອສິນຄ້າໃຫຍ່ຈອດກີດຂວາງ - 117711565 5e612d25 e9c3 43de bab1 424e455e7d74 - ປິດການແລ່ນເຮືອຜ່ານຄອງສຸເອສຊົ່ວຄາວ ຫລັງເຮືອສິນຄ້າໃຫຍ່ຈອດກີດຂວາງ
ປິດການແລ່ນເຮືອຜ່ານຄອງສຸເອສຊົ່ວຄາວ ຫລັງເຮືອສິນຄ້າໃຫຍ່ຈອດກີດຂວາງ - Untitled design - ປິດການແລ່ນເຮືອຜ່ານຄອງສຸເອສຊົ່ວຄາວ ຫລັງເຮືອສິນຄ້າໃຫຍ່ຈອດກີດຂວາງ

ຄອງ​ສຸ​ເອສ​ໃນ​ອີ​ຢິບ ​ເຊິ່ງ​ເຊື່ອມ​ລະຫວ່າງລະຫວ່າງ​ທະ​ເລ​ແດງ​ກັບ​ທະ​ເລ​ເມ​ດິ​ເຕ​ເຣນຽນ ​ແລະ ​ໃຊ້​ແລ່ນ​ເຮືອ​ສິນຄ້າ​ມາ​ນັບ​ຮ້ອຍ​ປີ ອາດ​ຖືກ​ປິດ​ການ​ຈະລາຈອນ​ທາງນ້ຳຫລາຍ​ອາທິດ ຫລັງ​ເຮືອ​ຂົນ​ສົ່ງ​ສິນຄ້າ​ຂະໜາດ​ໃຫຍ່ Ever Given ຂອງ​ບໍລິສັດ Shoei kisen Kaisha ຂອງ​ຍີ່ປຸ່ນ ຈອດ​ຂວາງ​ຢູ່​ ເຊິ່ງຄາດ​ວ່າ​ອາດ​ໃຊ້​ເວລາ​ກູ້​ຫລາຍ​ອາທິດ ​ໂດຍ​ລາຍ​ງານ​ລະບຸ​ວ່າ: ການ​ປິດ​ຄອງ​ສຸ​ເອສຄັ້ງນີ້​ອາດ​ກະທົບ​ການ​ຂົນ​ສົ່ງ​ສິນຄ້າ​ມູນ​ຄ່າ 10.000 ລ້ານ​ໂດ​ລາ​ສະຫະລັດ​ຕໍ່​ວັນ.

​ເຮືອ Ever Given ​ເຊິ່ງປັກ​ທຸງ​ສັນຊາດ​ປາ​ນາມາ ມີນ້ຳໜັກ 224.000 ​ໂຕນ​ ​ແລະ ມີ​ຂະໜາດ​ກວ້າງ 59 ​ແມັດ ​ເຊິ່ງສື່​ບາງ​ສຳນັກ​ນຳ​ໄປ​ປຽບທຽບ​ວ່າ​ໃຫຍ່​ກວ່າ​ຕຶກ​ເອັມ​ໄພຣ​ເຕດ​ໃນ​ນິວຢອກ ​ເຊິ່ງສາ​ເຫດ​ທີ່​ເກີດ​ເຫດການ​ບໍ່​ຄາດ​ຝັນ​ນີ້​ຂຶ້ນນັ້ນ ທາງ​ການ​ອີ​ຢິບ​ທີ່​ເບິ່ງ​ແຍງ​ຄອງ​ສຸ​ເອສ​ເປີດ​ເຜີຍ​ໃນ​ວັນ​ທີ 24 ມີນາ​ວ່າ: ​ເປັນ​ເພາະ​ລົມ​ທີ່​ພັດ​ແຮງ ບວກ​ກັບ​ພາຍຸ​ຂີ້​ຊາຍ​ທີ່​ເຮັດ​ໃຫ້​ການ​ແນມ​ເຫັນ​ຕໍ່າ.

​ຜົນ​ຈາກ​ການ​ປິດ​ເສັ້ນທາງ​ຈະລາຈອນ​ທາງນ້ຳ​ໃນ​ຄອງ​ສຸ​ເອສ ​ເຮັດ​ໃຫ້​ຫລາຍ​ບໍລິສັດ​ພິຈາລະນາ​ປ່ຽນ​ເສັ້ນທາງ​ການ​ຂົນ​ສົ່ງ​ສິນຄ້າ ​ໂດຍ​ອາດ​ໃຫ້​ອ້ອມ​ປາຍ​ສຸດ​ຂອງ​ແອ​ຟຣິກາ​ແທນ ​ເຊິ່ງ​ເປັນ​ເສັ້ນທາງ​ທີ່​ໄກ​ກວ່າ ​ແລະ ກະທົບ​ເຄືອ​ຂ່າຍ​ຊັບ​ພາຍ​ເຊັນ​ທົ່ວ​ໂລກ.

ສຳລັບ​ຄອງ​ສຸ​ເອສມີ​ຄວາມ​ກວ້າງ 91,44 ​ແມັດ, ຍາວ 193,3 ກິ​ໂລ​ແມັດ ​ໃຊ້​ເວລາ​ຂຸດ 10 ປີ ​ແລະ ຂຸດ​ສຳ​ເລັດ​ເມື່ອ​ປີ 1869 ປັດຈຸບັນ​ມີ​ເຮືອ​ສັນຈອນ​ມື້ລະ 50 ກວ່າ​ລຳ ​ໃຊ້​ຂົນ​ສົ່ງ​ນ້ຳມັນ 1,9 ລ້ານ​ບາ​ເຣລຕໍ່​ວັນ ​ແລະ ສິນຄ້າ 544 ລ້ານ​ກິ​ໂລກຣາມຕໍ່​ວັນ.

ອ້າງ​ອີງ:

ປິດການແລ່ນເຮືອຜ່ານຄອງສຸເອສຊົ່ວຄາວ ຫລັງເຮືອສິນຄ້າໃຫຍ່ຈອດກີດຂວາງ - Wave100S AD to Website 2020 0 - ປິດການແລ່ນເຮືອຜ່ານຄອງສຸເອສຊົ່ວຄາວ ຫລັງເຮືອສິນຄ້າໃຫຍ່ຈອດກີດຂວາງ

https://www.channelnewsasia.com/…/suez-canal-ever-given…

https://www.foxbusiness.com/markets/suez-canal-blocked-weeks

https://edition.cnn.com/…/suez-canal…/index.html

ປິດການແລ່ນເຮືອຜ່ານຄອງສຸເອສຊົ່ວຄາວ ຫລັງເຮືອສິນຄ້າໃຫຍ່ຈອດກີດຂວາງ - WhatsApp Image 2020 05 27 at 5 - ປິດການແລ່ນເຮືອຜ່ານຄອງສຸເອສຊົ່ວຄາວ ຫລັງເຮືອສິນຄ້າໃຫຍ່ຈອດກີດຂວາງ
ປິດການແລ່ນເຮືອຜ່ານຄອງສຸເອສຊົ່ວຄາວ ຫລັງເຮືອສິນຄ້າໃຫຍ່ຈອດກີດຂວາງ - WhatsApp Image 2020 05 27 at 5 - ປິດການແລ່ນເຮືອຜ່ານຄອງສຸເອສຊົ່ວຄາວ ຫລັງເຮືອສິນຄ້າໃຫຍ່ຈອດກີດຂວາງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!