7 ເຕັກນິກແກ້ອາການຕິດກາເຟ

- 072701 2021 - 7 ເຕັກນິກແກ້ອາການຕິດກາເຟ
- Untitled design - 7 ເຕັກນິກແກ້ອາການຕິດກາເຟ

ກາເຟ ເປັນເຄື່ອງດື່ມຍອດນິຍົມທີ່ຫລາຍທ່ານຕິດກັນງອມແງມ. ກາເຟ ໃຫ້ທັງປະໂຫຍດ ແລະ ໂທດແກ່ຮ່າງກາຍຫລາຍຢ່າງ  ເຮັດໃຫ້ກະດູກຜ່ອຍ, ກະຕຸ້ນລະດັບຄວາມດັນເລືອດໃຫ້ສູງຂຶ້ນ, ສົ່ງຜົນຮ້າຍຕໍ່ສຸຂະພາບໃນໄລຍະຍາວໄດ້ຄືກັນ ຫາກດື່ມບໍ່ຖືກວິທີ ຫລື ດື່ມຫລາຍເກີນໄປ. ສຳລັບຜູ້ທີ່ຢາກເຊົາດື່ມກາເຟ ຫລື ຜູ້ທີ່ຕິດກາເຟ (ບໍ່ດື່ມຢູ່ບໍ່ໄດ້), ຢາກເຊົາ ແຕ່ເຮັດບໍ່ໄດ້ຈັກເທື່ອ. ມື້ນີ້ພວກເຮົາມີວິທີຊ່ວຍໃຫ້ເຊົາຕິດກາເຟມາແນະນຳບັນດາທ່ານ.

