ນະຄອນວັດເຜີຍຈຳນວນນັກທ່ອງທ່ຽວຕ່າງປະເທດ ໄຕມາດທຳອິດຂອງປີ 2021 ຫລຸດລົງເຖິງ 98,8%

- Untitled design - ນະຄອນວັດເຜີຍຈຳນວນນັກທ່ອງທ່ຽວຕ່າງປະເທດ ໄຕມາດທຳອິດຂອງປີ 2021 ຫລຸດລົງເຖິງ 98,8%

ວັນ​ທີ 2 ​ເມສາ, Angkor Enterprise ລັດ​ວິ​ສາ​ຫະກິດ​ກຳປູ​ເຈຍ ຖະ​ແຫລ​ງວ່າ: ອຸ​ທິຍານ​ບູຮານ​ຄະດີ​ອັງ​ກໍ ຫລື ນະຄອນ​ວັດ ສະຖານ​ທີ່​ທ່ອງ​ທ່ຽວ​ຊື່​ດັງ​ຂອງ​ກຳປູ​ເຈຍ ສ້າງ​ສະຖິຕິ​ຕ້ອນຮັບ​ນັກ​ທ່ອງ​ທ່ຽວ​ຕ່າງປະ​ເທດ​ທັງ​ໝົດ 4.482 ຄົນ​ໃນ​ໄລຍະ​ໄຕ​ມາດ​ທຳ​ອິດ​ຂອງ​ປີ 2021 ຫລຸດ​ລົງ​ເຖິງ 98,8% ຈາກ​ໄລຍະ​ດຽວ​ກັນ​ຂອງ​ປີຜ່ານມາ ​ເຊິ່ງມີ​ນັກ​ທ່ອງ​ທ່ຽວ​ຕ່າງປະ​ເທດ​ມາ​ທ່ຽວ​ຊົມ​ທັງ​ໝົດ 383.663 ຄົນ.

ຖະ​ແຫລ​ງການ​ຍັງ​ເປີດ​ເຜີຍ​ລາຍ​ໄດ້​ລວມຈາກ​ການຈຳໜ່າຍ​ປີ້​ເຂົ້າຊົມ​ວ່າ​ມີ 185.079 ​ໂດ​ລາ​ສະຫະລັດ ​ໄລຍະ​ເດືອນ​ມັງກອນ​ຫາ​ເດືອນ​ມີນາ​ຂອງ​ປີ​ນີ້ ຫລຸດ​ລົງ​ເຖິງ 98,9% ຈາກ​ໄລຍະ​ດຽວ​ກັນ​ຂອງ​ປີ​ກ່ອນ ​ເຊິ່ງມີ​ລາຍ​ໄດ້​ຈາກ​ການຈຳໜ່າຍ​ປີ້ທັງ​ໝົດ 17,9 ລ້ານ​ໂດ​ລາ​ສະຫະລັດ.

ສາ​ເຫດ​ຂອງ​ຈຳນວນ​ນັກ​ທ່ອງ​ທ່ຽວ​ຕ່າງປະ​ເທດ​ທີ່​ຫລຸດ​ລົງ ​ເນື່ອງ​ຈາກ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ​ທີ່​ເຮັດ​ໃຫ້​ກຳປູ​ເຈຍ​ຕ້ອງ​ອອກ​ຂໍ້​ຈຳກັດ​ການ​ເຂົ້າ​ເມືອງ​ສຳລັບ​ນັກ​ທ່ອງ​ທ່ຽວ​ຊາວ​ຕ່າງປະ​ເທດ​ທັງ​ໝົດ​ນັບ​ແຕ່​ເດືອນ​ມີນາ​ປີຜ່ານມາ.

ທັງ​ນີ້, ອຸທິຍານ​ບູຮານ​ຄະດີ​ອັງ​ກໍ​ຕັ້ງຢູ່​ແຂວງ​ສຽມ​ຣຽບ ທາງ​ຕາ​ເວັນ​ຕົກ​ສຽງ​ເໜືອ​ຂອງ​ປະ​ເທດ ​ໄດ້​ຮັບ​ການ​ຂຶ້ນທະບຽນ​ເປັນ​ມໍລະດົກ​ໂລກ​ຂອງ​ອົງການ UNESCO ​ເມື່ອ​ປີ 1992 ທັງ​ຍັງ​ເປັນ​ໜຶ່ງ​ໃນ​ສະຖານ​ທີ່​ທ່ອງ​ທ່ຽວ​ທີ່​ໄດ້​ຮັບ​ຄວາມ​ນິຍົມ​ຫລາຍ​ທີ່​ສຸດ​ຂອງ​ກຳປູ​ເຈຍ.

- Wave100S AD to Website 2020 0 - ນະຄອນວັດເຜີຍຈຳນວນນັກທ່ອງທ່ຽວຕ່າງປະເທດ ໄຕມາດທຳອິດຂອງປີ 2021 ຫລຸດລົງເຖິງ 98,8%

ອ້າງ​ອີງ: ສຳນັກ​ຂ່າວ​ຊິນ​ຮົວ

- WhatsApp Image 2020 05 27 at 5 - ນະຄອນວັດເຜີຍຈຳນວນນັກທ່ອງທ່ຽວຕ່າງປະເທດ ໄຕມາດທຳອິດຂອງປີ 2021 ຫລຸດລົງເຖິງ 98,8%
- WhatsApp Image 2020 05 27 at 5 - ນະຄອນວັດເຜີຍຈຳນວນນັກທ່ອງທ່ຽວຕ່າງປະເທດ ໄຕມາດທຳອິດຂອງປີ 2021 ຫລຸດລົງເຖິງ 98,8%
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!