ເກີດເຫດລົດໄຟຕຳກັນຢູ່ອີຢິບ ເສຍຊີວິດຢ່າງໜ້ອຍ 32 ຄົນ

ເກີດເຫດລົດໄຟຕຳກັນຢູ່ອີຢິບ ເສຍຊີວິດຢ່າງໜ້ອຍ 32 ຄົນ - train crash in egypt - ເກີດເຫດລົດໄຟຕຳກັນຢູ່ອີຢິບ ເສຍຊີວິດຢ່າງໜ້ອຍ 32 ຄົນ
ເກີດເຫດລົດໄຟຕຳກັນຢູ່ອີຢິບ ເສຍຊີວິດຢ່າງໜ້ອຍ 32 ຄົນ - Untitled design - ເກີດເຫດລົດໄຟຕຳກັນຢູ່ອີຢິບ ເສຍຊີວິດຢ່າງໜ້ອຍ 32 ຄົນ

​ສຳນັກ​ຂ່າວ BBC ລາຍ​ງານ​ວ່າ: ​ໃນ​ວັນ​ທີ 26 ມີນາ ເກີ​ດ​ເຫດ​ລົດ​ໄຟ 2 ຂະ​ບວນຕຳ​ກັນ​ໃກ້​ກັບ​ເມືອງ​ທາ​ຕາ ​ແຂວງ​ໂຊ​ຮັກ ​ໃນ​ພາກ​ກາງຂອງ​ອີ​ຢິບ ສົ່ງ​ຜົນ​ໃຫ້​ມີ​ຜູ້​ເສ​ຍຊີວິດ​ຢ່າງ​ໜ້ອຍ 32 ຄົນ ​ແລະ ບາດ​ເຈັບ 165 ຄົນ.

ກົມລົດ​ໄຟ​ຂອງ​ອີ​ຢິບ​ເປີດ​ເຜີຍ​ວ່າ: ມີ​ຄົນ​ທີ່​ບໍ່​ຮູ້​ວ່​າ​ເປັນ​ໃຜ​ກົດ​ເບ​ກສຸກ​ເສີນ ​ເຮັດ​ໃຫ້​ລົດ​ໄຟ​ຂະ​ບວນໜ້າ​ຢຸດ​ກະທັນຫັນ ​ແລະ ​ເຮັດ​ໃຫ້​ລົດ​ໄຟ​ອີກ​ຂະ​ບວນໜຶ່ງ​​ແລ່ນ​ມາ​ຕຳ ສົ່ງ​ຜົນ​ໃຫ້​ຕູ້​ໂດຍສານ​ພິກ​ຂວ້ຳ.

ປະທານາທິບໍດີ ອັບ​ເດລ ຟັດ​ຕາ ອັລ-ຊີ​ຊີ ​ໃຫ້​ຄຳ​ໝັ້ນວ່າ​ຈະ​ລົງ​ໂທດ​ຄົນ​ກໍ່​ເຫດ​ຢ່າງ​ໜັກ.

​ເຫດການ​ດັ່ງກ່າວ​ເກີດ​ຂຶ້ນຫ່າງ​ຈາກ​ທາງ​ຕອນ​ໃຕ້​ຂອງ​ນະຄອນຫລວງ​ໄຄ​ໂຣອອກ​ໄປ​ປະມານ 365 ກິ​ໂລ​ແມັດ ​ໂດຍ​ລົດ​ໄຟ​ຂະ​ບວນໜຶ່ງ​ແລ່ນ​ລະຫວ່າງ​ເມືອງ​ລັກ​ຊໍ​ທາງ​ຕອນ​ໃຕ້​ກັບ​ເມືອງ​ອາ​ເລັກ​ຊານ​ເດຣຍ ​ເຊິ່​ງ​ເປັນ​ເມືອງ​ທ່າ​ໃນ​ທະ​ເລ​ເມ​ດິ​ເຕີ​ເຣນຽນ, ສ່ວນ​ອີກ​ຂະ​ບວນໜຶ່ງ​ເດີນທາງ​ລະຫວ່າງ​ນະຄອນຫລວງ​ໄຄ​ໂຣກັບ​ເມືອງ​ອັສວານ​ທາງ​ຕອນ​ໃຕ້​ຂອງ​ອີ​ຢິບ.

​ຜ່ານ​ມາ​ເກີດ​ອຸປະຕິ​ເຫດ​ຂຶ້ນກັບ​ລະບົບ​ລົດ​ໄຟ​ຂອງ​ອີ​ຢິບ​ເລື້ອຍໆ ​ໂດຍສາ​ເຫດ​ສ່ວນ​ໜຶ່ງ​ມາ​ຈາກ​ການ​ຂາດ​ການ​ບຳລຸງ​ຮັກສາ ​ແລະ ການ​ລົງທຶນ.

ເກີດເຫດລົດໄຟຕຳກັນຢູ່ອີຢິບ ເສຍຊີວິດຢ່າງໜ້ອຍ 32 ຄົນ - Wave100S AD to Website 2020 0 - ເກີດເຫດລົດໄຟຕຳກັນຢູ່ອີຢິບ ເສຍຊີວິດຢ່າງໜ້ອຍ 32 ຄົນ

ໜຶ່ງ​ໃນ​ອຸປະຕິ​ເຫດ​ທາງ​ລົດ​ໄຟ​ທີ່​ມີ​ຜູ້​ເສຍ​ຊີວິດ​ຫລາຍ​ທີ່​ສຸດ​ເກີດ​ຂຶ້ນ​ໃນ​ປີ 2002 ຄື​ເຫດ​ໄຟ​ໄໝ້​ລົດ​ໄຟ​ທີ່​ກຳລັງ​ມຸ້ງ​ໜ້າ​ໄປ​ທາງ​ໃຕ້​ຂອງ​ນະຄອນຫລວງ​ໄຄ​ໂຣ ​ເຊິ່ງອຸປະຕິ​ເຫດ​ຄັ້ງນັ້ນ​ເຮັດ​ໃຫ້​ມີ​ຜູ້​ເສຍ​ຊີວິດ​ເຖິງ 373 ຄົນ.

ອ້າງ​ອີງ: https://www.bbc.com/news/world-middle-east-56540229

ເກີດເຫດລົດໄຟຕຳກັນຢູ່ອີຢິບ ເສຍຊີວິດຢ່າງໜ້ອຍ 32 ຄົນ - WhatsApp Image 2020 05 27 at 5 - ເກີດເຫດລົດໄຟຕຳກັນຢູ່ອີຢິບ ເສຍຊີວິດຢ່າງໜ້ອຍ 32 ຄົນ
ເກີດເຫດລົດໄຟຕຳກັນຢູ່ອີຢິບ ເສຍຊີວິດຢ່າງໜ້ອຍ 32 ຄົນ - WhatsApp Image 2020 05 27 at 5 - ເກີດເຫດລົດໄຟຕຳກັນຢູ່ອີຢິບ ເສຍຊີວິດຢ່າງໜ້ອຍ 32 ຄົນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!