ຈະລາຈອນ ນວ ສຶກສາອົບຮົມຜູ້ປະກອບການບໍລິສັດລົດບັນທຸກໜັກ ພ້ອມໂຊເຟີລົດ 4 ຄົນ

- 167119711 1095657407582976 358410574147215835 n - ຈະລາຈອນ ນວ ສຶກສາອົບຮົມຜູ້ປະກອບການບໍລິສັດລົດບັນທຸກໜັກ ພ້ອມໂຊເຟີລົດ 4 ຄົນ
- Untitled design - ຈະລາຈອນ ນວ ສຶກສາອົບຮົມຜູ້ປະກອບການບໍລິສັດລົດບັນທຸກໜັກ ພ້ອມໂຊເຟີລົດ 4 ຄົນ

ພັທ ວິລະພົງ ສະເໜ່ຫາ ຫົວໜ້າພະແນກຕໍາຫຼວດຈະລາຈອນ ຫ້ອງຕໍາຫຼວດ ປກສ ນວ ໃຫ້ຮູ້ວ່າ: ວັນທີ 30 ມີນາ 2021 ນີ້, ຕໍາຫຼວດ ປກສ ນະຄອນຫຼວງວຽງຈັນ ໄດ້ມີພິທີສຶກສາອົບຮົມ ຜູ້ປະກອບການ ບໍລິສັດລົດບັນທຸກໜັກ ພ້ອມດ້ວຍໂຊເຟີລົດ ທີ່ລະເມີດກົດລະບຽບຈະລາຈອນ ຈໍານວນ 4 ຄົນ, ເນື່ອງຈາກໄດ້ຮັບແຈ້ງຄວາມຈາກພົນລະເມືອງ ທີ່ພົບເຫັນຜູ້ຂັບລົດບັນທຸກໜັກແກ່ດິນແລ້ວບໍ່ປົກຜ້າບັດເຮັດໃຫ້ດິນຕົກລົງກາງທາງ, ຂັບລົດໄວເກີນຂອບເຂດ, ຂັບລົດຍ້ອນສອນ ຢູ່ເສັ້ນທາງ 450 ປີ.

ການສຶກສາອົບຮົມຄັ້ງນີ້, ເພື່ອເຮັດໃຫ້ຜູ້ປະກອບການ ແລະ ຜູ້ໃຊ້ລົດ-ໃຊ້ຖະໜົນຍົກສູງສະຕິເຄົາລົບລະບຽບກົດໝາຍ, ປະຕິບັດຕາມລະບຽບການສັນຈອນຢ່າງເຂັ້ມງວດ ແລະ ເພື່ອເຄົາລົບກົດ ໝາຍການສັນຈອນທາງບົກ; ນອກນີ້ທ່ານ ໄດ້ເວົ້າເຖິງຜົນເສຍຫາຍຂອງບັນຫາອຸບັດຕິເຫດ ທີ່ຜູ້ຂັບບໍ່ປະຕິບັດກົດລະບຽບການສັນຈອນທາງບົກ, ດຳລັດ 188/ນຍ ລົງວັນທີ 3 ກໍລະກົດ 2007 ມາດຕາທີ່ 38. ຍ້ອນໂຊເຟີລົດ ຂັບລົດດ້ວຍຄວາມໄວສູງຟ້າວຝັ່ງຂົນສົ່ງດິນບໍ່ປົກຜ້າບັດເຮັດໃຫ້ດິນຕົກລົງກາງທາງສ້າງຄວາມເປີ້ະເປື້ອນ, ຂັບລົດຍ້ອນສອນ ກາຍເປັນສາເຫດທີ່ພາໃຫ້ເກີດອຸບັດຕິເຫດຕາມມາສ້າງຄວາມເສຍຫາຍແກ່ຊີວິດ ແລະ ຊັບສິນ; ພ້ອມນັ້ນ, ທ່ານຫົວໜ້າພະແນກຕໍາຫຼວດຈະລາຈອນ ນວ ຍັງໄດ້ກ່າວເຕືຶອນເຖິງຜູ້ປະກອບການ ບໍລິສັດລົດບັນທຸກໜັກ ແລະ ໂຊເຟີລົດວ່າ ເພື່ອເຮັດໃຫ້ການຂົນສົ່ງມີຄວາມສະດວກ ແລະ ປອດໄພ, ບໍ່ສ້າງການກີດຂວາງໃຫ້ແກ່ສັງຄົມໃນການສັນຈອນໄປມາ ແມ່ນໃຫ້ປະຕິບັດກົດລະບຽບການສັນຈອນຢ່າງເຂັ້ມງວດ, ກວດເຕັກນິກລົດເປັນປົກກະຕິ, ມີເອກະສານລົດຄົບຖ້ວນ, ຜູ້ປະກອບການບໍລິສັດກ່ອນຈະຮັບໂຊເຟີລົດຕ້ອງກວດກາປະຫວັດຂໍ້ມູນຢ່າງລະອຽດ ເພື່ອຄວາມປອດໄພ ແລະ ຫຼຸດຜ່ອນອຸບັດຕິເຫດ.

ສໍາລັບໂຊເຟີລົດ ແມ່ນເຮັດບົດບັນທຶກສຶກສາອົບຮົມ ແລ້ວມອບຄືນໃຫ້ຜູ້ປະກອບການບໍລິສັດສຶກສາອົບຮົມຕໍ່.

 

- Wave100S AD to Website 2020 0 - ຈະລາຈອນ ນວ ສຶກສາອົບຮົມຜູ້ປະກອບການບໍລິສັດລົດບັນທຸກໜັກ ພ້ອມໂຊເຟີລົດ 4 ຄົນ
- WhatsApp Image 2020 05 27 at 5 - ຈະລາຈອນ ນວ ສຶກສາອົບຮົມຜູ້ປະກອບການບໍລິສັດລົດບັນທຸກໜັກ ພ້ອມໂຊເຟີລົດ 4 ຄົນ
- WhatsApp Image 2020 05 27 at 5 - ຈະລາຈອນ ນວ ສຶກສາອົບຮົມຜູ້ປະກອບການບໍລິສັດລົດບັນທຸກໜັກ ພ້ອມໂຊເຟີລົດ 4 ຄົນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!