ລັດຖະບານ ສ.ເກົາຫລີ ຖືກວິຈານວ່າອາໄສ COVAX ຫລາຍເກີນໄປ ຈົນແຜນສັກວັກຊີນໂຄວິດ-19 ຊັກຊ້າ

- download - ລັດຖະບານ ສ.ເກົາຫລີ ຖືກວິຈານວ່າອາໄສ COVAX ຫລາຍເກີນໄປ ຈົນແຜນສັກວັກຊີນໂຄວິດ-19 ຊັກຊ້າ
- Untitled design - ລັດຖະບານ ສ.ເກົາຫລີ ຖືກວິຈານວ່າອາໄສ COVAX ຫລາຍເກີນໄປ ຈົນແຜນສັກວັກຊີນໂຄວິດ-19 ຊັກຊ້າ

ສ.​ເກົາຫລີ ​ເລັ່ງ​ເຈລະຈາ​ຜູ້​ຜະລິດ​ວັກ​ຊີ​ນ ຫລັງ​ວັກ​ຊີ​ນທີ່​ໄດ້​ຮັບ​ຈາກ​ໂຄງການ​ໂຄ​ແວກ​ອາດ​ບໍ່​ເປັນ​ໄປ​ຕາມ​ແຜນ.

ວັນ​ທີ 1 ​ເມສາ 2021, ສຳນັກ​ຂ່າວຣອຍ​ເຕີ (Reuters) ລາຍ​ງານ​ວ່າ: ສ.​ເກົາຫລີ ກຳລັງ​ປະສົບ​ບັນຫາ​ການ​ກະກຽມ​ວັກ​ຊີ​ນປ້ອງ​ກັນ​ພະຍາດ​ໂຄ​ວິດ-19 ຫລັງ​ຈາກ​ໂຄງການ​ໂຄ​ແວກ (COVAX) ຫລຸດ​ຈຳນວນ​ວັກ​ຊີ​ນທີ່​ຈະ​ສົ່ງ​ມອບ ຈົນ​ກະທົບ​ຕໍ່​ແຜນການ​ສັກ​ວັກ​ຊີ​ນ​ໃຫ້​ປະຊາກອນ​ອາດ​ແກ່ຍາວ​ອອກ​ໄປ.

ກ່ອນ​ໜ້າ​ນີ້, ອົງການ​ອະນາ​ໄມ​ໂລກ ຫລື WHO ​ໄດ້​ອອກ​ມາ​ຍ້ອງຍໍ ສ.​ເກົາຫລີ ທີ່​ຕັດສິນ​ໃຈ​ຮັບ​ວັກ​ຊີ​ນຜ່ານ​ໂຄງການ, ​ແຕ່​ຕອນ​ນີ້​ພວກ​ເຂົາ​ພັດ​ຖືກ​ວິພາກ​ວິຈານ​ຈາກ​ປະຊາຊົນ​ໃນ​ປະ​ເທດ ທີ່​ລັດຖະບານ​ອາ​ໄສ​ວັກ​ຊີ​ນຈາກ​ໂຄງການ​ນີ້​ຫລາຍ​ເກີນ​ໄປ.

ນອກຈາກ ສ.​ເກົາຫລີ​ແລ້ວ, ອິນ​ໂດ​ເນ​ເຊຍ, ຟີ​ລິບ​ປິນ ​ແລະ ຫວຽດນາມ ກໍ​ໄດ້​ຮັບ​ຜົນ​ກະທົບ​ຈາກ​ຄວາມ​ຊັກ​ຊ້າ​ໃນ​ການ​ສົ່ງ​ມອບ​ວັກ​ຊີ​ນ​ເຊັ່ນ​ກັນ ​ເຊິ່ງ​ເປັນ​ຜົນ​ມາ​ຈາກ​​ອິນ​ເດຍຢຸດ​ການ​ສົ່ງ​ອອກ​ວັກ​ຊີ​ນຊົ່ວຄາວ.

ກ່ອນ​ໜ້າ​ນີ້​ໃນ​ເດືອນ​ກຸມພາ, ສ.​ເກົາຫລີ ຈຳ​ເປັນ​ຕ້ອງ​ຫລຸດ​ເປົ້າໝາຍ​ການ​ສັກ​ວັກ​ຊີ​ນພາຍ​ໃນ​ໄຕ​ມາດ​ທຳ​ອິດ​ລົງ ຈາກ 1,3 ລ້ານ​ຄົນ ​ເຫລືອ 750.000 ຄົນ ຫລັງ​ມີ​ການ​ປ່ຽນ​ແປງ​ຈຳນວນ​ວັກ​ຊີ​ນ AstraZeneca ທີ່​ໄດ້​ຮັບ​ຈາກ​ໂຄ​​ແວກ​ລົງ.

