ຊົມ​ເຊີຍ​ການ​ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ໃຈ

ຊົມ​ເຊີຍ​ການ​ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ໃຈ - 164513487 1588284618041979 5222260483644757164 o - ຊົມ​ເຊີຍ​ການ​ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ໃຈ
ຊົມ​ເຊີຍ​ການ​ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ໃຈ - Untitled design - ຊົມ​ເຊີຍ​ການ​ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ໃຈ

ໂດຍ: ທິດ​ກໍ່າ

ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງທີ XI ຂອງ​ພັກປະຊາຊົນ​ປະຕິວັດ​ລາວ ໃນມັງກອນ 2021 ​ໄດ້​ສິ້ນສຸດ​ລົງ​ດ້ວຍ​ຜົນສຳ​ເລັດ​ທຸກ​ປະການ. ​ໃນ​ກອງ​ປະຊຸມ ສະຫາຍ ທອງ​ລຸນ ສີ​ສຸ​ລິດ ຖືກເລືອກຕັ້ງ​ເປັນ​ເລຂາທິການ​ໃຫຍ່​ຂອງ​ພັກ​ປະຊາຊົນ​ປະຕິວັດ​ລາວ ສະ​ໄໝ​ທີ XI ຢ່າງ​ເປັນ​ເອກະສັນ. ນອກຈາກ​ນັ້ນ ກໍ​ໄດ້​ຄັດ​ເລືອກ​ເອົາ​ກົມ​ການ​ເມືອງ​ສູນ​ກາງ​ພັກ ຈຳນວນ 13 ສະຫາຍ, ຍິງ 2 ສະຫາຍ, ກຳມະການ​ສູນ​ກາງ​ພັກ 71 ສະຫາຍ, ຍິງ 12 ສະຫາຍ ​ແລະ ກຳມະການ​ສຳຮອງ​ສູນ​ກາງ​ພັກ 10 ສະຫາຍ, ຍິງ 2 ສະຫາຍ.

ຕໍ່​ມາ​ໃນ​ວັນ​ທີ 22 ມີນາ 2021 ທີ່​ຜ່ານ​ມາ, ກອງ​ປະຊຸມ​ຄັ້ງປະຖົມ​ມະ​ລືກ​ຂອງ​ສະພາ​ແຫ່ງ​ຊາດ ຊຸດ​ທີ IX ກໍ​ໄດ້​ໄຂ​ຂຶ້ນຢ່າງ​ເປັນ​ທາງ​ການ ​ແລະ ກອງ​ປະຊຸມ​ຄັ້ງນີ້​ກໍ​ໄດ້​ດຳ​ເນີນ​ໄປ​ເປັນ​ເວລາ 5 ວັນ​ຈົນ​ຮອດ​ວັນ​ທີ 26 ມີນາ 2021 ຈຶ່ງ​ໄດ້​ປິດ​ລົງ​ຢ່າງ​ເປັນ​ທາງ​ການ. ​ໃນ​ກອງ​ປະຊຸມ​ຄັ້ງນີ້ ກ່ອນ​ອື່ນ​ແມ່ນ​ໄດ້​ແຕ່ງຕັ້ງບຸກຄະລາ​ກອນ​ການ​ນຳ​ຂັ້ນສູງ​ສຸດ​ຂອງ​ປະ​ເທດ​ຫລາຍ​ທ່ານ​ຕາມ​ໂຄງ​ປະກອບ​ຂອງ​ສະພາ ​ແລະ ຂອງ​ລັດຖະບານ ຊຸດ​ທີ IX ​ເປັນຕົ້ນຜູ້​ທີ່​ເປັນ​ປະທານ​ປະ​ເທດ​ເຮົາ​ຄົນ​ໃໝ່​ກໍ​ແມ່ນທ່ານ ທອງ​ລຸນ ສີ​ສຸ​ລິດ, ຮອງ​ປະທານ​ປະ​ເທດ​ກໍ​ໄດ້​ແກ່​ທ່ານ ນາງ ປານີ ຢາ​ທໍ່​ຕູ້ ​ແລະ ທ່ານ ບຸນ​ທອງ ຈິດ​ມະນີ. ສ່ວນ​ປະທານ​ສະພານັ້ນກໍ​ໄດ້​ແກ່​ທ່ານ ​ໄຊ​ສົມ​ພອນ ພົມວິຫານ, ຕິດຕາມ​ດ້ວຍ​ຮອງ​ປະທານ​ສະພາ 5 ທ່ານ​ຄື: ທ່ານ ນາງ ສູນ​ທອນ ​ໄຊ​ຍະ​ຈັກ, ທ່ານ ຈະ​ເລີຍ ​ເຢຍປາວ​ເຮີ, ທ່ານ ຄຳ​ໃບ ດຳລັດ, ທ່ານ ສົມ​ມາດ ພົນ​ເສນາ ​ແລະ ທ່ານ ພົນ​ໂທ ສຸ​ວອນ ​ເລືອ​ງບຸນ​ມີ. ນອກຈາກ​ນັ້ນ​ແລ້ວ ທີ່​ປະຊຸມ​ສະພາ​ຍັງ​ໄດ້​ເປັນ​ເອກະສັນ​ເລືອກ​ເອົາ​ທ່ານ ພັນ​ຄຳ ວິພາ​ວັນ ​ເປັນ​ນາຍົກລັດຖະມົນຕີ ​ແລະ ອີກ 3 ທ່ານ​ເປັນ​ຮອງ​ນາຍົກລັດຖະມົນຕີຄື: ທ່ານ ພົນ​ໂທ ຈັນ​ສະໝອນ ຈັນຍາ​ລາດ, ທ່ານ ສອນ​ໄຊ ສີ​ພັນ​ດອນ ​ແລະ ທ່ານ ກິ​ແກ້ວ ​ໄຂ​ຄຳ​ພິທູນ. ທີ່​ປະຊຸມ​ຍັງ​ໄດ້​ເລືອ​ກ​ເອົາ​ທ່ານ ​ໄຊຊະນະ ​ໂຄດ​ພູທອນ ​ເປັນ​ຫົວໜ້າ​ໄອ​ຍະ​ການ​ສູງ​ສຸດ, ​ເລືອ​ກ​ເອົາ​ທ່ານ ນາງ ວຽງທອງ ສີ​ພັນ​ດອນ ​ເປັນ​ປະທານ​ສານ​ປະຊາຊົນ​ສູງ​ສຸດ, ​ເລືອກ​ເອົາ​ທ່ານ ມະ​ໄລ​ທອງ ກົມມະ​ສິດ ​ເປັນ​ປະທານ​ກວດ​ສອບ​ແຫ່ງ​ລັດ ​ແລະ ​ເລືອກ​ເອົາ​ທ່ານ ຄຳ​ພັນ ພົມ​ມະ​ທັດ ​ເປັນ​ປະທານ​ອົງການ​ກວດ​ສອບ​ແຫ່ງ​ລັດ.

