ທ່ານ ຄີມຈອງອູນ ລົງຕິດຕາມ, ຊຸກຍູ້ໂຄງການກໍ່ສ້າງທີ່ຢູ່ອາໄສ 50.000 ຫ້ອງຄົວເຮືອນ

- 14 2 - ທ່ານ ຄີມຈອງອູນ ລົງຕິດຕາມ, ຊຸກຍູ້ໂຄງການກໍ່ສ້າງທີ່ຢູ່ອາໄສ 50.000 ຫ້ອງຄົວເຮືອນ
- Untitled design - ທ່ານ ຄີມຈອງອູນ ລົງຕິດຕາມ, ຊຸກຍູ້ໂຄງການກໍ່ສ້າງທີ່ຢູ່ອາໄສ 50.000 ຫ້ອງຄົວເຮືອນ

ສຳນັກຂ່າວສານ KCNA ຂອງເກົາຫຼີເໜືອ  ລາຍງານເມື່ອວັນທີ 1 ເມສານີ້ ໃຫ້ຮູ້ວ່າ ປະທານ ຄີມຈອງອູນ ໄດ້ລົງຕິດຕາມ, ຊຸກຍູ້ໂຄງການກໍ່ສ້າງທີ່ພັກພາອາໄສ 50.000 ຫ້ອງຢູ່ທີ່ນະຄອນຫຼວງ ພຽງຢາງ ພ້ອມທັງອອກຄຳສັ່ງໃຫ້ເລັ່ງກໍ່ສ້າງໃຫ້ໄວ ເພື່ອຮັບໃຊ້ຊີວິດການເປັນຢູ່ຂອງປະຊາຊົນ.

ຜູ້ນຳເກົາຫຼີເໜືອ ໄດ້ລົງມາຕິດຕາມການກໍ່ສ້າງເປັນຄັ້ງທີ 2, ຊຶ່ງຄັ້ງທີໜຶ່ງທ່ານລົງໄປໃນວັນທີ 25 ມີນາທີ່ຜ່ານມາ.

ສຳນັກຂ່າວ KCNA ໃຫ້ຮູ້ເພີ່ມເຕີມວ່າ ທ່ານປະທານ ໄດ້ເນັ້ນໃຫ້ເຫັນຄວາມຈຳເປັນ ແລະ ຄວາມສຳຄັນຂອງການກໍ່ສ້າງທີ່ຢູ່ອາໄສໃນຄັ້ງນີ້ວ່າ ເປັນໜຶ່ງໃນບັນຫາທີ່ຮີບດ່ວນ ທັງນີ້ກໍເພື່ອຍົກສູງລະດັບຊີວິດການເປັນຢູ່ໃຫ້ກັບປະຊາຊົນ ແລະ ປະຕິບັດການປ່ຽນແປງໃໝ່ ບໍ່ສະເພາະແຕ່ກໍ່ສ້າງ 50.000 ຫ້ອງຢູ່ໃນ ນະຄອນພຽງຢາງ ເທົ່ານັ້ນ ແຕ່ຫາກຍັງຈະສ້າງຢູ່ໃນຫຼາຍໆແຂວງຕື່ມອີກ.

ການສ້າງທີ່ຢູ່ອາໄສຄັ້ງນີ້ ຈະເປັນຂອງຂວັນໃຫ້ແກ່ຊາວຜູ້ອອກແຮງງານ, ໃນນັ້ນ ລວມມີທັງນັກປ່ຽນແປງໃໝ່ດ້ານແຮງງານ ແລະ ຜູ້ທີ່ດີເດັນຮອບດ້ານ, ນັກວິທະຍາສາດ, ນັກສຶກສາສາດ ແລະ ນັກວັນນະຄະດີ.

ໃນອາທິດທີ່ຜ່ານມາ ທ່ານໄດ້ເລືອກເອົາການລົງໄປຢ້ຽມຢາມໂຄງການກໍ່ສ້າງທີ່ຢູ່ອາໄສ ໂດຍບໍ່ເຂົ້າຮ່ວມການຍິງທົດລອງລູກສອນໄຟ, ນີ້ສະແດງໃຫ້ເຫັນວ່າ ຜູ້ນຳເກົາຫຼີເໜືອ ມີຄວາມເປັນຫວ່ງເປັນໃຍຕໍ່ຊີວິດການເປັນຢູ່ຂອງປະຊາຊົນ ໃນຂະນະທີ່ເສດຖະກິດຂອງປະເທດຍັງມີຄວາມຫຍຸ້ງຍາກ ເພື່ອກ້າວໄປເຖິງຈຸດໝາຍການພັດທະນາຂອງພັກວາງໄວ້ໃນເດືອນ ມັງກອນທີ່ຜ່ານມາ.

- Wave100S AD to Website 2020 0 - ທ່ານ ຄີມຈອງອູນ ລົງຕິດຕາມ, ຊຸກຍູ້ໂຄງການກໍ່ສ້າງທີ່ຢູ່ອາໄສ 50.000 ຫ້ອງຄົວເຮືອນ

ໃນກອງປະຊຸມໃຫ່ຍຂອງພັກ ທ່ານ ຄີມຈອງອູນຍອມຮັບການປະລາໄຊໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ທີ່ຜ່ານມາ ແລະ ປະກາດແຜນພັດທະນາເສດຖະກິດ-ສັງຄົມໃໝ່ 5 ປີຕໍ່ໜ້າ, ໃນນັ້ນມີແຜນກໍ່ສ້າງທີ່ຢູ່ອາໄສ 50.000 ຫ້ອງຄົວເຮືອນໃຫ້ປະຊາຊົນໃນນະຄອນພຽງຢາງເມື່ອຮອດປີ 2025.

ວັນທີ 23 ມີນາຜ່ານມາ, ທ່ານໄດ້ເຂົ້າຮ່ວມພິທີວາງສີລາລຶກກໍ່ສ້າງ 10.000 ຫ້ອງຄົວເຮືອນຢູ່ທີ່ ພຽງຢາງ ພ້ອມທັງຮຽກຮ້ອງໃຫ້ເຈົ້າໜ້າທີ່ຍູ້ແຮງຄວາມຄືບໜ້າຂອງໂຄງການດ້ວຍຫຼາຍຮູບແບບ ທີ່ເຂັ້ມງວດກວ່າເວລາໃດໝົດ.

- WhatsApp Image 2020 05 27 at 5 - ທ່ານ ຄີມຈອງອູນ ລົງຕິດຕາມ, ຊຸກຍູ້ໂຄງການກໍ່ສ້າງທີ່ຢູ່ອາໄສ 50.000 ຫ້ອງຄົວເຮືອນ
- WhatsApp Image 2020 05 27 at 5 - ທ່ານ ຄີມຈອງອູນ ລົງຕິດຕາມ, ຊຸກຍູ້ໂຄງການກໍ່ສ້າງທີ່ຢູ່ອາໄສ 50.000 ຫ້ອງຄົວເຮືອນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!