Pfizer-BioNTech ເຜີຍຜົນທົດລອງວັກຊີນຕ້ານໂຄວິດ-19 ໃນເຍົາວະຊົນອາຍຸ 12-15 ປີ ພົບປະສິດທິພາບ 100%

Pfizer-BioNTech ເຜີຍຜົນທົດລອງວັກຊີນຕ້ານໂຄວິດ-19 ໃນເຍົາວະຊົນອາຍຸ 12-15 ປີ ພົບປະສິດທິພາບ 100% - hypatia h 68123c89bc71577a4aab618bc16ad2b4 h 4ac63a05636e1ceb6d4ab4326dd83cb9 860x574 1 - Pfizer-BioNTech ເຜີຍຜົນທົດລອງວັກຊີນຕ້ານໂຄວິດ-19 ໃນເຍົາວະຊົນອາຍຸ 12-15 ປີ ພົບປະສິດທິພາບ 100%
Pfizer-BioNTech ເຜີຍຜົນທົດລອງວັກຊີນຕ້ານໂຄວິດ-19 ໃນເຍົາວະຊົນອາຍຸ 12-15 ປີ ພົບປະສິດທິພາບ 100% - Untitled design - Pfizer-BioNTech ເຜີຍຜົນທົດລອງວັກຊີນຕ້ານໂຄວິດ-19 ໃນເຍົາວະຊົນອາຍຸ 12-15 ປີ ພົບປະສິດທິພາບ 100%

Pfizer-BioNTech ​ເປີດ​ເຜີຍຜົນ​ການ​ທົດ​ລອງ​ທາງ​ຄລີ​ນິກ​ໄລຍະ​ທີ 3 ຂອງ​ວັກ​ຊີ​ນຕ້ານ​ໂຄ​ວິດ-19 Pfizer-BioNTech ​ໃນ​ເຍົາວະ​ຊົນ​ອາຍຸ 12-15 ປີ ຈຳນວນ 2.260 ຄົນ ວ່າ​ວັກ​ຊີ​ນມີ​ປະສິດທິພາບ 100% ​ແລະ ທົນ​ຕໍ່​ຜົນ​ຂ້າງຄຽງ​ໄດ້​ດີ.

​ໂດຍ​ຫລັງ​ຈາກ​ໄດ້​ຮັບ​ວັກ​ຊີ​ນ​ໂດ​ສທີ 2 ​ເປັນ​ເວລາ 1 ​ເດືອນ ພົບ​ວ່າ: ວັກ​ຊີ​ນກະ​ຕຸ້ນ​ໃຫ້​ເກີດ​ການ​ຕອບ​ສະໜອງ​ຂອງ​ແອນ​ຕິ​ບໍດີ​ໄດ້​ຢ່າງ​ແຂງ​ແກ່ນ ​ແລະ ດີກ​ວ່າ​ໃນ​ການ​ທົດ​ລອງ​ກັບ​ບຸກຄົນ​ອາຍຸ 16-25 ປີ​ທີ່​ເກີດ​ຂຶ້ນກ່ອນ​ໜ້າ. ​ເຖິງ​ຢ່າງ​ໃດ​ກໍ​ຕາມ, Pfizer-BioNTech ລະບຸ​ເພີ່ມ​ຕື່ມ​ວ່າ: ຜົນ​ຂ້າງຄຽງ​ທີ່​ເກີດ​ຂຶ້ນກັບ​ເຍົາວະ​ຊົນ​ອາຍຸ 12-15 ປີນັ້ນຄ້າຍ​ກັບ​ບຸກຄົນ​ອາຍຸ 16-25 ປີ ​ໂດຍ​ຜົນ​ຂ້າງຄຽງ​ທີ່​ພົບ​ເລື້ອຍ ​ໄດ້​ແກ່ ອາການ​ປວດ​ບໍລິ​ເວນ​ທີ່​ສັກ​ວັກ​ຊີ​ນ, ການ​ອ່ອນ​ເພຍ ​ແລະ ອາການ​ໄຂ້.

ທັງ​ນີ້, ​ໃນ​ການ​ທົດ​ລອງ​ດັ່ງກ່າວ​ມີ​ຜູ້​ໄດ້​ຮັບ​ວັກ​ຊີ​ນ ​ແລະ ຢາ​ຂີ້​ຕົວະ​ໃກ້​ຄຽງ​ກັນ ​ແລະ ຜູ້​ເຂົ້າຮ່ວມ​ການ​ທົດ​ລອງ​ຈະ​ຖືກ​ກວດ​ສອບ ​ເພື່ອ​ປ້ອງ​ກັນ ​ແລະ ​ເບິ່ງ​ແຍງ​ຄວາມ​ປອດ​ໄພ​ເປັນ​ເວລາ 2 ປີ​ຫລັງ​ໄດ້​ຮັບ​ວັກ​ຊີ​ນ​ໂດ​ສທີ 2.