​ແນວ​ໃດ​ກໍ​ດີ, ​ເມື່ອ​ເບິ່ງ​ພາບລວມ​ແລ້ວ​ເຫັນ​ວ່າ​ໃນ​ບັນດາ​ທ່ານ​ຜູ້ນຳ​ຂັ້ນສູງ​ສຸດ​ຂອງ​ພັກ ຊຸດ​ທີ XI ​ແລະ ຂອງ​ລັດຖະບານ​ຊຸດ​ທີ IX ​ແມ່ນ​ລ້ວນ​ແລ້ວ​ແຕ່​ເປັນ​ຄົນ​ທີ່​ມີ​ແປວ​ໄຟ​ແຫ່ງ​ອຸດົມ​ການ​ປະຕິວັດ​ມາ​ຢ່າງ​ໂຊກ​ໂຊນ​ໂດດ​ເດັ່ນ ​ແລະ ຍາວ​ນານ, ​ເປັນ​ປັນຍາ​ຊົນ, ມີ​ວິ​ໄສ​ທັດ​ອັນ​ກ້າວ​ໄກ​ທີ່​ຈະ​ຮັບ​ໃຊ້​ຊາດ​ຮັບ​ໃຊ້​ປະຊາຊົນ​ສືບ​ຕໍ່​ໄປ​ພາຍ​ໜ້າ ​ໂດຍ​ສະ​ເພາະ​ແມ່ນ​ໃນ​ຊ່ວງ​ໄລຍະ 5 ປີ​ຂ້າງ​ໜ້າ (2021-2025). ອັນ​ສຳຄັນ​ທີ່​ສຸດ ຜ່ານ​ການ​ຕິດຕາມ​ຄວາມ​ຄິດ​ເຫັນ​ຈາກ​ມະຫາຊົນ ​ແລະ ປະຊາຊົນ​ບັນດາ​ເຜົ່າ​ແມ່ນ​ລ້ວນ​ແລ້ວ​ແຕ່​ໄດ້​ຮັບ​ສຽງ​ສະໜັບສະໜູນ​ຊົມ​ເຊີຍ​ຈົນ​ເຂົາ​ເຈົ້າຮຽກ​ສາຍາ​ນາມ​ບາງ​ທ່ານ​ວ່າ​ເປັນ​ຜູ້ນຳ​ຂວັນ​ໃຈ​ຂອງ​ປະຊາຊົນ​ຢ່າງ​ແທ້​ຈິງ.

