ເຮືອໃນຄອງສຸເອຊກັບມາສັນຈອນໄດ້ແລ້ວ

ເຮືອໃນຄອງສຸເອຊກັບມາສັນຈອນໄດ້ແລ້ວ - 117750304 mediaitem117750302 - ເຮືອໃນຄອງສຸເອຊກັບມາສັນຈອນໄດ້ແລ້ວ
ເຮືອໃນຄອງສຸເອຊກັບມາສັນຈອນໄດ້ແລ້ວ - Untitled design - ເຮືອໃນຄອງສຸເອຊກັບມາສັນຈອນໄດ້ແລ້ວ

​ເຮືອ​ບັນທຸກ​ສິນຄ້າ Ever Given ທີ່​ກີດຂວາງຄອງ​ສຸ​ເອຊມາ​ເປັນ​ອາທິດ ລອຍນ້ຳ​ເປັນ​ອິດສະຫລະ​ແລ້ວ ​ໂດຍ ປີ​ເຕີ ​ເບີ​ໂດ​ສະ​ກີ CEO ຂອງ​ບໍລິສັດ​ກູ້​ເຮືອ Boskalis ລະບຸ​ວ່າ: ສາມາດ​ເຮັດ​ໃຫ້​ເຮືອ​ລອຍ​ໄດ້​ອີກ​ເມື່ອ​ເວລາ 15:05 ​ໂມງ ຕາມ​ເວລາ​ທ້ອງ​ຖິ່ນ ຫລື ​ເວລາ 19:05 ​ໂມງ ​ເມື່ອ​ວັນ​ທີ 29 ມີນາ ຕາມເວລາຢູ່ລາວ ​ເຮັດ​ໃຫ້​ຄອງ​ສຸ​ເອຊກັບ​ມາ​ເປີດ​ການ​ສັນຈອນ​ໄດ້​ອີກ.

ສຳນັກ​ຂ່າວ BBC ລາຍ​ງານ​ວ່າ: ​ເຮືອ​ລາກ​ຈູງ​ໄດ້​ບີບ​ແກ​ເປັນ​ສັນຍາ​ລັກ​ແຫ່ງ​ການສະ​ເຫລີ​ມສະຫລອງ​ຜົນສຳ​ເລັດ​ໃນ​ພາລະກິດ​ດັ່ງກ່າວ ​ແລະ ການ​ສັນຈອນ​ໃນ​ຄອງ​ທັງ​ສອງ​ທິດ​ທາງ​ມີ​ກຳນົດ​ກັບ​ມາ​ສັນຈອນ​ໄດ້​ອີກ​ໃນ​ເວລາ 19:00 ​ໂມງ ຕາມ​ເວລາ​ທ້ອງ​ຖິ່ນ ຫລື 23:00 ​ໂມງ ຕາມ​ເວລາ​ປະ​ເທດ​ລາວ.

​ເຮືອ Ever Given ຖືກ​ລາກ​ອອກ​ໄປ​ບໍລິ​ເວນ​ທະ​ເລ​ສາບ Great Bitter ​ເຊິ່ງຢູ່​ລະຫວ່າງ​ສອງ​ສ່ວນ​ຂອງ​ຄອງ​ສຸ​ເອຊ, ​ແຕ່​ໄປ​ທາງ​ເໜືອ​ຂອງ​ຕຳ​ແໜ່​ງ​ເຮືອ​ໃນ​ຕອນ​ນີ້ ​ເພື່ອ​ກວດ​ສອບ​ຄວາມ​ປອດ​ໄພ. ຂະນະ​ທີ່ ອັບ​ເດລ ຟັດ​ຕາ ອັລ-ຊີ​ຊີ ປະທານາທິບໍດີ​ອີ​ຢິບ ຂອບ​ໃຈ​ຊາວ​ອີ​ຢິບ​ສຳລັບ​ຄວາມ​ພະຍາຍາມ​ໃນ​ການ​ກູ້​ວິ​ກິດ​ທີ່​ເກີດ​ຂຶ້ນ​ໃນ​ຄອງ​ສຸ​ເອຊນີ້.

ການ​ເຮັດ​ໃຫ້​ເຮືອ​ລຳ​ນີ້​ກັບ​ມາ​ລອຍ​ໄດ້​ອີກ ບໍລິສັດ Boskalis ຕ້ອງ​ໃຊ້​ທີ​ມກູ້​ເຮືອ​ຜູ້​ຊ່ຽວຊານ​ທີ່​ຊື່ SMIT Salvage Papendrecht ​ເຊິ່ງທາງ​ທີ​ມ​ໄດ້​ປ່ອຍ​ທ້າຍ​ເຮື​ອກ່ອນ​ຕາມ​ດ້ວຍ​ເຮືອ​ຫົວ ທ່າມກາງ​ລົມ​ແຮງ. ປະຕິບັດ​ການ​ດັ່ງກ່າວ​ມີ​ການ​ຂຸດ​ຊາຍ​ໄປ​ກວ່າ 30.000 ລູກ​ບາດ​ແມັດ ມີ​ການ​ໃຊ້​ເຮືອ​ລາກ​ຈູງ​ກວ່າ 11 ລຳ ​ແລະ ​ໃຊ້​ເຮືອ​ລາກ​ຈູງ​ເດີນ​ທະ​ເລ​ທີ່​ຊົງ​ພະລັງ​ອີກ 2 ລຳ ​ແລະ ​ໃນ​ວັນ​ທີ 28 ມີນາ​ຜ່ານ​ມາ ​ເຈົ້າໜ້າ​ທີ່​ຄອງ​ໄດ້​ກຽມ​ນຳ​ເອົາ​ຕູ້​ຄອນ​ເທັນ​ເນີ​ບາງ​ສ່ວນ​ຈາກ​ທັງ​ໝົດ 18.000 ກວ່າ​ຕູ້​ອອກ ​ເພື່ອ​ຫລຸດ​ນ້ຳໜັກ​ຂອງ​ເຮືອ. ຕູ້​ຄອນ​ເທັນ​ເນີ​ເຫລົ່າ​ນີ້​ບັນທຸກ​ສິ່ງ​ຂອງ​ຕ່າງໆ ​ແລະ ​ເຊື່​ອວ່າ​ມູນ​ຄ່າ​ປະກັນ​ຂອງ​ສິນຄ້າ​ເຫລົ່າ​ນີ້​ມີ​ຫລາຍ​ຮ້ອຍ​ລ້ານ​ໂດ​ລາ​ສະຫະລັດ.

ເຮືອໃນຄອງສຸເອຊກັບມາສັນຈອນໄດ້ແລ້ວ - Wave100S AD to Website 2020 0 - ເຮືອໃນຄອງສຸເອຊກັບມາສັນຈອນໄດ້ແລ້ວ

ອ້າງອີງ:

https://www.bbc.com/news/world-middle-east-56567985

ເຮືອໃນຄອງສຸເອຊກັບມາສັນຈອນໄດ້ແລ້ວ - WhatsApp Image 2020 05 27 at 5 - ເຮືອໃນຄອງສຸເອຊກັບມາສັນຈອນໄດ້ແລ້ວ
ເຮືອໃນຄອງສຸເອຊກັບມາສັນຈອນໄດ້ແລ້ວ - WhatsApp Image 2020 05 27 at 5 - ເຮືອໃນຄອງສຸເອຊກັບມາສັນຈອນໄດ້ແລ້ວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!