ທຸກ​ການ​ນຳ​ຕ້ອງ​ເປັນ​ຕົວ​ແບບ​ຕ້ານ​ການ​ສໍ້​ລາດ​ບັງ​ຫລວງ

ທຸກ​ການ​ນຳ​ຕ້ອງ​ເປັນ​ຕົວ​ແບບ​ຕ້ານ​ການ​ສໍ້​ລາດ​ບັງ​ຫລວງ - IMG 20210325 215716 - ທຸກ​ການ​ນຳ​ຕ້ອງ​ເປັນ​ຕົວ​ແບບ​ຕ້ານ​ການ​ສໍ້​ລາດ​ບັງ​ຫລວງ
ທຸກ​ການ​ນຳ​ຕ້ອງ​ເປັນ​ຕົວ​ແບບ​ຕ້ານ​ການ​ສໍ້​ລາດ​ບັງ​ຫລວງ - Untitled design - ທຸກ​ການ​ນຳ​ຕ້ອງ​ເປັນ​ຕົວ​ແບບ​ຕ້ານ​ການ​ສໍ້​ລາດ​ບັງ​ຫລວງ

ໂດຍ: ທິດ​ກໍ່າ

​ໃນ​ວາລະ​ກອງ​ປະຊຸມ​ຄັ້ງປະຖົມ​ມະ​ລືກ​ຂອງ​ສະພາ​ແຫ່ງ​ຊາດ ຊຸດ​ທີ IX ທ່ານ ຄຳ​ພັນ ພົມ​ມະ​ທັດ ປະທານ​ກວດກາ​ແຫ່ງ​ລັດ ​ໄດ້​ລາຍ​ງານ​ຕໍ່​ທີ່​ປະຊຸມ​ວ່າ: ການຈັດຕັ້ງປະຕິບັດ​ແຜນການ​ເຄື່ອນ​ໄຫວ​ວຽກ​ງານ​ໃນ​ໄລຍະ 5 ປີຜ່ານມາ (2016-2020) ອົງການ​ກວດກາ​ແຫ່ງ​ລັດ​ໄດ້​ເອົາ​ໃຈ​ໃສ່​ຈັດຕັ້ງປະຕິບັດ​ພາລະ​ບົດບາດ, ສິດ, ໜ້າ​ທີ່​ການ​ປະຕິບັດ​ກົດໝາຍ, ຂໍ້​ກຳນົດ, ຄຳ​ສັ່ງ, ການ​ປະຕິບັດ​ແຜນ​ງົບປະມານ, ​ແຜນການ​ລົງທຶນ​ກໍ່ສ້າງ​ພື້ນຖານ​ໂຄງ​ລ່າງ, ການ​ຄຸ້ມ​ຄອງ​ນຳ​ໃຊ້​ຊັບ​ສິນ​ຂອງ​ລັດ ​ເຊິ່​ງ​ໃນ​ໄລຍະ 5 ປີຜ່ານມາ ສາມາດ​ກວດກາ​ໄດ້​ທັງ​ໝົດ 4.129 ​ເປົ້າໝາຍ, ​ໃນ​ນັ້ນ ຕິດຕາມ​ກວດກາ​ປົກກະຕິ 1.435 ​ເປົ້າໝາຍ, ກວດກາ​ຕາມ​ຄຳ​ສັ່ງ 1.014 ​ເປົ້າໝາຍ, ກວດກາ​ໂຄງການ​ລົງທຶນ​ຂອງ​ລັດ ​ເລີ່​ມ​ແຕ່​ຫົວທີ 535 ​ເປົ້າໝາຍ ​ແລະ ກວດກາ​ຕາມ​ຜົນ​ກວດ​ສອບ 1.145 ​ເປົ້າໝາຍ, ​ໄດ້​ເກັບ​ກຳ ​ແລະ ​ໄລ່​ລຽງ​ມູນ​ຄ່າ​ການ​ລົງທຶນ​ຂອງ​ລັດ​ຈຳນວນ 4.601 ​ໂຄງການ ​ໃນ​ນີ້​ກວດກາ​ສຳ​ເລັດ 692 ​ໂຄງການ, ກວດ​ເຫັນ​ຜົນ​ເສຍ​ຫາຍ 5.689,12 ຕື້ກີບ 31,77 ລ້ານ​ໂດ​ລາ​ສະຫະລັດ ​ແລະ 38,89 ລ້ານ​ບາດ.

