ເອກົວດໍຢຶດລູກເຕົ່າກາລາປາກອລ 185 ໂຕ ຫໍ່ດ້ວຍປລາສຕິກເຊື່ອງໃນກະເປົາເດີນທາງ

ເອກົວດໍຢຶດລູກເຕົ່າກາລາປາກອລ 185 ໂຕ ຫໍ່ດ້ວຍປລາສຕິກເຊື່ອງໃນກະເປົາເດີນທາງ - 210329 04 - ເອກົວດໍຢຶດລູກເຕົ່າກາລາປາກອລ 185 ໂຕ ຫໍ່ດ້ວຍປລາສຕິກເຊື່ອງໃນກະເປົາເດີນທາງ
ເອກົວດໍຢຶດລູກເຕົ່າກາລາປາກອລ 185 ໂຕ ຫໍ່ດ້ວຍປລາສຕິກເຊື່ອງໃນກະເປົາເດີນທາງ - Untitled design - ເອກົວດໍຢຶດລູກເຕົ່າກາລາປາກອລ 185 ໂຕ ຫໍ່ດ້ວຍປລາສຕິກເຊື່ອງໃນກະເປົາເດີນທາງ

ສຳນັກ​ຂ່າວ BBC ລາຍ​ງານ​ວ່າ: ​ເຈົ້າໜ້າ​ທີ່​ພາສີ​ອາກອນ​ໃນ​ເອກົວ​ດໍ​ພົບ​ລູກ​ເຕົ່າ 185 ​ໂຕ ບັນຈຸ​ຢູ່​ໃນ​ກະ​ເປົາ​ເດີນທາງ​ທີ່​ກຳລັງ​ຈະ​ກຽມ​ຖືກ​ສົ່ງ​ຈາກ​ໝູ່​ເກາະ​ກາ​ລາ​ປາກອສ​ໄປ​ໄປ​ແຜ່ນດິນ​ໃຫຍ່​ຂອງ​ເອກົວ​ດໍ​ໃນ​ວັນ​ທີ 28 ມີນາ​ຜ່ານ​ມາ ​ໂດຍ​ທຸກ​ໂຕ​ຖືກ​ຫໍ່​ດ້ວຍ​ປລາສຕິກ ​ແລະ ພົບ​ໃນ​ກະ​ເປົາ​ເດີນທາງ ລະຫວ່າງ​ການກວດ​ສອບ​ຢູ່​ສະໜາມ​ບິນ​ຫລັກ​​ໃນ​ເກາະ​ບັລຕຣາ.

​ເຈົ້າໜ້າ​ທີ່​ກ່າວ​ວ່າ: ລູກ​ເຕົ່າ​ພວກ​ນີ້​ອາດ​ຈະ​ມີ​ອາຍຸ​ບໍ່​ເກີນ 3 ​ເດືອນ ​ແລະ ພົບ​ວ່າ​ລູກ​ເຕົ່າ 10 ​ໂຕ​ຕາຍ​ແລ້ວ ​ໂດຍ​ຄາດ​ວ່າການ​ຫໍ່​ປລາສຕິກ​ໄວ້​ເພື່ອ​ຈະ​ບໍ່​ໃຫ້​ລູກ​ເຕົ່າ​ເໜັງ​ຕີງ​ລະຫວ່າງ​ການກວດ​ສອບ, ​ແຕ່​ເຈົ້າໜ້າ​ທີ່​ໄດ້​ສັງ​ເກດ​ເຫັນ​ຄວາມ​ຜິດ​ປົກກະຕິ​ຕອນ​ກະ​ເປົາ​ຜ່ານ​ເຄື່ອງ​ເອັກ​ຊະ​ເຣ ຈຶ່ງ​ກວດຄົ້ນກະ​ເປົາ​ໜ່ວຍ​ດັ່ງກ່າວ.

ຖື​ວ່າການ​ລັກ​ລອບ​ຂົນ​ເຕົ່າ​ກາ​ລາ​ປາກອສ​ເປັນ​ໄພ​ຄຸກ​ຄາມ​ໃຫຍ່​ທີ່​ສຸດ​ຢ່າງ​ໜຶ່ງ​ຕໍ່​ເຕົ່າ​ກາ​ລາ​ປາກ​ອສ ​ໂດຍ​ສະ​ເພາະ​ໃນ​ຕະຫລາດ​ການ​ຂາຍ​ສັດລ້ຽງ ​ແລະ ສັດ​ແປກ​ຢ່າງ​ຜິດ​ກົດໝາຍ​ສຳລັບ​ນັກ​ສະ​ສົມ​ສັດ ​ແລະ ຕະຫລາດ​ສັດລ້ຽງ​ຫາ​ຍາກ.

