ເຝົ້າລະວັງ ແລະ ໂຕ້ຕອບ ການເສຍຊີວິດຂອງແມ່ ເພື່ອກ້າວສູ່ການຍຸຕິການຕາຍຂອງແມ່

- 789 - ເຝົ້າລະວັງ ແລະ ໂຕ້ຕອບ ການເສຍຊີວິດຂອງແມ່  ເພື່ອກ້າວສູ່ການຍຸຕິການຕາຍຂອງແມ່
- Untitled design - ເຝົ້າລະວັງ ແລະ ໂຕ້ຕອບ ການເສຍຊີວິດຂອງແມ່  ເພື່ອກ້າວສູ່ການຍຸຕິການຕາຍຂອງແມ່

ໃນວັນທີ 2 ເມສາ 2021 ທີ່ໂຮງແຮມດອນຈັນພາເລດ ນະຄອນຫລວງວຽງຈັນ, ກົມປິ່ນປົວ ແລະ ຟື້ນຟູໜ້າທີ່ການ, ກະຊວງສາທາລະນະສຸກ ຮ່ວມກັບອົງການສະຫະປະຊາຊາດ ກອງທຶນສຳລັບປະ ຊາກອນ (UNFPA) ໄດ້ຈັດກອງປະຊຸມໂຕ້ຕອບການເສຍຊີວິດຂອງແມ່ ເພື່ອລາຍງານຜົນໄດ້ຮັບ ແລະ ຜົນການຈັດຕັ້ງປະຕິບັດວຽກງານ ທົບທວນແມ່ເສຍຊີວິດ ປີ 2020 ແນໃສ່ສ້າງຄວາມເຂັ້ມແຂງໃຫ້ແກ່ລະ ບົບການຄຸ້ມຄອງໃນລະດັບຊາດ ແລະ ລະດັບພາກພື້ນ. ນອກຈາກນີ້, ກໍເພື່ອນຳສະເໜີ ແຜນການຈັດຕັ້ງປະຕິບັດຕອບໂຕ້ແມ່ເສຍຊີວິດ ໂດຍການປັບປຸງທົ່ວປະເທດ ກ່ຽວກັບການແກ້ໄຂສຸກເສີນໃນເວລາເກີດລູກ, ການຝາກທ້ອງ ແລະ ການກວດກັ່ນຕອງຫາແມ່ສ່ຽງໄພ ຢູ່ສະຖານທີ່ບໍລິການໃນຕໍ່ໜ້າ, ໂດຍເຂົ້າຮ່ວມເປັນປະທານ ຂອງ ທ່ານ ດຣ. ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ພ້ອມດ້ວຍບັນດາພະແນກການທີ່ກ່ຽວຂ້ອງ ອ້ອມຂ້າງກະຊວງ ແລະ ທ້ອງຖິ່ນເຂົ້າຮ່ວມ.

- 987 300x169 - ເຝົ້າລະວັງ ແລະ ໂຕ້ຕອບ ການເສຍຊີວິດຂອງແມ່  ເພື່ອກ້າວສູ່ການຍຸຕິການຕາຍຂອງແມ່

ທ່ານ ດຣ. ຄຳພົ້ວ ສຸດທິສົມບັດ ຫົວໜ້າກົມປິ່ນປົວ ແລະ ຟື້ນຟູໜ້າທີ່ການ ແຈ້ງໃຫ້ຮູ້ວ່າ: ການຕາຍຂອງແມ່ ແລະ ເດັກເກີດໃໝ່ ໄດ້ມີການຫລຸດລົງຢ່າງຫລວງຫລາຍ ໃນສອງທົດສະວັດທີ່ຜ່ານມາ. ອັດຕາການຕາຍຂອງແມ່ໃນ ສປປ ລາວ ໄດ້ຫລຸດລົງເລື້ອຍໆ ສະເລ່ຍ 78% ໃນລະຫວ່າງປີ 1990-2015. ແຕ່ເຖິງຢ່າງໃດກໍຕາມ, ອີງຕາມການຄາດຄະເນ ຂອງອົງການສະຫະປະຊາຊາດ ອັດຕາການຕາຍຂອງແມ່ ໃນປັດຈຸບັນ ຖືວ່າຍັງສູງພໍສົມຄວນ ໂດຍປະມານ 185 ໃນ 100.000 ຄົນ, ເຊິ່ງສ່ວນໃຫຍ່ແມ່ນມາຈາກອາການແຊກຊ້ອນໃນໄລຍະທີ່ຖືພາ, ຫລັງການຖືພາ ແລະ ເວລາເກີດລູກ. ການເຝົ້າລະວັງແມ່ເສຍຊີວິດ ເປັນວຽກງານບູລິມະສິດອັນໜຶ່ງ ໃນແຜນຍຸດທະສາດແຫ່ງຊາດ ແລະ ແຜນປະຕິບັດງານ ສໍາລັບການບໍລິການເຊື່ອມສານສຸຂະພາບຈະເລີນພັນ, ແມ່ ແລະ ເດັກນ້ອຍ 2016-2030. ການເຝົ້າລະ ວັງແມ່ເສຍຊີວິດ ແມ່ນຈະຊ່ວຍໃຫ້ບັນດາການນໍາ, ຜູ້ວາງນະໂຍບາຍ, ຜູ້ຕັດສິນທາງດ້ານງົບປະມານ ແລະ ຜູ້ໃຫ້ບໍລິການທຸກຂັ້ນໄດ້ຮັບຮູ້ ເຂົ້າໃຈ ເຖິງສະພາບຄວາມເປັນຈິງຂອງການບໍລິການສຸຂະພາບ ຂອງແມ່ຍິງ ແລະ ເດັກນ້ອຍ ພ້ອມທັງເປັນບ່ອນອີງໃນການວາງແຜນການພັດທະນາ ແລະ ປັບປຸງການບໍລິ ການສຸຂະພາບແມ່ ແລະ ເດັກ ໃຫ້ມີຄຸນນະພາບເພີ່ມຂຶ້ນ.

