ຈີນອະນຸມັດທົດລອງທາງຄລີນິກ ວັກຊີນປ້ອງກັນໂຄວິດ-19 ຊະນິດດົມ
ວັນທີ 26 ມີນາ, ສຳນັກຂ່າວ AFP ລາຍງານວ່າ: ໜ່ວຍງານຄວບຄຸມຢາຂອງຈີນອະນຸມັດການທົດລອງທາງຄລີນິກແກ່ວັກຊີນປ້ອງກັນໂຄວິດ-19 ຊະນິດດົມ ເຊິ່ງພັດທະນາຮ່ວມໂດຍ CanSino Biologics ບໍລິສັດການຢາ ແລະ ຜູ້ພັດທະນາວັກຊີນຂອງຈີນ.
ບໍລິສັດ CanSino Biologics ເປີດເຜີຍໃນລາຍງານທີ່ຍື່ນຕໍ່ຕະຫລາດຫລັກຊັບຮົງກົງ ເມື່ອວັນທີ 23 ມີນາຜ່ານມາວ່າ: ສຳນັກບໍລິຫານການຢາແຫ່ງຊາດຈີນ (NMPA) ໄດ້ອະນຸມັດການທົດລອງທາງຄລີນິກຂອງວັກຊີນດັ່ງກ່າວ ເຊິ່ງເປັນຝີມືການພັດທະນາຂອງ CanSino ແລະ ສະຖາບັນເຕັກໂນໂລຊີຊີວະພາບປັກກິ່ງ ເມື່ອວັນທີ 22 ມີນາຜ່ານມາ. ຂະນະດຽວກັນ ບໍລິສັດ CanSino Biologics ລະບຸວ່າ: ຄວາມປອດໄພ ແລະ ປະສິດທິພາບຂອງວັກຊີນຊະນິດສູດດົມຍັງ “ຢູ່ລະຫວ່າງການກວດສອບຢືນຢັນ”.
ທັງນີ້, ສຳນັກບໍລິຫານການຢາແຫ່ງຊາດຈີນ ອະນຸມັດການນຳໃຊ້ວັກຊີນປ້ອງກັນໂຄວິດ-19 ຊະນິດປະສົມທີ່ຜະລິດໂດຍ CanSino ໃນເດືອນກຸມພາຜ່ານມາ ໂດຍຖືເປັນວັກຊີນຊະນິດໃຊ້ໄວຣັສອະດີໂນເປັນຕົວນຳພາຊະນິດທຳອິດທີ່ໄດ້ຮັບການອະນຸມັດ.
ຄະນະກຳມະການສຸພາບແຫ່ງຊາດຈີນ (NHC) ເປີດເຜີຍວ່າ: ຈີນດຳເນີນການສັກວັກຊີນປ້ອງກັນໂຄວິດ-19 ໃຫ້ປະຊາຊົນທົ່ວປະເທດຫລາຍກວ່າ 85,85 ລ້ານໂດສແລ້ວ ເມື່ອນັບຮອດວັນທີ 24 ມີນາຜ່ານມາ.
ອ້າງອີງ:
ສຳນັກຂ່າວຊິນຮົວ
