ປະກາດລາຍຊື່ຜູ້ໄດ້ຮັບລາງວັນ ວັນນະກຳຊີໄຣ ແລະ ລາງວັນ ແມ່ນໍ້າຂອງ ປະຈຳປີ 2020
ວັນທີ 2 ເມສາ 2021 ນີ້ ສະມາຄົມນັກປະພັນລາວ ໄດ້ຈັດພິທີປະກາດຜົນລາຍຊື່ຜູ້ໄດ້ຮັບລາງວັນ ວັນນະກຳຊີໄຣ ແລະ ລາງວັນແມ່ນໍ້າຂອງ ປະຈຳປີ 2020 ຢ່າງເປັນທາງການ ໂດຍການເຂົ້າຮ່ວມຂອງທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງ ຖວທ ແລະ ພາກສ່ວນກ່ຽວຂ້ອງເຂົ້າຮ່ວມ.
ຜົນງານທີ່ໄດ້ຮັບລາງວັນວັນນະກຳແມ່ນໍ້າຂອງ ປະຈຳປີ 2020 ມີຈຳນວນ 2 ທ່ານ ຄື: ບົດກະວີທີ່ມີຊື່ວ່າ “ຄຳໝັ້ນສັນຍາ” ເປັນຜົນງານຂອງ ນາກປາກກາ ພຣະບຸນທະວີ ກົມພະພັນ ໃນຊຸດໂຮມ ກະວີ ແພພັນລາຍປາຍມືແມ່ ແລະ ບົດກະວີທີ່ມີຊື່ວ່າ “ແຍງນາງ” ເປັນຜົນງານຂອງນາມປາກກາ ຂັນຄຳ ສຸດທະວິໄລ. ພາຍຫລັງສະພາບເອື້ອອຳນວຍຈະໄດ້ໄປຮັບລາງວັນຢູ່ປະເທດກຳປູເຈຍເປັນເຈົ້າພາບ.
ສ່ວນລາງວັນ ສ້າງສັນຍອດຢ້ຽມແຫ່ງອາຊຽນ ຫລື ຊີໄຣ ເປັນຜົນງານເລື່ອງສັ້ນທີ່ມີຊື່ວ່າ “ເຄິ່ງຄ່າ” ຂຽນໂດຍ ອຸດົມ ຮອບຄອມ ຫລື ນາມປາກກາ ປິຕິ ທິວາຊົນ ໃນຊຸດໂຮມເລື່ອງສັ້ນ “ຂອງດີ” ເຊິ່ງຈະໄດ້ໄປຮັບລາງວັນທີ່ປະເທດໄທ ເມື່ອສະພາບເອື້ອອຳນວຍ.