ພ້ອມ​ກັນນັ້ນ, ຍັງ​ໄດ້​ກວດກາ​ການຈັດຕັ້ງປະຕິບັດ​ຄຳ​ສັ່ງ​ເລກທີ 15/ນຍ ພົບ​ເຫັນ​ຜູ້​ລະ​ເມີດ​ກົດໝາຍ 1.119 ຄົນ ​ໃນ​ນີ້​ມີ​ພະນັກງານ​ລັດ 127 ຄົນ, ຜູ້​ປະກອບ​ການ 246 ຄົນ, ​ໄດ້​ຮັບ​ຄຳ​ຮ້ອງ​ຄຳ​ສະ​ເໜີ 4.817 ສະບັບ, ​ແກ້​ໄຂ​ໄດ້ 1.524 ສະບັບ. ທັງ​ໝົດ​ທີ່​ກ່າວ​ມາ​ນີ້ ມັນ​ເປັນ​ການ​ປະກອບສ່ວນ​ຢ່າງ​ໃຫຍ່​ຫລວງ ​ແລະ ສຳຄັນ​ໃນ​ການ​ຄຸ້ມ​ຄອງ​ລັດ, ຄຸ້ມ​ຄອງ​ເສດຖະກິດ-ສັງຄົມ​ດ້ວຍ​ກົດໝາຍ ​​ເຮັດ​ໃຫ້​ບັນດາ​ປາກົດການ​ຫຍໍ້​ທໍ້​ໃນ​ກົງຈັກ​ລັດ​ໄດ້​ຮັບ​ການ​ແກ້​ໄຂ​ໃຫ້​ຫລຸດ​ໜ້ອຍ​ຖອຍ​ລົງ​ເທື່ອ​ລະ​ກ້າວ.

​ແຕ່​​ແນວ​ໃດ​ກໍ​ຕາມ, ​ເມື່ອ​ເຮົາ​ມາ​ເບິ່ງ​ສະພາບ​ຄວາມ​ເປັນ​ຈິງ​ໃນ​ການ​ກວດກາ​ແຕ່ລະ​ເປົ້າໝາຍ ສາ​ເຫດ​ທີ່​ພາ​ໃຫ້​ມີ​ການ​ສໍ້​ລາດ​ບັງ​ຫລວງ​ໃນ​ຖັນ​ແຖ​ວພະນັກງານ​ລັດ​ຢ່າງ​ແຜ່​ລາມ ລ້ວນ​ແລ້ວ​ແຕ່​ພົວພັນ​ເຖິງ​ຜູ້​ເປັນ​ເຈົ້າພະນັກງານ ຫລື ​ເວົ້າອີກ​ຢ່າງ​ໜຶ່ງ​ກໍ​ແມ່ນ​ຜູ້​ເປັນ​ຫົວໜ້າ, ຜູ້​ເປັນ​ນາຍ​ໃນ​ບັນດາ​ຂະ​ແໜງ​ການ​ນັ້ນໆ ຫລື ອົງຄະ​ນະ​ພັກ​ຢູ່​ບ່ອນ​ນັ້ນ​ເປັນ​ຜູ້​ພາ​ເຮັດ​ພາ​ໄປ. ສ່ວນ​ຮູບ​ການ ​ແລະ ວິທີ​ການ​ສໍ້​ລາດ​ບັງ​ຫລວງ​ນັ້ນ ກໍ​ຄົງ​ບໍ່​ໜີ​ມົ້ມຈາກ​ການ​ເອົາ​ຖານະ​ຕຳ​ແໜ່​ງຂອງ​ຕົນ​ໄປ​ສວຍ​ໃຊ້ ​ໂດຍ​ບໍ່​ຄຳ​ນຶງ​ເຖິງ​ລະບຽບ​ການ ​ແລະ ກົດໝາຍ​ຂອງ​ບ້ານ​ເມືອງ, ບໍ່​ເຫັນ​ຜົນ​ປະ​ໂຫຍ​ດຂອງ​ຊາດ ​ແລະ ຜົນ​ປະ​ໂຫຍ​ດຂອງ​ປະຊາຊົນ.

