IMF ແນະນຳປະເທດຮັ່ງມີຂຶ້ນພາສີ ເພື່ອຫລຸດຄວາມບໍ່ສະເໝີພາບທີ່ເກີດຈາກວິກິດໂຄວິດ-19

- IMF                                                                                                     - IMF ແນະນຳປະເທດຮັ່ງມີຂຶ້ນພາສີ ເພື່ອຫລຸດຄວາມບໍ່ສະເໝີພາບທີ່ເກີດຈາກວິກິດໂຄວິດ-19
- Untitled design - IMF ແນະນຳປະເທດຮັ່ງມີຂຶ້ນພາສີ ເພື່ອຫລຸດຄວາມບໍ່ສະເໝີພາບທີ່ເກີດຈາກວິກິດໂຄວິດ-19

ລາຍ​ງານ​ຂອງ IMF ຊີ້​ໂຄ​ວິດ-19 ​ເພີ່ມ​ຄວາມ​ບໍ່​ສະ​ເໝີ​ພາບ ຈຳ​ເປັນ​ຕ້ອງ​ຈັດ​ສັນ​ງົບ​ພັດທະນາ​ດ້ານ​ສັງຄົມ ​ເພື່ອ​ຫລຸດ​ຜົນ​ກະທົບ​ຈາກ​ວິ​ກິດ​ທີ່​ເກີດ​ຂຶ້ນ.

ວັນ​ທີ 1 ​ເມສາ 2021, ກອງ​ທຶນ​ການ​ເງິນ​ສາກົນ ຫລື IMF ​ເປີດ​ເຜີຍ​ລາຍ​ງານ Fiscal Monitor ປະຈຳ​ເດືອນ​ເມສາ 2021 ​ໂດຍ​ສະຫລຸບ​ເຖິງ​ບັນຫາ​ດ້ານ​ຄວາມ​ບໍ່ສະ​ເໝີ​ພາບ​ທີ່​ເຫັນ​ໄດ້​ຈະ​ແຈ້ງ​ຂຶ້ນ ຫລັງ​ຈາກ​ໂລກ​ຜະ​ເຊີນ​ວິ​ກິດ​ໂຄ​ວິດ-19 ຈຶ່ງ​ຈຳ​ເປັນ​ຕ້ອງ​ພັດທະນາ Social Safety Nets ຫລື ມາດ​ຕະການ​ຮອງ​ຮັບ​ທາງ​ສັງຄົມ​ຂຶ້ນມາ​ໂດຍ​ໄວ.

ສິ່ງ​ທີ່​ຈຳ​ເປັນຢ່າງ​ຍິ່ງ​ຄື​ການ​ເຂົ້າ​ເຖິງ​ລະບົບ​ສາທາລະນະ​ສຸກ, ການ​ສຶກສາ ​ແລະ ​ໂຄງ​ລ່າງ​ພື້ນຖານ​ດ້ານ​ດິຈິ​ຕອນ ​ເຊິ່ງພາກ​ລັດ​ຈະ​ຕ້ອງ​ຈັດ​ສັນ​ງົບປະມານ​ເຂົ້າມາ​ພັດທະນາ​ດ້ານ​ທີ່​ກ່າວ​ມາ ​ເພື່ອ​ຫລຸດ​ຄວາມບໍ່​ສະ​ເໝີ​ພາບ​ໃນ​ໄລຍະ​ຍາວ.

ປະ​ເທດ​ທີ່​ມີ​ເສດຖະກິດ​ຂະໜາດ​ໃຫຍ່​ອາດ​ໃຊ້​ວິທີ​ເພີ່ມ​ອັດຕາ​ພາສີ​ກ້າວໜ້າ​ຂອງ​ເງິນ​ໄດ້​ໃຫ້​ສູງ​ຂຶ້ນ ​ແລະ ​ເພີ່ມ​ການ​ເກັບ​ພາສີ​ໃນ​ສ່ວນ​ຂອງຂວັນ ​ແລະ ມໍລະດົກ ລວມທັງ​ພາສີ​ທີ່​ດິນ ​ແລະ ສິ່ງ​ປຸກ​ສ້າງ ​ເພື່ອ​ໃຫ້​ມີ​ງົບປະມານ​ພຽງພໍ​ສຳລັບ​ການ​ພັດທະນາ.