ຊົມ​ເຊີຍ​ການ​ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ໃຈ - Wave100S AD to Website 2020 0 - ຊົມ​ເຊີຍ​ການ​ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ໃຈ

​ໃນ​ໂອກາດ​ວັນ​ສ້າງຕັ້ງພັກ​ປະຊາຊົນ​ປະຕິວັດ​ລາວ ວັນ​ທີ 22 ມີນາ 2021, ສະຫາຍ ​ເລຂາທິການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ​ປະຊາຊົນ​ປະຕິວັດ​ລາວ ທອງ​ລຸນ ສີ​ສຸ​ລິດ ​ໄດ້​ມີ​ຄຳ​ເຫັນ​ບາງ​ຕອນ​ວ່າ: “ພັກ​ປະຊາຊົນ​ປະຕິວັດ​ລາວ​ເປັນ​ພັກ​ກຳ​ອຳນາດ​ມາ​ຢ່າງ​ຍາວ​ນານ ຍ້ອນ​ວ່າ​ເປັນ​ພັກ​ທີ່​ມາ​ຈາກ​ປະຊາຊົນ ​ເພື່ອ​ປະຊາຊົນ ​ແລະ ຮັບ​ໃຊ້​ປະຊາຊົນ, ອັນ​ໃດ​ກີດຂວາງ, ບໍ່​ສອດຄ່ອງ​ກັບ​ຜົນ​ປະ​ໂຫຍ​ດຂອງ​ປະຊາຊົນ​ຕ້ອງ​ຕ້ານ ​ແລະ ກຳຈັດ​ອອກ​ຈາກ​ພັກ, ຕ້ອງ​ຖື​ເອົາ​ປະຊາຊົນ​ເປັນ​ກົກ, ​ເອົາ​ຊົນນະບົດ​ເປັນ​ເປົ້າໝາຍ” ​ເປັນ​ຈຸດໝາຍ​ປາຍທາງ​ຂອງ​ພັກ ​ແລະ ​ເປັນ​ນະ​ໂຍບາຍ​ໃນ​ການ​ສ້າງສາ​ພັດທະນາ​ປະ​ເທດ​ຊາດ​ໃຫ້​ມີ​ຄວາມ​ຈະ​ເລີ​ນຮຸ່ງ​ເຮືອງ​ຂຶ້ນ​ເລື້ອຍໆ. ຕໍ່​ຄຳ​ເຫັນ​ຂອງ​ທ່ານ ພັນ​ຄຳ ວິພາ​ວັນ ​ໃນ​ໂອກາດ​ຂຶ້ນຮັບໜ້າ​ທີ່​ເປັນ​ນາຍົກລັດຖະມົນຕີ ​ໃນ​ມື້ວັນ​ທີ 22 ມີນາ 2021 ທີ່​ຜ່ານ​ມາ​ວ່າ: “ຈະ​ສ້າງ​ລັດຖະບານ​ຊຸດ​ທີ IX ​ເປັນ​ລັດຖະບານ​ທີ່​ເວົ້​າ​ແທ້, ທຳ​ຈິງ, ດຸ​ໝັ່ນ, ຊື່ສັດ, ປະຢັດ, ອົດທົນ ​ແລະ ​ເພື່ອ​ປະຊາຊົນ”.

ນີ້​ແມ່ນ​ຄຳ​ເວົ້າທີ່​ເດັດ​ຂອງ​ຜູ້ນຳ​ພັກ-ລັດ​ຊຸດ​ໃໝ່​ທີ່​ຈະ​ນຳພາ​ປະ​ເທດ​ຊາດ ​ແລະ ປະຊາຊົນ​ບັນດາ​ເຜົ່າ​ກ້າວ​ສູ່​ຈຸດໝາຍ​ປາຍທາງ​ແຫ່ງ​ຄວາມ​ຈະ​ເລີ​ນ ​ແລະ ມັ່ງ​ຄັ່ງ​ຮັ່ງມີ​ໃນ​ອະນາຄົດ. ​ເພາະສະນັ້ນ ຈຶ່ງ​ຂໍ​ຊົມ​ເຊີຍ​ຜູ້ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ອົກ​ສຸດ​ໃຈ ​ແລະ ຂໍ​ໃຫ້​ພາລະກິດ​ຂອງ​ພັກ-ລັດຖະບານ​ຊຸດ​ໃໝ່​ຈົ່ງ​ມີ​ຜົນສຳ​ເລັດ​ຕາມ​ຄວາມ​ມຸ້ງ​ຫວັງ​ທຸກ​ປະການ.

ຊົມ​ເຊີຍ​ການ​ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ໃຈ - WhatsApp Image 2020 05 27 at 5 - ຊົມ​ເຊີຍ​ການ​ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ໃຈ
ຊົມ​ເຊີຍ​ການ​ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ໃຈ - WhatsApp Image 2020 05 27 at 5 - ຊົມ​ເຊີຍ​ການ​ນຳ​ພັກ-ລັດ​ຊຸດ​ໃໝ່​ຢ່າງ​ສຸດ​ໃຈ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!