ປະທານາທິບໍດີ ປາກິດສະຖານ ຕິດເຊື້ອໂຄວິດ-19
March 30, 2021 - 9:38 AM
ສຳນັກຂ່າວ ຣອຍເຕີ ລາຍງານເມື່ອວັນທີ 30 ມີນານີ້ວ່າ ປະທານາທິບໍດີ ປາກິດສະຖານ ທ່ານ Arif Alvi ຕິດເຊື້ອໄວຣັດໂຄໂຣນາ ພາຍຫຼັງສັກວັກຊີນ ຕ້ານໂຄວິດ-19 ແລ້ວ.
ຜູ້ນຳ ປາກິດສະຖານ ເປັນໜຶ່ງໃນຈຳນວນຫຼາຍຜູ້ນຳຂອງໂລກທີ່ຕິດເຊື້ອໄວຣັດໂຄໂຣນາ ພາຍຫຼັງໄດ້ຮັບການສັກວັກຊິນຕ້ານໂຄວິດ-19 ແລ້ວ. ກ່ອນໜ້ານີ້ ນາຍົກລັດຖະມົນຕີ ປາກິດສະຖານ ທ່ານ Imran Khan ກໍຕິດເຊື້ອໄວຣັດໂຄໂຣນາ ກ່ອນແລ້ວ ພາຍຫຼັງທີ່ໄດ້ຮັບການສັກວັກຊີນເປັນເວລາ 2 ວັນ.
ຈຳນວນຜູ້ຕິດເຊຶື້ອໂຄວິດ-19 ໃນປາກິດສະຖານ ໃນຂະນະນີ້ກຳລັງມີທ່າອ່ຽງເພີ່ມສູງຂຶ້ນ. ອີງຕາມຂໍ້ມູນຈາກ Worldometers ໃຫ້ຮູ້ວ່າ ເມື່ອໄລ່ມາເຖິງວັນທີ 29 ມີນານີ້ ປາກິດສະຖານມີຜູ້ຕິດເຊື້ອໃໝ່ 4.500 ກໍລະນີ, ໃນນີ້ 41 ຄົນເສຍຊີວິດ.