- 092701 2021 300x294 - 7 ເຕັກນິກແກ້ອາການຕິດກາເຟ
Man taking cup of espresso, Close-up of hand
  1. ຫລຸດປະລິມານການດື່ມລົງເທື່ອລະໜ້ອຍ : ຄົນທີ່ຕິດກາເຟ ອາດດື່ມກາເຟຫລາຍເຖິງມື້ລະ 3 – 4 ຈອກ ກໍ່ໃຫ້ເກີດຜົນເສຍຕໍ່ສຸຂະພາບ. ການເຊົາດື່ມກາເຟໃນທັນທີ ອາດເຮັດໃຫ້ຮ່າງກາຍຕໍ່ຕ້ານ ຈົນເຮັດໃຫ້ຮູ້ສຶກບໍ່ສົດຊື່ນ, ບໍ່ມີສະມາທິ, ຊຶມເສົ້າ. ດັ່ງນັ້ນ, ໃຫ້ຄ່ອຍໆຫລຸດປະລິມານການດື່ມລົງເທື່ອລະໜ້ອຍຈົນຮ່າງກາຍລຶ້ງເຄີຍ ແລະ ປັບໂຕໄດ້ ຈະເຮັດໃຫ້ເຊົາດື່ມກາເຟໄດ້ງ່າຍຂຶ້ນ.
  2. ລອງກິນຢາແກ້ປວດ : ການກິນຢາແກ້ປວດບໍ່ໄດ້ຊ່ວຍເຮັດໃຫ້ເຊົາຕິດກາເຟໄດ້, ແຕ່ການກິນຢາແກ້ປວດຈະຊ່ວຍຫລຸດຜ່ອນອາການເຈັບຫົວຈາກການເຊົາດື່ມກາເຟ. ການເຊົາດື່ມກາເຟທັນທີຈະເຮັດໃຫ້ເກີດອາການເຈັບຫົວ ຈົນຕ້ອງຫາກາເຟມາດື່ມທັນທີ ນີ້ຈຶ່ງເປັນເຫດຜົນວ່າເຊົາດື່ມກາເຟບໍ່ໄດ້ຈັກເທື່ອ.
  3. ດື່ມເຄື່ອງດື່ມຊະນິດອື່ນແທນ : ກິ່ນຫອມຂອງກາເຟເປັນໂຕການຫລັກທີ່ເຮັດໃຫ້ທ່ານຕິດກາເຟ ຫາກຢາກເຊົາດື່ມຫາເຟລອງປ່ຽນມາດື່ມກາເຟທີ່ບໍ່ມີກາເຟອີນ ໂດຍກາເຟຊະນິດນີ້ກໍມີກິ່ນຄ້າຍຄືກັບກາເຟແທ້ ພຽງແຕ່ບໍ່ມີກາເຟອີນທີ່ເປັນອັນຕະລາຍຕໍ່ສຸຂະພາບ. ໃນໄລຍະທຳອິດທ່ານອາດດື່ມຄູ່ກັບກາເຟປົກກະຕິໄປກ່ອນ ແລ້ວຄ່ອຍຫລຸດການດື່ມກາເຟປົກກະຕິໃຫ້ໜ້ອຍລົງຕາມອັດຕາສ່ວນ ຖ້າຫາກຢາກເຊົາຕິດກາເຟໃຫ້ໄວຂຶ້ນ ລອງດື່ມນຳ້ອຸ່ນ ຫລື ດື່ມຊາໄປເລີຍຈະດີທີ່ສຸດ.
  4. ກິນອາຫານທີ່ມີປະໂຫຍດ : ການກິນອາຫານທີ່ມີປະໂຫຍດໃນໄລຍະທີ່ເຊົາດື່ມກາເຟ ຈະເຮັດໃຫ້ຮ່າງກາຍໄດ້ຮັບວິຕາມິນ ແລະ ແຮ່ທາດຢ່າງພຽງພໍ ເພື່ອຊ່ວຍຫລຸດອາການອ່ອນເພຍຈາກການເຊົາດື່ມກາເຟ, ຫລີກເວັ້ນການກິນອາຫານທີ່ມີໄຂມັນຫລາຍ ເພາະຈະຍິ່ງເຮັດໃຫ້ງ່ວງນອນ ແລະ ອ່ອນເພຍຫລາຍກ່ວາເກົ່າ ຈົນຕ້ອງຫັນກັບມາດື່ມກາເຟຄືເກົ່າ.
  5. ງົດອານກໍຮໍ : ການດື່ມອານກໍຮໍຈະອອກລິດຕໍ່ລະບົບປະສາດ ທຸກເທື່ອທີ່ດື່ມການກໍຮໍຈະເຮັດໃຫ້ຕື່ນມາຕອນເຊົ້າແລ້ວຮູ້ສຶກຢາກດື່ມກາເຟຫລາຍຂຶ້ນ ຫາກຢາກເຊົາດື່ມກາເຟໃຫ້ໄດ້ ລອງງົດການດື່ມອານກໍຮໍໃນໄລຍະເຊົາກາເຟ.
  6. ເຮັດກິດຈະກຳທີ່ຜ່ອນຄາຍ : ການເຊົາກາເຟອາດເຮັດໃຫ້ເກີດຜົນຂ້າງຄຽງ ເຊັ່ນ : ສະໝອງຕື້, ຄິດຫຍັງບໍ່ຄ່ອຍອອກ, ບໍ່ມີສະມາທິ ຈົນສົ່ງຜົນເຮັດໃຫ້ເກີດຄວາມເຄັ່ງຄຽດໄດ້. ລອງເຮັດກິດຈະກຳທີ່ຜ່ອນຄາຍຮ່າງກາຍ ແລະ ສະໝອງ ເຊັ່ນ : ການຝຶກໂຢຄະ, ການນວດ, ການເບິ່ງຮູບເງົາທີ່ມັກ ເປັນຕົ້ນ.
  7. ກິນເຂົ້າເຊົ້າ : ຫລາຍທ່ານມັກຈະດື່ມກາເຟຈອກດຽວເປັນເຂົ້າເຊົ້າ. ການດື່ມກາເຟບໍ່ຖືວ່າເປັນເຂົ້າເຊົ້າໄດ້ ຫາກຢາກເຊົາດື່ມກາເຟໃຫ້ກິນເຂົ້າເຊົ້າໃຫ້ອີ່ມ ຈະເຮັດໃຫ້ຮ່າງກາຍຫລຸດຄວາມຢາກກາເຟລົງ ເພາະວ່າໄດ້ຮັບສານອາຫານພຽງພໍແລ້ວວ.
  • ຫລາຍທ່ານພະຍາຍາມເຊົາດື່ມກາເຟ ແຕ່ກໍບໍ່ປະສົບຜົນສຳເລັດ ລອງເອົາວິທີການເຫລົ່ານີ້ໄປໃຊ້ ໂດຍການພະຍາຍາມຫລຸດປະລິມານການດື່ມກາເຟລົງເທື່ອລະໜ້ອຍ ຫາກຍັງບໍ່ສາມາດເຊົາຕິດກາເຟໄດ້ຢ່າງຈິງຈັງ ລອງປ່ຽນໄປດື່ມກາເຟທີ່ບໍ່ມີກາເຟອີນໄປກ່ອນ ແລ້ວຈຶ່ງຄ່ອຍຫລຸດປະລິມານການດື່ມກາເຟລົງ ຈະເຮັດໃຫ້ເຊົາຕິດກາເຟໄດ້ງ່າຍຍິ່ງຂຶ້ນ.
- WhatsApp Image 2020 05 27 at 5 - 7 ເຕັກນິກແກ້ອາການຕິດກາເຟ
- WhatsApp Image 2020 05 27 at 5 - 7 ເຕັກນິກແກ້ອາການຕິດກາເຟ
- Wave100S AD to Website 2020 0 - 7 ເຕັກນິກແກ້ອາການຕິດກາເຟ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!