ທ່ານ ມາ​ເຊ​ໂລ ມາ​ຕາ ລັດຖະມົນຕີ​ກະຊວງ​ສິ່ງ​ແວດ​ລ້ອມ​ຂອງ​ເອກົວ​ດໍ ກ່າວ​ວ່າ: ປັດຈຸບັນ​ຍັງ​ບໍ່​ມີ​ການ​ຈັບ​ກຸມ​ຜູ້​ກະທຳ​ໄດ້, ​ແຕ່​ພະນັກງານ​ຂອງ​ບໍລິສັດ​ຂົນ​ສົ່ງ​ທີ່​ກວດ​ສອບ​​ໃນ​ກະ​ເປົາ​ເດີນທາງ​ຖືກ​ຕົວ​ໄປ​ສອບ​ສວນ​ແລ້ວ ​ເຊິ່ງ​ເຫດການ​ນີ້​ເປັນ​ການ​ກໍ່​ອາ​ຊະ​ຍາ​ກຳ​ຕໍ່​ສັດປ່າ ​ແລະ ມໍລະດົກ​ທາງ​ທຳ​ມະ​ຊາດ​ຂອງ​ປະ​ເທດ ​ໂດຍ​ລູກ​ເຕົ່າ​ຂະໜາດ​ນີ້​ສາມ​າດສ້າງ​ເງິນ​ໄດ້​ໂຕ​ລະ​ປະມານ 5.000 ​ໂດ​ລາ​ສະຫະລັດ ​ເຊິ່ງມີ​ໂທດ​ຂໍ້​ຫາ​ລັກລອບ​ນຳ​ສັດ​ຈາກ​ໝູ່​ເກາະ​ກາ​ລາ​ປາກອສ ຄື​ຕິດ​ຄຸກ 1-3 ປີ.

ເອກົວດໍຢຶດລູກເຕົ່າກາລາປາກອລ 185 ໂຕ ຫໍ່ດ້ວຍປລາສຕິກເຊື່ອງໃນກະເປົາເດີນທາງ - Wave100S AD to Website 2020 0 - ເອກົວດໍຢຶດລູກເຕົ່າກາລາປາກອລ 185 ໂຕ ຫໍ່ດ້ວຍປລາສຕິກເຊື່ອງໃນກະເປົາເດີນທາງ

ທັງ​ນີ້, ພືດ ​ແລະ ສັດ​ຫລາຍ​ຊະນິດ​ທີ່​ພົບ​ໃນ​ໝູ່​ເກາະ​ກາ​ລາ​ປາກອສມີ​ລັກສະນະ​ເກົ່າ​ແກ່​ທາງ​ທຳ​ມະ​ຊາດ ​ແລະ ມີ​ເອກະລັກ​ສະ​ເພາະ​ຖິ່ນ ​ໂດຍ​ເຕົ່າ​ກາ​ລາ​ປາກ​ອສ​ເປັນ​ສັດ​ທີ່​ໂດ່​ງດັງ ​ແລະ ມີ​ຊື່​ສຽງ​ວ່າ​ເປັນ​ເຕົ່າ​ທີ່​ມີ​ຂະໜາດ​ໃຫຍ່ ​ໃນ​ໝູ່​ເກາະ​ທີ່​ຕັ້ງຢູ່​ໃນ​ມະຫາ​ສະໝຸດ​ປາຊີ​ຟິກຈາກ​ເບື້ອງ​ເອກົວ​ດໍ​ປະມານ 1.000 ກມ.

ເອກົວດໍຢຶດລູກເຕົ່າກາລາປາກອລ 185 ໂຕ ຫໍ່ດ້ວຍປລາສຕິກເຊື່ອງໃນກະເປົາເດີນທາງ - WhatsApp Image 2020 05 27 at 5 - ເອກົວດໍຢຶດລູກເຕົ່າກາລາປາກອລ 185 ໂຕ ຫໍ່ດ້ວຍປລາສຕິກເຊື່ອງໃນກະເປົາເດີນທາງ
ເອກົວດໍຢຶດລູກເຕົ່າກາລາປາກອລ 185 ໂຕ ຫໍ່ດ້ວຍປລາສຕິກເຊື່ອງໃນກະເປົາເດີນທາງ - WhatsApp Image 2020 05 27 at 5 - ເອກົວດໍຢຶດລູກເຕົ່າກາລາປາກອລ 185 ໂຕ ຫໍ່ດ້ວຍປລາສຕິກເຊື່ອງໃນກະເປົາເດີນທາງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!