6 ການຮຽນຮູ້ໃຈຄົນ

1. ຄົນທີ່ຍອມເສຍປຽບ ເຂົາບໍ່ເຄີຍເສຍປຽບ : ເພາະຄົນທີ່ຍອມເສຍປຽບແມ່ນຄົນທີ່ມີໄມຕີຈິດ ເຊິ່ງຄົນທີ່ມີໄມຕີຈິດຍ່ອມໄດ້ຮັບໂອກາດຫລາຍກ່ວາຄົນອື່ນ. ຄົນເຮົານັ້ນຫາກໄດ້ຮັບໂອກາດຄັ້ງໃຫຍ່ໃນຊີວິດຈັກເທື່ອໜຶ່ງຫລືສອງເທື່ອກໍຖືວ່າກຸ້ມຄ່າແລ້ວ.
2. ຄົນທີ່ມັກເອົາປຽບ ເຂົາບໍ່ເຄີຍໄດ້ປຽບ : ເພາະຫຍ້າກໍໜຶ່ງທີ່ເຂົາກຳຢູ່ ທຽບບໍ່ໄດ້ກັບຜືນປ່າທີ່ເຂົາໄດ້ສູນເສຍໄປ. ທ່ານລອງເບິ່ງຄົນທີ່ມັກເອົາປຽບແຕ່ຄົນອື່ນ, ເວລາກິນ ກິນຫລາຍກ່ວາຄົນອື່ນ ທັງຍັງຫໍ່ກັບເມືອເຮືອນນຳອີກ, ແຕ່ເວລາຈ່າຍເງິນຊຳ້ພັດບໍ່ຍອມຈົກຖົງ, ເມົາແຕ່ເຮັດທຳທ່າເວົ້ານັ້ນເວົ້ານີ້ບ່າຍບ່ຽງໄປທາງອື່ນ ເຊິ່ງຄົນສະຫລາດຈຳພວກນີ້ບໍ່ເຄີຍຈະເລີນ.
3. ຄົນໃຈແຄບ : ໃຈບໍ່ມີທາງກ້ວາງຄືກັບຟ້າດິນ ເຊິ່ງຄົນປະເພດນີ້ໃຈລວງ ແລະ ເຫັນແກ່ໂຕ, ມື້ໜຶ່ງຈະບໍ່ມີໃຜຄົບ ຫາກຄົບກໍຈຳຍອມຍ້ອນຜົນປະໂຫຍດເທົ່ານັ້ນ.
4. ມີແຕ່ຖະໜອມຄວາມສຳພັນ ຄວາມສຳພັນຈຶ່ງຈະຍືນຍາວ 

5. ເທິງເສັ້ນທາງຂອງຊີວິດ ເພາະພົບປະຜູ້ຄົນຫລວງຫລາຍ ຄວາມຈິງແລ້ວກໍຍ້ອນມີວາດສະໜາຈຶ່ງມາພົບພໍ້, ເວົ້າກັນວ່າຄົນໃນຄອບຄົວນັ້ນເຄີຍເປັນໝູ່ຮັກໃນອະດີດຊາດ, ເຄີຍເປັນຄົນໃນຄອບຄົບໃນອະດີດຊາດ, ຄົນທີ່ນຳເອົາຄວາມທຸກຍາກລຳບາກໃຈມາໃຫ້ເຮົາໃນຊາດນີ້ ແມ່ນຄົນທີ່ເຮົາເຄີຍທຳຮ້າຍເຂົາໃນຊາດກ່ອນ. ສະນັ້ນ, ຈົ່ງຖະໜອມຄົນໃນຄອບຄົວ, ເອົາໃຈໃສ່ມິດສະຫາຍ, ໃຫ້ອະໄພຄົນທີ່ທຳຮ້າຍເຮົາໃນຊາດປັດຈຸບັນ ເພື່ອບໍ່ໃຫ້ເປັນກົງກຳກ້ຽວວຽນ.

6. ໃຈບໍ່ຝັກໄຟ່ໃນສິ່ງໃດເອີ້ນວ່າຮັ່ງມີ, ເປັນທີ່ຄ້ອງການຂອງທຸກຄົນເອີ້ນວ່າລຳ້ຄ່າ, ຄວາມສຸກບໍ່ແມ່ນນິໄສ ແຕ່ເປັນຄວາມສາມາດຢ່າງໜຶ່ງ.