ໄຟໄໝ້ໂຮງກັ່ນນ້ຳມັນໃຫຍ່ສຸດໃນອິນໂດເນເຊຍ

ໄຟໄໝ້ໂຮງກັ່ນນ້ຳມັນໃຫຍ່ສຸດໃນອິນໂດເນເຊຍ - 000 96X9TV - ໄຟໄໝ້ໂຮງກັ່ນນ້ຳມັນໃຫຍ່ສຸດໃນອິນໂດເນເຊຍ
ໄຟໄໝ້ໂຮງກັ່ນນ້ຳມັນໃຫຍ່ສຸດໃນອິນໂດເນເຊຍ - Untitled design - ໄຟໄໝ້ໂຮງກັ່ນນ້ຳມັນໃຫຍ່ສຸດໃນອິນໂດເນເຊຍ

ເຈົ້າໜ້າ​ທີ່​ມອດ​ໄຟຂອງ​ອິນ​ໂດ​ເນ​ເຊຍ​ເລັ່ງສີດ​ນ້ຳຄວບ​ຄຸມ​ໄຟ​ທີ່​ໄໝ້​​ໂຮງ​ກັ່ນ​ນ້ຳມັນ​ບາ​ໂລ​ງັນ ​ແຂວງ​ຊະວາ​ຕ​າ​ເວັນ​ຕົກ ​ເຊິ່ງ​ເປັນ​ໂຮງ​ກັ່ນ​ນ້ຳມັນ​ໃຫຍ່​ທີ່​ສຸດ​ໃນ​ປະ​ເທດ ຂອງ​ບໍລິສັດ Pertamina ບໍລິສັດ​ນ້ຳມັນ ​ແລະ ​ແກັສທຳ​ມະ​ຊາດ​ຂອງ​ລັດຖະບານ​ອິນ​ໂດ​ເນ​ເຊຍ.

​ໂດຍ​ເຫດ​ໄຟ​ໄໝ້​ເລີ່​ມຕົ້ນ​ໃນ​ເວລາ​ປະມານ 00:45 ​ໂມງ ຂອງ​ວັນ​ທີ 29 ມີນາ ຕາມ​ເວລາ​ທ້ອງ​ຖິ່ນ ​ເຊິ່ງ Pertamina ຖະ​ແຫລ​ງວ່າ: ​ໄຟ​ໄໝ້​ເກີດ​ຂຶ້ນທ່າມກາງ​ສະພາບ​ຝົນຕົກ​ໜັກ ​ແລະ ຟ້າຜ່າ ​ແລະ ທາງ​ບໍລິສັດ​ພະຍາຍາມ​ຄວບ​ຄຸມ​ການ​ໄຫລ​ຂອງ​ນ້ຳມັນ​ເພື່ອ​ບໍ່​ໃຫ້​​ໄຟ​ລຸກລາມ​ເປັນ​ວົງ​ກວ້າງ.

​ເບື້ອງຕົ້ນພົບ​ຜູ້​ບາດ​ເຈັບ​ຈາກ​ເຫດ​ໄຟ​ໄໝ້​ແລ້ວ​ຢ່າງ​ໜ້ອຍ 5 ຄົນ, ສ່ວນ​ປະຊາຊົນ​ທີ່​ອາ​ໄສ​ຢູ່​ໃກ້​ໂຮງ​ກັ່ນ 950 ກວ່າ​ຄົນ ​ເລັ່ງອົບ​ພະຍົບອອກ​ຈາກ​ພື້ນທີ່​ແລ້ວ. ຂະນະ​ທີ່​ມີ​ລາຍ​ງານ​ຜູ້​ສູນຫາຍ​ຫລາຍ​ຄົນ ​ເຊິ່ງ​ເຈົ້າໜ້າ​ທີ່​ມອດ​ໄຟ​ຍັງ​ພະຍາຍາມ​ສີດ​ນ້ຳຄວບ​ຄຸມ​ໄຟ​ຕໍ່​ເນື່ອງ​ໝົດ​ຄືນ.

ທັງ​ນີ້, ​ໃນ​ໂຊ​ຊຽວມີ​ເດຍມີ​ການ​ເຜີຍ​ແຜ່​ວິ​ດີ​ໂອ​ໄຟ​ຂະໜາດ​ໃຫຍ່​ທີ່​ໄໝ້​ໂຮງ​ກັ່ນ​ນ້ຳມັນ​ແຫ່ງ​ນີ້ ທ່າມກາງ​ຄວັນ​ໄຟ​ຈຳນວນ​ຫລາຍ​ທີ່​ປົກ​ຄຸມ​ທົ່ວ​ບໍລິ​ເວນ ​ເຊິ່ງລະຫວ່າງ​ເກີດ​ໄຟ​ໄໝ້​ຍັງ​ໄດ້​ຍິນ​ສຽງ​ລະ​ເບີດ​ຮຸນ​ແຮງ​ດັ່ງ​ຂຶ້ນໜຶ່ງ​ຄັ້ງ.

ສຳລັບ​ໂຮງ​ກັ່ນ​ນ້ຳມັນ​ບາ​ໂລ​ງັນ​ນັ້ນ​ເຮັດ​ໜ້າ​ທີ່​ກັ່ນ​ນ້ຳມັນ​ດິບ​ທີ່​ໄດ້​ຈາກ​ແຫ​ລ່ງນ້ຳມັນ​ດິບ Duri ​ແລະ Minas ​ໃນ​ແຂວງຣີ​ເຍົາ ​ແລະ ຈັດ​ສົ່ງ​ນ້ຳມັນ​ໄປ​ນະຄອນຫລວງ​ຈາ​ກາ​ຕາ ​ແລະ ພາກພື້ນຕາ​ເວັນ​ຕົກ​ຂອງ​ເກາະ​ຊະວາ ​ໂດຍ​ສາມາດ​ກັ່ນ​ນ້ຳມັນ​ໄດ້​ເຖິງ​ວັນ​ລະ 125.000 ບາ​ເຣລ.

ໄຟໄໝ້ໂຮງກັ່ນນ້ຳມັນໃຫຍ່ສຸດໃນອິນໂດເນເຊຍ - Wave100S AD to Website 2020 0 - ໄຟໄໝ້ໂຮງກັ່ນນ້ຳມັນໃຫຍ່ສຸດໃນອິນໂດເນເຊຍ

ອ້າງ​ອີງ:

https://www.bbc.com/news/world-asia-56560826

https://www.channelnewsasia.com/…/indonesia-pertamina…

ໄຟໄໝ້ໂຮງກັ່ນນ້ຳມັນໃຫຍ່ສຸດໃນອິນໂດເນເຊຍ - WhatsApp Image 2020 05 27 at 5 - ໄຟໄໝ້ໂຮງກັ່ນນ້ຳມັນໃຫຍ່ສຸດໃນອິນໂດເນເຊຍ
ໄຟໄໝ້ໂຮງກັ່ນນ້ຳມັນໃຫຍ່ສຸດໃນອິນໂດເນເຊຍ - WhatsApp Image 2020 05 27 at 5 - ໄຟໄໝ້ໂຮງກັ່ນນ້ຳມັນໃຫຍ່ສຸດໃນອິນໂດເນເຊຍ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!