7 ວິທີແກ້ອາການເບື່ອອາຫານ

- 032701 2021 - 7 ວິທີແກ້ອາການເບື່ອອາຫານ
- Untitled design - 7 ວິທີແກ້ອາການເບື່ອອາຫານ

ໃຜທີ່ກຳລັງມີອາການເບື່ອອາຫານ, ຮູ້ສຶກອີ່ມຕະຫລອດເວລາ, ກິນອາຫານແຕ່ລະເທື່ອກໍລຳບາກ ຫລື ມີຍາດພີ່ນ້ອງທີ່ມີອາການເຫລົ່ານີ້ ຄົງບໍ່ເປັນຜົນດີຕໍ່ສຸຂະພາບໃນອະນາຄົດຢ່າງແນ່ນອນ ເພາະມີໂອກາດທີ່ຈະເຮັດໃຫ້ເກີດບັນຫາຂາດສານອາຫານໄດ້. ມື້ນີ້ຈຶ່ງໄດ້ລວບລວມເອົາວິທີການຮັບມືກັບອາການເຫລົ່ານີ້ມາແນະນຳບັນດາທ່ານ ດັ່ງນີ້ :

- 042701 2021 300x200 - 7 ວິທີແກ້ອາການເບື່ອອາຫານ

- Wave100S AD to Website 2020 0 - 7 ວິທີແກ້ອາການເບື່ອອາຫານ
  1. ດື່ມນຳ້ໃຫ້ພຽງພໍ : ອາການເບື່ອອາຫານ ບໍ່ແມ່ນແຕ່ເບື່ອພຽງອາຫານເທົ່ານັ້ນ, ແຕ່ອາດຈະສົ່ງຜົນເຮັດໃຫ້ບໍ່ຢາກດື່ມນຳ້ໄປນຳ ເຊິ່ງນຳ້ຖືວ່າເປັນສິ່ງສຳຄັນຫລາຍສຳລັບຮ່າງກາຍ ສະນັ້ນ ໃນ 1 ມື້ ຄວນດື່ມນຳ້ໃຫ້ພຽງພໍຕໍ່ຮ່າງກາຍ ໂດຍ 1 ມື້ ຄວນຈະດື່ມນຳ້ປະມານ 7 – 8 ຈອກ ເປັນຢ່າງໜ້ອຍ.
  2. ກິນໃຫ້ຫລາຍເທື່ອຂຶ້ນ : ຄົນທີ່ເບື່ອອາຫານແນ່ນອນວ່າອາລົມຢາກອາຫານຄົງເກີດໄດ້ຍາກ, ແຕ່ກໍຄວນຈະຝືນໂຕເອງໃຫ້ກິນຫລາຍເທື່ອຂຶ້ນ ເພື່ອໃຫ້ຮ່າງກາຍເກີດການປັບສະພາບ ໂດຍໃຫ້ໃຊ້ວິທີການກິນຫລາຍໆຄາບ ໂດຍບໍ່ຈຳເປັນຕ້ອງກິນຈົນອີ່ມແໜ້ນເຕັມກະເພາະ, ພະຍາຍາມຢ່າໃຫ້ທ້ອງວ່າງກໍພໍ.
  3. ກິນອາຫານທີ່ໃຫ້ພະລັງງານສູງ : ໂດຍການກິນອາດຈະເລີ່ມຈາກການກິນອາຫານທີ່ມັກເບົາໆກ່ອນ ເຊັ່ນ : ເຂົ້າໜົມ ຫລື ຂອງກິນຫລິ້ນທົ່ວໄປ ຈາກນັ້ນຈຶ່ງຄ່ອຍຫຍັບໄປກິນອາຫານທີ່ໃຫ້ພະລັງງານສູງ ເຊັ່ນ : ຕົ້ມເຂົ້າ, ເຂົ້າປຽກ ແລະ ແກງຕ່າງໆ ເປັນຕົ້ນ.
  4. ຫລີກເວັ້ນອາຫານທີ່ເຮັດໃຫ້ລະບົບຍ່ອຍເຮັດວຽກໜັກ : ຫລີກເວັ້ນການກິນອາຫານຈືນ, ຊາ, ກາເຟ ຫລື ນຳ້ອັດລົມ ເພາະສິ່ງເຫລົ່ານີ້ມີສ່ວນເຮັດໃຫ້ລະບົບຍ່ອຍຕ້ອງເຮັດວຽກໜັກ ແລະ ຮ່າງກາຍຈະຮູ້ສຶກອີ່ມໄວ ເຮັດໃຫ້ກິນອາຫານທີ່ມີປະໂຫຍດໄດ້ໜ້ອຍລົງ ໃຫ້ລອງຫັນມາກິນເປັນນຳ້ຜັກ-ໝາກໄມ້ແທນ.
  5. ອອກກຳລັງກາຍ : ໂດຍໃຫ້ອອກກຳລັງກາຍກ່ອນກິນອາຫານ ປະມານ 1 ຊົ່ວໂມງ ຈະຊ່ວຍກະຕຸ້ນນຳ້ຍ່ອຍໃນກະເພາະເຮັດວຽກ ເກີດຄວາມຮູ້ສຶກຢາກອາຫານຫລາຍຂຶ້ນ.
  6. ອອກໄປກິນເຂົ້ານອນບ້ານ : ອາການເບື່ອອາຫານອາດເກີດຈາກການຕ້ອງເຮັດຫຍັງຊຳ້ໆເກົ່າໆ ເຊັ່ນ : ກິນແຕ່ອາຫານແບບເກົ່າໆ, ບັນຍາກາດເກົ່າໆ. ລອງອອກໄປກິນເຂົ້ານອກເຮືອນແດ່ເພື່ອປ່ຽນບັນຍາກາດ ແລະ ລົດຊາດອາຫານໃໝ່ໆ ອາດຈະເຮັດໃຫ້ມີຄວາມຮູ້ສຶກຢາກອາຫານເພີ່ມຂຶ້ນ.
  7. ກິນອາຫານເສີມ : ເປັນວິທີທີ່ຫລາຍໆທ່ານນິຍົມໃຊ້ ເພາະສະດວກ ແລະ ງ່າຍກ່ວາວິທີອື່ນໆ ໂດຍອາຫານເສີມທີ່ວ່າກໍຄວນເລືອກກິນແບບທີ່ຊ່ວຍໃນເລື່ອງຂອງການຈະເລີນອາຫານ ແລະ ມີວິຕາມິນທັງ 12 ຊະນິດ ເພື່ອຊ່ວຍຫລຸດການຂາດວິຕາມິນ.
- WhatsApp Image 2020 05 27 at 5 - 7 ວິທີແກ້ອາການເບື່ອອາຫານ
- WhatsApp Image 2020 05 27 at 5 - 7 ວິທີແກ້ອາການເບື່ອອາຫານ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!