ຊາຍການາດາຖືກຟ້າຜ່າ ແຕ່ລອດຊີວິດ

- advert banner 728 90 728x90 - ຊາຍການາດາຖືກຟ້າຜ່າ ແຕ່ລອດຊີວິດ

ງານ​ແຕ່ງດອງ​ຢູ່​ເມືອງ​ນິວ ບຣຸນວິດ ຂອງ​ກາ​ນາ​ດາ ​​ໃນ​ອາທິດ​ຜ່ານ​ມາ ກາຍ​ເປັນ​ເລື່ອງ​ທີ່​ສື່​ທ້ອງ​ຖິ່ນ​ໃຫ້​ຄວາມ​ສົນ​ໃຈ​ຫລາຍ ​ເພາະ​ເກີດ​ຟ້າຜ່າ​ກາງ​ງານ​ລະຫວ່າງ​ທີ່​ພໍ່​ເຈົ້າສາວ​ກ່າວ​ໃນ​ພິທີ, ​ແຕ່​ເຄາະ​ດີ​ທີ່​ລອດ​ມາ​ໄດ້.

- new3 - ຊາຍການາດາຖືກຟ້າຜ່າ ແຕ່ລອດຊີວິດ

ທ້າວ ​ເຈ​ພີ ນາ​ໂດ ບອກ​ກັບ​ສະຖານີ​ໂທລະພາບ BBC ຂອງ​ກາ​ນາ​ດາວ່າ: ຕອນ​ທີ່​ຂ້ອຍ​ບອກ​ກັບ​ລູກ​ເຂີຍ​ຂອງ​ຂ້ອຍ​ວ່າ: ລາວ​ເປັນ​ຜູ້​ຊາຍ​ທີ່​ໂຊກ​ດີ​ ຕອນ​ນັ້ນຟ້າ​ກໍ​ຜ່າ​ລົງ​ມາ.

​ເຫດການ​ດັ່ງກ່າວ​ເກີດ​ຂຶ້ນ​ໃນ​ລະຫວ່າງ​ພິທີ​ແຕ່ງດອງ​ຂອງ​ລູກ​ສາວ​ໃນ​ສວນ​ແອບ​ເປິ້ນ​ແຫ່ງ​ໜຶ່ງ ທີ່​ຈັດ​ຂຶ້ນ​ໃນ​ວັນ​ທີ 8 ກໍລະກົດ​ນີ້.

ລູກ​ສາວ​ຂອງ​ ​ເຈ​ພີ ນາ​ໂດ ບອກ​ວ່າ: ​ໃນ​ລະຫວ່າງ​ທີ່​ພໍ່​ຂອງ​ນາງ​ເວົ້າຢູ່ ທັນ​ໃດ​ນັ້ນ​ເລື່ອງ​ບໍ່​ຄາດ​ຄິດ​ກໍ​ເກີ​ດຂຶ້ນ ​ເມື່ອ​ມີ​ຟ້າຜ່າ​ລົງ​ບໍລິ​ເວນ​ໃກ້​ຄຽງ​ບ່ອນ​ຈັດ​ງານ ​ໂດຍ​ບັນຍາກາດ​ໃນ​ຕອນ​ນັ້ນ ທ້ອງຟ້າ​ກໍ​ເຕັມ​ໄປ​ດ້ວຍ​ເມກ.

“​ໃນ​ຂະນະ​ນັ້ນ ຂ້ອຍ​ຈັບ​ໄມ ຮູ້ສຶກ​ວ່າ​ມີ​ກະ​ແສ​ໄຟຟ້າ​ໄຫລ​ຜ່ານ​​ໄປ​ຫາ​ເຄື່ອງ​ຂະຫຍາຍ​ສຽງ, ສ່ວນ​ມື​ຂອງ​ຂ້ອຍ​ກໍ​ມີ​ປະກາຍ​ໄຟ​ເລັກ​ໜ້ອຍ ​ເຊິ່ງຄື​ກັບ​ວ່າ​ຂ້ອຍ​ກຳລັງ​ກຳ​ສາຍ​ໄຟ​ໄວ້​ໃນ​ມື” ທ້າວ ນາ​ໂດ ກ່າວ.

- lattana 1 - ຊາຍການາດາຖືກຟ້າຜ່າ ແຕ່ລອດຊີວິດ

​ເຫດການ​ເທື່ອ​ນັ້ນຖິ້ມຮ່ອງຮອຍ​ບາດ​ແຜ​ເລັກ​ໜ້ອຍ​ຢູ່​ນິ້ວ​ໂປ​ຂອງ​ລາວ​ເທົ່າ​ນັ້ນ ​ແລະ ການ​ງານ​ແຕ່ງ​ກໍ​ດຳ​ເນີນ​ຕໍ່​ໄປ​ຕາມ​ປົກກະຕິ ທ່າມກາງ​ຄວາມສຸກ​ຂອງ​ບ່າວ​ສາວ.

ພັນ​ລະ​ຍາ​ຂອງ​ທ້າວ ນາ​ໂດ ກ່າວ​ກັບ​ນັກ​ຂ່າວ​ສະຖານີ​ໂທລະພາບ BBC ວ່າ: ນີ້​ເປັນ​ງານ​ແຕ່ງ​ທ່ີ​ງົດ​ງາມ​ງານ​ໜຶ່ງ, ​ເຖິງ​ວ່າ​ຈະ​ມີ​ວິນາທີ​ແຫ່ງ​ຄວາມ​ຫວາດ​ສຽວ​ກໍ​ຕາມ.

ທ້າວ ນາ​ໂດ ບອກ​ວ່າ: ລາວ​ຜ່ານ​ປະສົບ​ການ​ສຽດ​ຕາຍ​ມາ​ແລ້ວ​ຫລາຍ​ເທື່ອ ​ເຊັ່ນ​ໃນ​ປີ 2015 ​ເຮືອທ່ອງ​ທ່ຽວ​ທີ່​ລາວ​ເຮັດ​ວຽກ​ຢູ່​ເກີດ​ໄຟ​ໄໝ້​ຂະນະ​ທີ່​​ຂີ່​ເຮືອ​ໃກ້​ກັບ​ເກາະ​ຟອດ​ແລນ, ​ແຕ່​ຍັງ​ເຄາະ​ດີ​ທີ່​ໄດ້​ຮັບ​ການ​ຊ່ວຍ​​ເຫລືອ​ໂດຍ​ກອງທັບ​ອາກາດ​ອັງກິດ.

error: Content is protected !!