11 ສິ່ງທີ່ຄວນເຮັດໃນວັນເກີດ ແລະ ທຸກໆມື້

1. ຕື່ນເຊົ້າມາສະບາຍດີຕົນເອງ, ຂອບໃຈຕົນເອງທີ່ຍັງໃຊ້ຊີວິດຢ່າງດີມາຕະຫລອດປີ.
2. ກອດ, ຂອບໃຈຜູ້ໃຫ້ກຳເນີດ ແລະ ລ້ຽງດູ ເພາະວັນເກີດກໍແມ່ນວັນໃຫ້ກຳເນີດ.
3. ກິນອາຫານທີ່ມີຄຸນຄ່າ ທັງທາງຮ່າງກາຍ ແລະ ຈິດໃຈ.
4. ຖ່າຍຮູບເກັບໄວ້ເບິ່ງທຸກປີ ໃຫ້ເຫັນວ່າເຮົາເຕີບໃຫຍ່ຂຶ້ນເທົ່າໃດ ເພາະຮອຍຫ່ຽວຍານ ແລະ ຮອຍຕີນກາເທິງໃບໜ້າເທົ່າກັບປະສົບການຊີວິດ.
5. ຫາຍໃຈເຂົ້າ-ອອກຍາວໆ ລະນຶກຕົນສະເໝີວ່າໃຫ້ຄິດດີ, ເວົ້າດີ ແລະ ເຮັດດີ.
6. ໃຊ້ເວລາຢູ່ກັບຄົນທີ່ຮັກ ບໍ່ຕ້ອງເນັ້ນປະລິມານ, ແຕ່ໃຫ້ເນັ້ນຄຸນນະພາບ ແລະ ຖ້າໄດ້ທັງ 2 ຢ່າງກໍຖືວ່າດີທີ່ສຸດ.
7. ຍິ້ມຫລາຍໆ, ມີສຽງຫົວຫລາຍໆ, ເຮັດວຽກດ້ວຍຄວາມຮູ້ສຶກວ່າດີແທ້ໆທີ່ໄດ້ເຮັດໃຫ້ໂລກໜ່ວຍນີ້ດີຂຶ້ນ.
8. ພັກທ່ຽງກິນເຂົ້າເປົ່າເຄັກກັບໝູ່ດ້ວຍອາລົມເບີກບານ.
9. ເຂົ້າວັດ, ເຮັດບຸນບໍລິຈາກສິ່ງຂອງ, ແບ່ງປັນຫຍັງກໍໄດ້, ແຕ່ຖ້າບໍ່ສະດວກກໍໂອນເງິນເຂົ້າບັນຊີມູນນິທິຜ່ານໂທລະສັບກໍໄດ້.
10. ຫາເວລາອອກກຳລັງກາຍ, ພັກຜ່ອນຢູ່ກັບຕົນເອງແດ່ ເພື່ອໃຫ້ຮູ້ຈັກຕົນເອງໃຫ້ຫລາຍຂຶ້ນ.
11. ເຂົ້ານອນຢ່າງມີຄວາມສຸກ ພ້ອມທັງເວົ້າກັບຕົນເອງວ່າ “ຂ້ອຍພຽງແຕ່ອາຍຸຫລາຍຂຶ້ນ ຂ້ອຍບໍ່ໄດ້ເຖົ້າ”.

ວັນເກີດທີ່ຜ່ານມາທ່ານເຮັດຫຍັງໄປແດ່ແລ້ວ ? ພະຍາຍາມສອນລູກໆໃຫ້ຄິດດີ, ເວົ້າດີ ແລະ ເຮັດດີໄປນຳ ບໍ່ສະເພາະແຕ່ໃນມື້ວັນເກີດເທົ່ານັ້ນ.