ສ່ວນ​ປະ​ເທດ​ທີ່ຢູ່​ໃນ​ຂ່າຍລະບົບ​ເສດຖະກິດ​ຂອງ​ຕະຫລາດ​ເກີດ​ໃໝ່ ​ແລະ ຕະຫລາດ​ກຳລັງ​ພັດທະນາ ຄວນ​ເພີ່ມ​ງົບປະມານ​ໃນ​ດ້ານ​ສັງຄົມ​ເຊັ່ນ​ກັນ. ພາຍ​ໃນ​ປີ 2030 ບັນດາ​ປະ​ເທດ​ຈຳ​ເປັນ​ຕ້ອງ​ເຂົ້າ​ໄປ​ສະໜັບສະໜູນ 121 ປະ​ເທດ​ທີ່ຢູ່​ໃນ​ຂ່າຍ ​ໂດຍ​ໃຊ້​ເງິນ​ທັງ​ໝົດ 3 ພັນຕື້​ໂດ​ລາ​ສະຫະລັດ ​ແລະ ​ເລື່ອງ​ຮີບ​ດ່ວນ​ໃນ​ຕອນ​ນີ້​ຄື​ການ​ສະໜັບສະໜູນ​ໃຫ້​ເຂົ້າ​ເຖິງ​ວັກ​ຊີ​ນ​ໃນ​ລາຄາ​ທີ່​ສາມາດ​ຈ່າຍ​ໄດ້.

ຂະນະ​ທີ່ Oxfam ໜ່ວຍ​ງານ​ການ​ກຸສົນ​ທີ່​ສຶກສາ​ເລື່ອງ​ການ​ຫລຸດ​ຄວາມ​ບໍ່​ສະ​ເໝີ​ພາບ ​ເປີດ​ເຜີຍ​ຕໍ່​ສຳນັກ​ຂ່າວຣອຍ​ເຕີ​ວ່າ: ​ໄລຍະ​ເດືອນ​ມີນາ-​ທັນວາ 2020 ມະຫາ​ເສດຖີ​ທົ່ວ​ໂລກ​ລວຍ​ຂຶ້ນ 3,9 ພັນຕື້​ໂດ​ລາ ​ເປັນ​ຕົວຢ່າງ​ທີ່​ສະ​ແດງ​ໃຫ້​ເຫັນ​ວ່າ: ຄວາມ​ບໍ່​ສະ​ເໝີ​ພາບ​ສູງ​ຂຶ້ນຄັ້ງນີ້ ທັງ IMF ​ແລະ ລັດຖະບານ​ບໍ່​ຄວນ​ດຳ​ເນີນ​ການ​ຊ້ຳຮອຍ​ວິ​ກິດ​ການ​ເງິນ​ປີ 2008-2009 ດ້ວຍ​ການ​ຊຸກຍູ້​ພາລະ​ໜີ້​ສິນ​ຈາກ​ຄົນ​ລວຍ ​ແລະ ບໍລິສັດ​ຍັກ​ໃຫຍ່​ໄປ​ສູ່​ຄົວ​ເຮືອນ.

- Wave100S AD to Website 2020 0 - IMF ແນະນຳປະເທດຮັ່ງມີຂຶ້ນພາສີ ເພື່ອຫລຸດຄວາມບໍ່ສະເໝີພາບທີ່ເກີດຈາກວິກິດໂຄວິດ-19

ອ້າງ​ອີງ:

https://www.imf.org/…/2021/03/29/fiscal-monitor-april-2021

https://www.reuters.com/…/imf-says-rich-countries-could…

- WhatsApp Image 2020 05 27 at 5 - IMF ແນະນຳປະເທດຮັ່ງມີຂຶ້ນພາສີ ເພື່ອຫລຸດຄວາມບໍ່ສະເໝີພາບທີ່ເກີດຈາກວິກິດໂຄວິດ-19
- WhatsApp Image 2020 05 27 at 5 - IMF ແນະນຳປະເທດຮັ່ງມີຂຶ້ນພາສີ ເພື່ອຫລຸດຄວາມບໍ່ສະເໝີພາບທີ່ເກີດຈາກວິກິດໂຄວິດ-19
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!