GDP ຫວຽດນາມເຕີບໃຫຍ່ 4,48% ໃນໄຕມາດທຳອິດ ຕັ້ງເປົ້າປີ 2021 ເຕີບໃຫຍ່ 6%

GDP ຫວຽດນາມເຕີບໃຫຍ່ 4,48% ໃນໄຕມາດທຳອິດ ຕັ້ງເປົ້າປີ 2021 ເຕີບໃຫຍ່ 6% - get 1 33 - GDP ຫວຽດນາມເຕີບໃຫຍ່ 4,48% ໃນໄຕມາດທຳອິດ ຕັ້ງເປົ້າປີ 2021 ເຕີບໃຫຍ່ 6%
GDP ຫວຽດນາມເຕີບໃຫຍ່ 4,48% ໃນໄຕມາດທຳອິດ ຕັ້ງເປົ້າປີ 2021 ເຕີບໃຫຍ່ 6% - Untitled design - GDP ຫວຽດນາມເຕີບໃຫຍ່ 4,48% ໃນໄຕມາດທຳອິດ ຕັ້ງເປົ້າປີ 2021 ເຕີບໃຫຍ່ 6%

ວັນ​ທີ 29 ມີນາ, ສຳນັກງານ​ສະຖິຕິ​ແຫ່ງ​ຊາດ​ຫວຽດນາມ (GSO) ປະກາດ​ວ່າ: ຫວຽດນາມ​ມີ​ອັດຕາ​ການ​ເຕີບ​ໃຫຍ່​ຂອງ​ລວມຍອດ​ຜະລິດ​ຕະພັນ​ພາຍ​ໃນ (GDP) ​ເມື່ອ​ທຽບ​ປີ​ຕໍ່​ປີ 4,48% ​ໃນ​ໄຕ​ມາດ​ທຳ​ອິດ​ຂອງ​ປີ 2021 ​ເພີ່ມ​ຂຶ້ນຈາກ 3,68% ​ໃນ​ໄລຍະ​ດຽວ​ກັນ​ຂອງ​ປີ​ກ່ອນ.

GSO ລະບຸ​ວ່າ: ຕົວ​ເລກ​ນີ້​ສະທ້ອນ​ຜົນ​ໄດ້​ຮັບ​ຈາກ​ຄວາມ​ພະຍາຍາມ​ຢ່າງ​ໜັກ​ຂອງ​ລັດຖະບານ, ໜ່ວຍ​ງານ​ທ້ອງ​ຖິ່ນ, ກຸ່ມ​ທຸລະ​ກິດ ​ແລະ ປະຊາຊົນ ​ໃນ​ການ​ບັນລຸ​ເປົ້າໝາຍ​ຄູ່​ຂະໜານ​ທີ່​ວ່າ​ດ້ວຍ​ການ​ຄວບ​ຄຸມພະ​ຍາດຕິ​ດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ​ແລະ ການ​ພັດທະນາ​ເສດຖະກິດ​ຂອງ​ປະ​ເທດ.

ຂະ​ແໜງ​ກະສິກຳ, ປ່າ​ໄມ້ ​ແລະ ປະມົງ​ເຕີບ​ໃຫຍ່ 3,16% ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີ​ກ່ອນ. ຂະນະ​ທີ່​ຂະ​ແໜງ​ອຸດສາຫະກຳ ​ແລະ ການ​ກໍ່ສ້າງ​ເຕີບ​ໃຫຍ່ 6,3% ​ແລະ ຂະ​ແໜງ​ບໍລິການ​ເຕີບ​ໃຫຍ່ 3,34% ​ໂດຍ GSO ຊີ້​ວ່າ: ທັງ​ສາມ​ຂະ​ແໜງ​ນີ້​ຄິດ​ເປັນ 8,34%, 55,96% ​ແລະ 35,7% ຂອງການ​ເຕີບ​ໃຫຍ່​ໂດຍ​ລວມ.

GDP ຂອງ​ຫວຽດນາມ​ເຕີບ​ໃຫຍ່ 2,91% ​ໃນ​ປີ 2020 ​ເຊິ່ງ​ເປັນ​ຕົວ​ເລກ​ຕໍ່າ​ສຸດ​ໃນ​ຮອບ 10 ປີຜ່ານມາ, ​ແຕ່​ຫວຽດນາມ​ຈະ​ພະຍາຍາມ​ບັນລຸ​ເປົ້າໝາຍ GDP ​ເຕີບ​ໃຫຍ່​ປະມານ 6% ​ໃນ​ປີ 2021 ພ້ອມ​ຢັບຢັ້ງການລະບາດ​ຂອງ​ໂຄ​ວິດ-19 ຢ່າງ​ມີ​ປະສິດທິພາບ ​ເຊິ່ງ​ເປັນ​ໄປ​ຕາມ​ແຜນ​ທີ່​ໄດ້​ຮັບ​ອະນຸມັດ​ຈາກ​ສະພາ​ນິຕິບັນຍັດ​ລະດັບ​ສູງ​ສຸດ​ຂອງ​ປະ​ເທດ.

GDP ຫວຽດນາມເຕີບໃຫຍ່ 4,48% ໃນໄຕມາດທຳອິດ ຕັ້ງເປົ້າປີ 2021 ເຕີບໃຫຍ່ 6% - Wave100S AD to Website 2020 0 - GDP ຫວຽດນາມເຕີບໃຫຍ່ 4,48% ໃນໄຕມາດທຳອິດ ຕັ້ງເປົ້າປີ 2021 ເຕີບໃຫຍ່ 6%

ທັງ​ນີ້, ລາຍ​ງານ​ຈາກ​ທະນາຄານ​ໂລກ (World Bank) ​ເມື່ອ​ວັນ​ທີ 25 ມີນາ​ຜ່ານ​ມາ ຄາດ​ຄະ​ເນ​ວ່າ: ​ເສດຖະກິດ​ຫວຽດນາມ​ຈະ​ເຕີບ​ໃຫຍ່​ຢ່າງ​ແຂງ​ແຮງ​ປະມານ 6,6% ​ໃນ​ປີ 2021 ​ເຊິ່ງສູງ​ກວ່າ​ປະ​ເທດ​ໃກ້​ຄຽງ​ໃນ​ພາກພື້ນ.

ອ້າງ​ອີງ​: ສຳນັກ​ຂ່າວ​ຊິນ​ຮົວ

GDP ຫວຽດນາມເຕີບໃຫຍ່ 4,48% ໃນໄຕມາດທຳອິດ ຕັ້ງເປົ້າປີ 2021 ເຕີບໃຫຍ່ 6% - WhatsApp Image 2020 05 27 at 5 - GDP ຫວຽດນາມເຕີບໃຫຍ່ 4,48% ໃນໄຕມາດທຳອິດ ຕັ້ງເປົ້າປີ 2021 ເຕີບໃຫຍ່ 6%
GDP ຫວຽດນາມເຕີບໃຫຍ່ 4,48% ໃນໄຕມາດທຳອິດ ຕັ້ງເປົ້າປີ 2021 ເຕີບໃຫຍ່ 6% - WhatsApp Image 2020 05 27 at 5 - GDP ຫວຽດນາມເຕີບໃຫຍ່ 4,48% ໃນໄຕມາດທຳອິດ ຕັ້ງເປົ້າປີ 2021 ເຕີບໃຫຍ່ 6%
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!