ການຕິດຕາມກວດກາການຕາຍຂອງແມ່ ແລະ ເດັກ ຈະຊ່ວຍໃຫ້ຂໍ້ມູນຂ່າວສານ ກ່ຽວກັບສັນຍານທີ່ເປັນອັນຕະລາຍ ທີ່ກໍ່ໃຫ້ເກີດຄວາມສ່ຽງຕໍ່ການເສຍຊີວິດຂອງແມ່ ແລະ ການຕິດຕາມກວດກາຢ່າງຕໍ່ເນື່ອງ ທີ່ເຊື່ອມຕໍ່ກັບລະບົບຂໍ້ມູນສຸຂະພາບ, ຂະບວນການປັບປຸງຄຸນະພາບ ແຕ່ຂັ້ນທ້ອງຖິ່ນເຖິງລະດັບຊາດ ເພື່ອຫລີກລ້ຽງ ແລະ ຕອບສະໜອງຕໍ່ສິ່ງທີ່ເອີ້ນວ່າ “ຄວາມຊັກຊ້າ 3 ປະການ ຄື: ຄວາມຊັກຊ້າໃນການຮັບຮູ້ ແລະ ຊອກຫາການດູແລ ເມື່ອມີບັນຫາສັບສົນເກີດຂຶ້ນ, ຄວາມຊັກຊ້າໃນການເຂົ້າເຖິງສຸກສາ ລາ ແລະ ການຊັກຊ້າໃນການໄດ້ຮັບການດູແລທີ່ເໝາະສົມ ພາຍໃນສຸກສາລາ”.

- Wave100S AD to Website 2020 0 - ເຝົ້າລະວັງ ແລະ ໂຕ້ຕອບ ການເສຍຊີວິດຂອງແມ່  ເພື່ອກ້າວສູ່ການຍຸຕິການຕາຍຂອງແມ່

ທ່ານ ນາງ ມາຣຽມ ເອ.ຄານ ຜູ້ຕາງໜ້າຂອງອົງການ UNFPA ປະຈຳ ສປປ ລາວ ໄດ້ກ່າວວ່າ: ເພື່ອຫລຸດອັດຕາການເສຍຊີວິດຂອງແມ່  ການກວດກາຄືນການຕາຍຂອງແມ່ຢ່າງທັນເວລາ ແລະຮອບດ້ານ ພ້ອມດ້ວຍການວາງແຜນຮັບມື  ແລະ ການດຳເນີນການທີ່ວ່ອງໄວເປັນສິ່ງສຳຄັນ. ຄວາມມຸ່ງໝັ້ນຈາກກະຊວງສາທາລະນະສຸກ ແລະ ບັນດາຄູ່ຮ່ວມງານຂັ້ນແຂວງ, ເມືອງ ແລະ ຊຸມຊົນໃນການຮຽນຮູ້ ແລະ ປັບປຸງວິທີການໂຕ້ຕອບ ໃນການປັບປຸງການຕອບໂຕ້ ແລະ ມາດຕະການການແກ້ໄຂໃນອະນາ ຄົດ ທີ່ຈະສາມາດສົ່ງຜົນກະທົບຢ່າງຫລວງຫລາຍ ໃນການຫລຸດອັດຕາການຕາຍຂອງແມ່.

- WhatsApp Image 2020 05 27 at 5 - ເຝົ້າລະວັງ ແລະ ໂຕ້ຕອບ ການເສຍຊີວິດຂອງແມ່  ເພື່ອກ້າວສູ່ການຍຸຕິການຕາຍຂອງແມ່
- WhatsApp Image 2020 05 27 at 5 - ເຝົ້າລະວັງ ແລະ ໂຕ້ຕອບ ການເສຍຊີວິດຂອງແມ່  ເພື່ອກ້າວສູ່ການຍຸຕິການຕາຍຂອງແມ່
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!