​ໃນ​ສະພາບ​ຫລາຍ​ປີຜ່ານມາ ກໍ​ຄື​ໃນ​ປັດຈຸບັນ, ບັນຫາ​ການ​ສໍ້​ລາດ​ບັງ​ຫລວງ​ດ້ວຍ​ວິທີ​ການ​ສວຍ​ໃຊ້​ຖານະ​ຕຳ​ແໜ່​ງ​ເປັນ​ຜູ້​ສັ່ງ​ການ ຫລື ນຳພາ​ໝູ່​ຄະນະ ​ແລະ ສັ່ງ​ຂັ້ນລຸ່ມ​ປະຕິບັດ​ຕາມ ​ເພື່ອ​ຜົນ​ປະ​ໂຫຍ​ດຂອງ​ຕົນ​ເອງ ​ແລະ ພວກ​ພ້ອງ​ແມ່ນ​ຍັງ​ມີ​ໃຫ້​ເຫັນ​ໃນ​ແຕ່ລະ​ປີ ຫລື ​ໃນ​ແຕ່ລະ​ໄລຍະ​ດັ່ງ​ເຮົາ​ເຫັນ​ເປັນ​ຕົວຢ່າງ​ໃນ​ບົດ​ສະຫລຸບ​ຜົນ​ການ​ກວດກາ​ຂອງ​ອົງການ​ກວດກາ​ແຫ່ງ​ລັດ​ໃນ​ໄລຍະ 5 ປີຜ່ານມາ (2016-2020) ​ແມ່ນ​ມີ​ເຖິງ 5.689 ກວ່າ​ຕື້ກີບ, 31,77 ລ້ານ​ໂດ​ລາ ​ແລະ 38,89 ລ້ານ​ບາດ.

ທຸກ​ການ​ນຳ​ຕ້ອງ​ເປັນ​ຕົວ​ແບບ​ຕ້ານ​ການ​ສໍ້​ລາດ​ບັງ​ຫລວງ - Wave100S AD to Website 2020 0 - ທຸກ​ການ​ນຳ​ຕ້ອງ​ເປັນ​ຕົວ​ແບບ​ຕ້ານ​ການ​ສໍ້​ລາດ​ບັງ​ຫລວງ

​ເມື່ອ​ຕັ້ງ​ໂຈດ​ກັນ​ວ່າ ​ເພື່ອ​ກຳຈັດ​ປັດ​ເປົ່າ​ບັນຫາ​ການ​ສໍ້​ລາດ​ບັງ​ຫລວງ​ໃນ​ຖັນ​ແຖວ​ພະນັກງານ​ລັດ​ໃຫ້​ໝົດ​ໄປ​ຈາກ​ສັງຄົມລາວ ພວກ​ເຮົາ​ຈະ​ແກ້​ໄຂ​ວິທີ​ໃດ ? ກ່ອນ​ອື່ນ​ໝົດ​ ທຸກ​ການ​ນຳ​ໃນ​ຂະ​ແໜງ​ການ, ກົມ​ກອງ​ຕ່າງໆ ນັບ​ແຕ່​ຂັ້ນສູນ​ກາງ​ລົງ​ຮອດ​ທ້ອງ​ຖິ່ນ​ຕ້ອງ​ເປັນ​ເຈົ້າການ ​ແລະ ​ເປັນ​ຕົວ​ແບບ​ໃນ​ການ​ຕ້ານ​ການ​ສໍ້​ລາດ​ບັງ​ຫລວງ​ຢ່າງ​ເດັດຂາດ​ຈິງ​ຈັງ ​ແລະ ​ແຂງ​ແຮງ ​ເພາະ​ຜູ້​ທີ່​ນຳພາ​ເຮັດ​ນຳພາ​ໄປ​ມັນ​ແມ່ນ​ກະ​ໂຕ​ເຈົ້າພະນັກງານ​ໃນ​ຂະ​ແໜງ​ການ ​ແລະ ກົມ​ກອງ​ນັ້ນໆ​ເອງ. ກົງກັນຂ້າມ ​ເມື່ອ​ໃດ​ເຈົ້າພະນັກງານ ຫລື ອົງການ​ນຳ​ຢູ່​ບ່ອນ​ນັ້ນຍັງ​ບໍ່​ເປັນ​ຕົວ​ແບບ, ຍັງ​ຄິດ​ເຫັນ​ແຕ່​ຜົນ​ປະ​ໂຫຍ​ດສ່ວນ​ຕົວ​ເປັນ​ທີ່​ຕັ້ງ ບັນຫາ​ການ​ສໍ້​ລາດ​ບັງ​ຫລວງ​ກໍ​ຍັງ​ມີ​ໃຫ້​ເຫັນ​ຄື​ດັ່ງ​ທຸກ​ວັນ​ນີ້.