ຫລ້າ​ສຸດ, ​ໂຄ​ແວກ​ໄດ້​ຫລຸດ​ຈຳນວນ​ວັກ​ຊີ​ນລົງ​ອີກ​ໃນ​ອາທິດ​ນີ້ ຈາກ​ທີ່​ຈະ​ໄດ້​ຮັບ 690.000 ​ໂດ​ສ ​ເຫລືອ​ພຽງ 432.000 ​ໂດ​ສ ​ແລະ ອາດ​ຕ້ອງ​ລໍຖ້າ​ໄປ​ຈົນ​ຮອດ​ອາທິດ​ທີ 3 ຂອງ​ເດືອນ​ເມສາ.

​ເຫດການ​ທີ່​ເກີດ​ຂຶ້ນ​ເຮັດ​ໃຫ້​ທ່ານ ອີ​ຍອງ​ໂຮ ສະມາຊິກ​ສະພາ​ແຫ່ງ​ຊາດ​ຂອງ ສ.​ເກົາຫລີ ທີ່​ເປັນ​ກຳມາ​ທິການ​ສາທາລະນະ​ສຸກ ​ແລະ ສະຫວັດດີ​ການ ອອກ​ມາ​ຮຽກຮ້ອງ​ໃຫ້​ລັດຖະບານ​ຫາ​ທາງ​ອອກ ​ໂດຍ​ຢຸດ​ສົ່ງ​ອອກ​ວັກ​ຊີ​ນທີ່​ຜະລິດ​ພາຍ​ໃນ​ປະ​ເທດ ຫລື ​ໃຊ້​ວິທີ​ພິ​ເສດ​ອື່ນໆ ທີ່​ສາມາດ​ນຳ​ເຂົ້າວັກ​ຊີ​ນ​ໄດ້​ຕາມ​ແຜນ​ເກົ່າ.

- Wave100S AD to Website 2020 0 - ລັດຖະບານ ສ.ເກົາຫລີ ຖືກວິຈານວ່າອາໄສ COVAX ຫລາຍເກີນໄປ ຈົນແຜນສັກວັກຊີນໂຄວິດ-19 ຊັກຊ້າ

ສ່ວນ​ໜ່ວຍ​ງານ​ສາທາລະນະ​ສຸກ​ຂອງ ສ.​ເກົາຫລີ ຢືນຢັນ​ວ່າ: ຈະ​ບໍ່​ພິຈາລະນາ​ຢຸດ​ການ​ສົ່ງອອກ, ​ແຕ່​ຈະ​ໃຊ້​ວິທີ​ເຈລະຈາ​ກັບ​ຜູ້​ຜະລິດ ​ແລະ ຈັດ​ຈຳໜ່າຍ​ວັກ​ຊີ​ນ​ແທນ.

ສ.​ເກົາຫລີ ຖື​ເປັນ​ປະ​ເທດ​ຮັ່ງມີ​ບໍ່​ເທົ່າ​ໃດ​ປະ​ເທດ​ທີ່​ເລືອກ​ຮັບ​ວັກ​ຊີ​ນຈາກ​ໂຄງການ​ໂຄ​ແວກ. ຂະນະ​ທີ່​ປະ​ເທດ​ມະຫາ​ອຳນາດ​ອື່ນ​ຕ່າງ​ພະຍາຍາມ​ສັ່ງ​ຈອງ​ວັກ​ຊີ​ນ​ໃຫ້​ໄດ້​ຫລາຍ​ທີ່​ສຸດ ​ເພື່ອ​ສັກ​ໃຫ້​ປະຊາກອນ​ຂອງ​ຕົນ​ເອງ​ກ່ອນ, ​ແຕ່​ທາງ​ລັດຖະບານ​ຍັງ​ຢືນຢັນ​ວ່າ​ຈະ​ຍັງ​ສັກ​ວັກ​ຊີ​ນ​ໃຫ້​ປະຊາກອນ​ຕາມ​ແຜນ​ເກົ່າ ​ໂດຍ​ພາຍ​ໃນ​ໄຕ​ມາດ​ທີ 2 ນີ້​ຈະ​ໄດ້​ຮັບ​ວັກ​ຊີ​ນທີ່​ສັ່ງ​ຈອງ​ໂດຍ​ກົງ​ຈາກ​ໄຟ​ເຊີ 6 ລ້ານ​ໂດ​ສ ​ແລະ ​ແອ​ສຕຣາ​ເຊ​ນ​ເນ​ກ້າ​ອີກ 7 ລ້ານ​ໂດ​ສ ຖ້າ​ຂະ​ບວນການ​ບໍ່​ຊັກ​ຊ້າ​ໄປ​ອີກ.

ອ້າງ​ອີງ:

https://www.reuters.com/…/south-korea-pays-price-for…

- WhatsApp Image 2020 05 27 at 5 - ລັດຖະບານ ສ.ເກົາຫລີ ຖືກວິຈານວ່າອາໄສ COVAX ຫລາຍເກີນໄປ ຈົນແຜນສັກວັກຊີນໂຄວິດ-19 ຊັກຊ້າ
- WhatsApp Image 2020 05 27 at 5 - ລັດຖະບານ ສ.ເກົາຫລີ ຖືກວິຈານວ່າອາໄສ COVAX ຫລາຍເກີນໄປ ຈົນແຜນສັກວັກຊີນໂຄວິດ-19 ຊັກຊ້າ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!