ທະນາຄານກາງ ສ.ເກົາຫລີ ປັບເພີ່ມຄາດຄະເນຕົວເລກ GDP

- 1499932083008 960x0 - ທະນາຄານກາງ ສ.ເກົາຫລີ ປັບເພີ່ມຄາດຄະເນຕົວເລກ GDP
- Untitled design - ທະນາຄານກາງ ສ.ເກົາຫລີ ປັບເພີ່ມຄາດຄະເນຕົວເລກ GDP

- 1042428 image2 1 - ທະນາຄານກາງ ສ.ເກົາຫລີ ປັບເພີ່ມຄາດຄະເນຕົວເລກ GDP

ທະນາຄານ​ກາງ ສ.​ເກົາຫລີ ປັບ​ເພີ່ມ​ຕົວ​ເລກ​ຄາດ​ຄະ​ເນ​ການ​ຂະຫຍາຍຕົວ​​ເສດຖະກິດ​ຂອງ​ປະ​ເທດ​ໃນ​ປີ​ນີ້​ໃຫ້​ຢູ່​ລະດັບ 2,8% ຈາກ​ທີ່​ເຄີຍ​ຄາດ​ຄະ​ເນ​ໄວ້ 2,6% ​ໃນ​ເດືອນ​ເມສາ​ຜ່ານ​ມາ ​ເປັນ​ອັດຕາ​ການ​ຂະຫຍາຍຕົວ​ສູງ​ທີ່​ສຸດ​ໃນ​ຮອບ 3 ປີ.

ຖື​ເປັນຄັ້ງທີ 2 ​ໃນ​ຮອບ 3 ​ເດືອນ ທີ່​ທະນາຄານ​ກາງ ສ.​ເກົາຫລີ ປັບ​ເພີ່ມ​ຄາດ​ຄະ​ເນ​ອັດຕາ​ການ​ຂະຫຍາຍຕົວ​ຂອງ​ລວມຍອດ​ຜະລິດ​ຕະພັນ​ພາຍ​ໃນ (GDP) ສຳລັບ​ປີ​ນີ້. ນອກຈາກ​ນີ້ ​ທະນາຄານ​ກາງ​ຍັງ​ຄາດ​ຄະ​ເນ​ອັດຕາ​ການ​ຂະຫຍາຍຕົວ​ຂອງ GDP ​ໃນ​ປີໜ້າ​ລະດັບ 2,9% ​ໂດຍ​ຂະ​ແໜງ​ການ​ສົ່ງ​ອອກ ​ແລະ ອຸປະ​ສົງ​ສິນຄ້າ​ເຕັກ​ໂນ​ໂລ​ຊີ​ທີ່​ແຂງ​ແຮງ​ຈະ​ເປັນ​ປັດ​ໄຈ​ຊ່ວຍ​ຂັບ​ເຄື່ອນ​ໃຫ້​ເສດຖະກິດ​ຂອງ​ປະ​ເທດ​ຟື້ນຕົວ.

- Korean Won Notes and Change - ທະນາຄານກາງ ສ.ເກົາຫລີ ປັບເພີ່ມຄາດຄະເນຕົວເລກ GDP

- Wave100S AD to Website 2020 0 - ທະນາຄານກາງ ສ.ເກົາຫລີ ປັບເພີ່ມຄາດຄະເນຕົວເລກ GDP

ທ່ານ ລີ ຈູ ຍອນ ຜູ້​ວ່າ​ທະນາຄານ​ກາງ ສ.​ເກົາຫລີ ກ່າວ​ກັບ​ນັກ​ຂ່າວ​ວ່າ: ​ເຖິງ​ວ່າ​ອຸປະ​ສົງ​ພາຍ​ໃນ​ປະ​ເທດ​ຍັງ​ອ່ອນ​ແອ, ​ແຕ່​ການ​ສົ່ງ​ອອກ​ພວມ​ຂະຫຍາຍຕົວ​ຢ່າງ​ວ່ອງ​ໄວ, ສ່ວນ​ປັດ​ໄຈ​ລົບ​ທາງ​ດ້ານ​ເສດຖະກິດ​ປະກອບ​ມີ ການ​ດຳ​ເນີນ​ນະ​ໂຍບາຍ​ປົກ​ປ້ອງ​ການ​ຄ້າ​ໃນ​ຫລາຍ​ປະ​ເທດ​ເຊັ່ນ: ອາ​ເມ​ລິ​ກາ ​ແລະ ຄວາມ​ບໍ່​ແນ່ນອນພາຍ​ໃນ​ປະ​ເທດ​ກໍລະນີ​ໄພ​ຄຸກ​ຄາມ​ຈາກ​ອາວຸດ​ນິວ​ເຄຼຍ ​ແລະ ລູກ​ສອນ​ໄຟ​ຂອງ ສປປ ​ເກົາຫລີ. ​ເຖິງ​ຢ່າງ​ໃດ​ກໍ​ດີ, ທ່ານ​ເຊື່ອ​ວ່າ: ​ເສດຖະກິດ​ຂອງ ສ.​ເກົາຫລີ ຈະ​ຍັງ​ຂະຫຍາຍຕົວ​ຢ່າງ​ແຂງ​ແຮງ.

ນັກວິ​ເຄາະ​ບາງ​ທ່ານ​ເບິ່ງ​ວ່າ: ຕົວ​ເລກ​ຄາດ​ຄະ​ເນ​ອັດຕາ​ການ​ຂະຫຍາຍຕົວ​ທາງ​ເສດຖະກິດ​ຂອງ​ທະນາຄານ​ກາງ ສ.​ເກົາຫລີ ສູງ​ເກີນ​ກວ່າ​ຄວາມ​ເປັນ​ຈິງ. ນັກ​ເສດຖະສາດ​ຈາກ​ບໍລິສັດ​ຫລັກ​ຊັບ​ໂນມູຣະ ທ່ານ​ໜຶ່ງ​ກ່າວ​ວ່າ: ບັນຫາ​ໜີ້​ພາກ​ຄົວ​ເຮືອນ​ສູງ, ສັງຄົມ​ຜູ້​ອາຍຸ​ສູງ ​ແລະ ອັດຕາ​ການ​ເກີດ​ຕໍ່າ​ຢູ່ ສ.​ເກົາຫລີ ຈະ​ຍັງ​ເປັນ​ປັດ​ໄຈ​ກົດ​ດັນ​ອຸປະ​ສົງ​ຂອງ​ຜູ້​ບໍລິ​ໂພ​ກພາຍ​ໃນ​ປະ​ເທດ, ທ່ານ​ຈຶ່ງ​ຄາດ​ວ່າ: GDP ຈະ​ຂະຫຍາຍຕົວ​ພຽງ 2,7% ​ໃນ​ປີ​ນີ້ ​ແລະ ຈະ​ຫລຸດ​ລົງ​ເຫລືອ 2,3% ​ໃນ​ປີໜ້າ.

- WhatsApp Image 2020 05 27 at 5 - ທະນາຄານກາງ ສ.ເກົາຫລີ ປັບເພີ່ມຄາດຄະເນຕົວເລກ GDP
- WhatsApp Image 2020 05 27 at 5 - ທະນາຄານກາງ ສ.ເກົາຫລີ ປັບເພີ່ມຄາດຄະເນຕົວເລກ GDP
error: Alert: ເນື້ອຫາຂ່າວມີລິຂະສິດ !!