ການ​ທົດ​ລອງ​ນີ້​ຖື​ເປັນ​ການ​ຕໍ່​ຍອດ​ຄວາມ​ເຂົ້າ​ໃຈ​ທີ່​ນັກວິ​ໄຈ​​ໄດ້​ຈາກ​ການ​ທົດ​ລອງ​ວັກ​ຊີ​ນ​ໃນ​ຜູ້​ໃຫຍ່ ​ເຊິ່ງນັກວິ​ໄຈ​ສາມາດ​ກຳນົດ​ຈຳນວນ​ຂອງ​ແອນ​ຕິ​ບໍດີ​ທີ່​ຖື​ເປັນ​ສິ່ງ​ທີ່​ມີ​ການ​ພົວພັນ​ກັບ​ການ​ປ້ອງ​ກັນ​ພະຍາດ​ທີ່​ພົບ​ໃນ​ຜູ້​ໃຫຍ່ ​ແລະ ກວດ​ສອບ​ລະດັບ​ຂອງ​ແອນ​ຕິ​ບໍດີ​ໃນ​ເດັກ ​ເພື່ອ​ໃຫ້​ຮູ້​ວ່າ​ວັກ​ຊີ​ນກຳລັງ​ໃຫ້ການ​ປ້ອງ​ກັນ​ພະຍາດ ​ແລະ ​ເຮັດ​ໃຫ້ການ​ທົດ​ລອງ​ໃນ​ກຸ່ມ​ເດັກ ​ແລະ ຊາວ​ໜຸ່ມ​ໂດຍ​ທົ່ວ​ໄປ​ຕ້ອງການ​ຈຳນວນ​ຜູ້​ເຂົ້າຮ່ວມ​ໜ້ອຍ​ກວ່າ​ອາສາ​ສະໝັກ​ໃນ​ການ​ທົດ​ລອງ​ກັບ​ຜູ້​ໃຫຍ່.

ທັງ​ນີ້, ອັລ​ເບິດ ​ເບີ​ລາ CEO ຂອງ Pfizer ລະບຸ​ວ່າ: ຈະ​ຍື່ນ​ຂໍ້​ມູນ​ດັ່ງກ່າວ​ໃຫ້​ອົງການ​ອາຫານ ​ແລະ ຢາ​ອາ​ເມ​ລິ​ກາ (FDA) ​ເພື່ອ​ສະ​ເໜີ້​ແກ້​ໄຂ​ການ​ອະນຸຍາດ​ນຳ​ໃຊ້​ວັກ​ຊີ​ນ​ໃນ​ສະພາບ​ສຸກ​ເສີນ ​ເພື່ອ​ໃຫ້​ຄວບ​ຄຸມ​ເຍົາວະ​ຊົນ​ອາຍຸ 12-15 ປີ ​ໃນ​ມໍ່ໆ​ນີ້ ​ແລະ ຈະ​ຍື່ນ​ຄຳ​ຂໍ​ແບບ​ດຽວ​ກັນ​ກັບ​ໜ່ວຍ​ງານ​ເບິ່ງ​ແຍງ​ອື່ນໆ​ທົ່ວ​ໂລກ ດ້ວຍ​ຄວາມ​ຫວັງ​ວ່າ​ຈະ​ສາມາດ​ໃຫ້​ວັກ​ຊີ​ນກັບ​ປະຊາກອນ​ໃນ​ກຸ່ມ​ອາຍຸ​ນີ້​ໄດ້​ກ່ອນ​ເລີ່​ມປີ​ການ​ສຶກສາ​ໜ້າ.

Pfizer-BioNTech ເຜີຍຜົນທົດລອງວັກຊີນຕ້ານໂຄວິດ-19 ໃນເຍົາວະຊົນອາຍຸ 12-15 ປີ ພົບປະສິດທິພາບ 100% - Wave100S AD to Website 2020 0 - Pfizer-BioNTech ເຜີຍຜົນທົດລອງວັກຊີນຕ້ານໂຄວິດ-19 ໃນເຍົາວະຊົນອາຍຸ 12-15 ປີ ພົບປະສິດທິພາບ 100%

ອ້າງ​ອີງ:

https://edition.cnn.com/2021/03/31/health/pfizer-vaccine-adolescent-trial-results/index.html

Pfizer-BioNTech ເຜີຍຜົນທົດລອງວັກຊີນຕ້ານໂຄວິດ-19 ໃນເຍົາວະຊົນອາຍຸ 12-15 ປີ ພົບປະສິດທິພາບ 100% - WhatsApp Image 2020 05 27 at 5 - Pfizer-BioNTech ເຜີຍຜົນທົດລອງວັກຊີນຕ້ານໂຄວິດ-19 ໃນເຍົາວະຊົນອາຍຸ 12-15 ປີ ພົບປະສິດທິພາບ 100%
Pfizer-BioNTech ເຜີຍຜົນທົດລອງວັກຊີນຕ້ານໂຄວິດ-19 ໃນເຍົາວະຊົນອາຍຸ 12-15 ປີ ພົບປະສິດທິພາບ 100% - WhatsApp Image 2020 05 27 at 5 - Pfizer-BioNTech ເຜີຍຜົນທົດລອງວັກຊີນຕ້ານໂຄວິດ-19 ໃນເຍົາວະຊົນອາຍຸ 12-15 ປີ ພົບປະສິດທິພາບ 100%
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!