ອີກ​ປະການ​ໜຶ່ງ, ​ໃນ​ເມື່ອ​ອົງການ​ກ່ຽວຂ້ອງ​ຫາກ​ກວດກາ​ພົບ​ເຫັນ​ແລ້ວ​ຕ້ອງ​ໄດ້​ເປັນ​ເຈົ້າການ​ເກັບ​ກູ້​ເອົາ​ຜົນ​ເສຍ​ຫາຍນັ້ນຄືນ​ມາ​ໃຫ້​ໄດ້. ກົງກັນຂ້າມ ຖ້າ​ປະປ່ອຍ​ໃຫ້​ບຸກຄົນ ຫລື ຂະ​ແໜງ​ການ​ນັ້ນໆ​ແກ້​ໄຂ​ພາຍ​ໃນ​ກັນ​ເອງ ມັນ​ກໍ​ບໍ່​ຕ່າງ​ຫຍັງ​ກັບ​ລ່າມ​ເຊືອກ​ໃຫ້​ໂຈນ​ໄດ້​ກະທຳ​ຜິດ​ຊ້ຳ​ເຕີມ ທັງ​ຫາ​ວິທີ​ຫລີກ​ລ່ຽງ ​ແລະ ​ແກ່ຍາວ​ເວລາ​ ດັ່ງ​ສະພາບ​ເຮົາ​ເຫັນ​ທຸກ​ວັນ​ນີ້.

​ເຖິງ​ຢ່າງ​ໃດ​ກໍ​ດີ, ພາຍ​ໃຕ້​ແສງ​ສະຫວ່າງ​ຂອງ​ມະຕິ​ຄັ້ງທີ XI ຂອງ​ພັກ ​ແລະ ​ແຜນ​ບຸກທະລຸ 5 ປີ​ຂ້າງ​ໜ້າ (2021-2025) ຂອງ​ລັດຖະບານ​ຊຸດ​ທີ IX ພວກ​ເຮົາ​ກໍ​ມີ​ຄວາມ​ຫວັງ​ໃນ​ການ​ປາບ​ການ​ສໍ້​ລາດ​ບັງ​ຫລວງ​ໃຫ້​ຫລຸດ​ໜ້ອຍ​ຖອຍ​ລົງ​ຈາກ​ສັງຄົມ​ລາວ​ຢ່າງ​ແນ່ນອນ.

ທຸກ​ການ​ນຳ​ຕ້ອງ​ເປັນ​ຕົວ​ແບບ​ຕ້ານ​ການ​ສໍ້​ລາດ​ບັງ​ຫລວງ - WhatsApp Image 2020 05 27 at 5 - ທຸກ​ການ​ນຳ​ຕ້ອງ​ເປັນ​ຕົວ​ແບບ​ຕ້ານ​ການ​ສໍ້​ລາດ​ບັງ​ຫລວງ
ທຸກ​ການ​ນຳ​ຕ້ອງ​ເປັນ​ຕົວ​ແບບ​ຕ້ານ​ການ​ສໍ້​ລາດ​ບັງ​ຫລວງ - WhatsApp Image 2020 05 27 at 5 - ທຸກ​ການ​ນຳ​ຕ້ອງ​ເປັນ​ຕົວ​ແບບ​ຕ້ານ​ການ​ສໍ້​ລາດ​ບັງ​ຫລວງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!