ສາຍການບິນ ANA ຂອງຍີ່ປຸ່ນ ທົດລອງ “ພາດສະປອດດິຈີຕອນໂຄວິດ-19”

ສາຍການບິນ ANA ຂອງຍີ່ປຸ່ນ ທົດລອງ “ພາດສະປອດດິຈີຕອນໂຄວິດ-19” - ANA airline - ສາຍການບິນ ANA ຂອງຍີ່ປຸ່ນ ທົດລອງ “ພາດສະປອດດິຈີຕອນໂຄວິດ-19”
ສາຍການບິນ ANA ຂອງຍີ່ປຸ່ນ ທົດລອງ “ພາດສະປອດດິຈີຕອນໂຄວິດ-19” - Untitled design - ສາຍການບິນ ANA ຂອງຍີ່ປຸ່ນ ທົດລອງ “ພາດສະປອດດິຈີຕອນໂຄວິດ-19”

ວັນ​ທີ 29 ມີນາ, ສາຍ​ການບິນ All Nippon Airways (ANA) ຂອງ​ຍີ່ປຸ່ນ ທົດ​ລອງ​ໃຊ້​ໃບຮັບ​ຮອງ​ຜົນ​ກວດ​ໂຄ​ວິດ-19 ​ແລະ ສະຖານະ​ການ​ສັກ​ວັກ​ຊີ​ນ​ແບບ​ດິຈີ​ຕອນ ຢູ່​ສະໜາມ​ບິນ​ຮາ​ເນ​ດະ ​ໃນ​ນະຄອນຫລວງ​ໂຕ​ກຽວ ​ໂດຍ​ເປັນ​ສ່ວນ​ໜຶ່ງຂອງ​ຄວາມ​ພະຍາຍາມ​ລະດັບ​ໂລກ​ທີ່​ໄດ້​ຮັບ​ການ​ສະໜັບສະໜູນ​ຈາກ​ກອງ​ປະຊຸມ​ເສດຖະກິດ​ໂລກ (WEF) ​ເຊິ່ງມຸ້ງ​ເຮັດ​ໃຫ້ການ​ເດີນທາງ​ມີ​ຄວາມ​ປອດ​ໄພ​ຍິ່ງ​ຂຶ້ນ.

ຜູ້​ໂດຍສານ 2 ຄົນ​ໃຊ້​ແອັບ​ພລິ​ເຄຊັນ CommonPass ​ໃນ​ສະມາດ​ໂຟນ ສະ​ແດງ​ຜົນ​ກວດ​ພະຍາດ​ທີ່​ເປັນ​ລົບ ​ໂດຍ​ຖື​ເປັນ​ການ​ທົດ​ລອງ​ໃຊ້​ໜັງສື​ເດີນທາງ​ສຸຂະພາບ​ດິຈີ​ຕອນ​ຄັ້ງທຳ​ອິດ​ໃນ​ຍີ່ປຸ່ນ ​ໂດຍ​ແອັບ​ດັ່ງ​ກ່າວ​ເປັນ​ໜຶ່ງ​ໃນ​ແອັບ​ທີ່ຢູ່​ລະຫວ່າງ​ການ​ທົດ​ລອງ​ທົ່ວ​ໂລກ ​ເນື່ອງ​ຈາກ​ອຸດສາຫະກຳ​ທ່ອງ​ທ່ຽວ ​ແລະ ຫລາຍ​ໜ່ວຍ​ງານ​ລະດັບ​ໂລກ​ຕ່າງ​ຫວັງ​ວ່າການ​ເຮັດ​ໃຫ້​ຜົນ​ທົດ​ລອງ​ພະຍາດ ​ແລະ ສະຖານະ​ການ​ສັກ​ວັກ​ຊີ​ນປ່ຽນ​ມາ​ຢູ່​ໃນ​ຮູບ​ແບບ​ດິຈີ​ຕອນ​ນັ້ນ ອາດ​ມີ​ບົດບາດ​ຟື້ນຟູ​ການທ່ອງທ່ຽວ​ໄດ້.

Commons Project Foundation ຜູ້​ພັດທະນາ​ແອັບ CommonPass ກ່າວ​ວ່າ: ມີ​ແຜນ​ເປີດ​ຕົວ​ແພກຟອມດິຈີ​ຕອນ​ທີ່​ໜ້າ​ເຊື່ອ​ຖື​ຫລາຍ​ຂຶ້ນ​ໃນ​ຫລາຍ​ປະ​ເທດ​ທົ່ວ​ໂລກ ສຳລັບ​ການກວດ​ສອບ​ສະຖານະ​ສຸຂະພາບ​ຂອງ​ຜູ້​ເດີນທາງ​ຂາ​ເຂົ້າ.

ປັດຈຸບັນ​ຜົນ​ກວດ​ພະຍາດ​ໂຄ​ວິດ-19 ຂອງ​ບັນດາ​ປະ​ເທດ ມັກ​ຢູ່​ໃນ​ຮູບ​ແບບ​ເຈ້ຍ ​ແລະ ບໍ່​ໄດ້​ມາດຕະຖານ​ລະດັບ​ໂລກ “ການ​ທົດ​ລອງ​​ໃຊ້​ແອັບ​ຊ່ວຍ​ຮັບປະກັນ​ວ່າ​ຂັ້ນຕອນ​ເຫລົ່າ​ນີ້ຈະ​ເຮັດ​​ໃຫ້ການ​ເດີນທາງ​ລະຫວ່າງ​ປະ​ເທດ​ສະດວກ​ສະບາຍ​ຂຶ້ນ. ຂະນະ​ດຽວ​ກັນ ກໍ​ປົກ​ປ້ອງ​ການ​ເປັນ​ສ່ວນ​ຕົວ​ຂອງ​ຜູ້​ໂດຍສານ”.

ສາຍການບິນ ANA ຂອງຍີ່ປຸ່ນ ທົດລອງ “ພາດສະປອດດິຈີຕອນໂຄວິດ-19” - Wave100S AD to Website 2020 0 - ສາຍການບິນ ANA ຂອງຍີ່ປຸ່ນ ທົດລອງ “ພາດສະປອດດິຈີຕອນໂຄວິດ-19”

ທັງ​ນີ້, ນອກຈາກ​ສາຍ​ການບິນ ANA ​ແລ້ວ, ສາຍ​ການບິນ​ອື່ນໆ​ອີກ 7 ​ແຫ່ງ​ທົ່ວ​ໂລກ ​ເຊິ່ງລວມທັງ Japan Airlines ​ໄດ້​ເຂົ້າຮ່ວມ​ການ​ທົດ​ລອງ​ໃຊ້​ໃບຮັບ​ຮອງ​ດິຈີ​ຕອນ​ຂອງ CommonPass ​ເຊັ່ນ​ກັນ.

ອ້າງ​ອີງ: ສຳນັກ​ຂ່າວ​ຊິນ​ຮົວ

ສາຍການບິນ ANA ຂອງຍີ່ປຸ່ນ ທົດລອງ “ພາດສະປອດດິຈີຕອນໂຄວິດ-19” - WhatsApp Image 2020 05 27 at 5 - ສາຍການບິນ ANA ຂອງຍີ່ປຸ່ນ ທົດລອງ “ພາດສະປອດດິຈີຕອນໂຄວິດ-19”
ສາຍການບິນ ANA ຂອງຍີ່ປຸ່ນ ທົດລອງ “ພາດສະປອດດິຈີຕອນໂຄວິດ-19” - WhatsApp Image 2020 05 27 at 5 - ສາຍການບິນ ANA ຂອງຍີ່ປຸ່ນ ທົດລອງ “ພາດສະປອດດິຈີຕອນໂຄວິດ-19”
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!